Connect with us
Pakote Ahi

Nasionál

Governu Sei Formaliza Arrendamentu Rai no Uma ho EUA

Published

on

Hatutan.com (08 Abríl 2022) Dili-Governu Timor-Leste husi Ministériu Justisa (MJ) sei asina akordu arrendamentu rai no uma ho  Estadu Unidus Amerika (EUA) liuliu espasu rai no uma ne’ebé atuál EUA uza ba hanesan sira-nia embaixada iha Dili.

Logotipu Embaixada EUA iha Timor-Leste

Liuhusi enkontru entre Ministru Justisa, Tiago Amaral Sarmento ho Enkarregadu Negósiu EUA nian iha Timor-Leste, Tom Daley, Sesta (08/04/2022), iha Ministériu Justisa,  parte rua iha ona  konkordánsia hodi fó arrenda rai no uma Estadu ba EUA ne’ebé daudaun utiliza ba Embaixada EUA iha Timor-Leste hodi implementa mós resiprosidade.

“Kona-ba arrendamentu rai no uma ho EUA laiha problema no parte rua aseita tanba Governu fó rai ba EUA hodi halo atividade diplomasia iha Timor-Leste no EUA mós oferese rai iha Washington no Nova Yorke hodi estabelese mós ita-nia Embaixada iha fatin rua ne’e, nune’e  iha relasaun bilateral ne’e sempre iha resiprosidade, signifika ita fó ba sira no sira  mós fó ba ita hodi bele garantia servisu entre rai rua ne’e la’o di’ak,” Ministru Justisa Tiago Amaral Sarmento ba jornalista sira hafoin enkontru ne’e.

Valor arrendamentu rai no uma refere, sei fó simbolikamente ho durasaun tempu tinan 50, maibé sei koordena ho Ministériu Negósiu Estranjeiru (MNEK) atu formaliza akordu arrendamentu ne’e.

Advertisement

Alende ne’e, MJ mós sei aplika akordu arrendamentu rai ho embaixada seluk ne’ebé seidauk iha akordu arrendamentu ho Estadu Timor-Leste, tanba Embaixada balun formaliza ona akordu arrendamentu, maibé balun seidauk. Tanba ne’e daudaun ne’e iha faze preparasaun hodi ko’alia ho embaixadór sira iha TL nune’e bele kolabora hodi aplika akordu arrendamentu rai ne’ebé sira uza.

Iha fatin hanesan Enkarregadu Negósiu EUA nian iha Timor-Leste, Tom Daley afirma, EUA aseita ho desizaun MJ hodi hametin liután kooperasaun entre nasaun rua ne’e.

“Iha ami nia enkontru ko’alia kona-bá kooperasaun ne’ebé maka EUA ho MJ liu-liu iha área justisa no asuntu balun tan,” Tom Daley hateten.

 

Jornalista: Carmelita Isaac

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending