Connect with us
Pakote Ahi

Nasionál

Jesus Nia Mate Konvida Sarani Sira Lao iha Dalan Loos

Published

on

Hatutan.com, (15 Abríl 2022), Díli-Iha loron Sesta-Feira Santa, Uma-Kreda selebra Jesus Nia terus no mate iha krús, hodi  konvida sarani sira atu hametin  fiar hodi hatene lao iha dalan sarani nian.

Lee Mós: Lider Loloos Mak Servidór La’ós Mandór

Arsebispu Arkidioseze Metropolitana Díli, Dom Virgílio do Carmo da Silva, SDB, hamutuk ho sarani sira hlao viasakra Sesta-feira Santa hoidi hanoin Jesus Nia terus no mate iha Krús. Foto/Hatutan.com

Arsebispu Arkidioseze Metropolitana Díli, Dom Virgílio do Carmo da Silva, SDB hateten, sarani sira  hotu hatene katak loron ida-ne’e, atu tuir dalan krús nian atu prepara Jesus Ninia paixaun,  maske tinan-rua  liubá la selebra  páskua tanba Covid-19, maibé espirituál liu husi mídia ema hotu partisipa selebrasaun semana santa nian.

Tinan ida-ne’e, sarani hotu  haksolok  maske iha situasaun pandemia Covid-19 nia laran hela, maibé hetan fali oportunidade bele hasoru-malu ho sarani sira hodi realiza viasakra.

Advertisement

“Ita haree katak sarani sira kuaze tinan rua labele partisipa viasakra, maibé ohin ita haree  iha Díli laran hahú husi labarik, ferik no katuas sira la’o hamutuk nudár sarani tuir dalan Na’i Jesus nian, dalan terus nian atu lori sarani ida-idak bele hanoin kona-bá ninia-an, hanoin kona-bá ninia moris, hanoin kona-bá dalan ne’ebe ita lao iha mundu ida-ne’e tamba ita hotu iha ninia Kalvariu iha ita-nia terus no susar,” Arsebispu Arkidioseze Metropolitana Díli, Dom Virgílio do Carmo SDB, hateten hafoin partisipa viasakra iha igreja Motaél, Díli, Sesta (15/04/2022).

Iha loron boot páskua nian iha Kinta-feira Santa ne’e, tuir Dom Virgílio,  loron dahuluk tridun, Sesta-feira ne’e hanoin kona-bá Jesus Nia mate, iha Sábadu kalan  hanoin kona-bá Jesus nia moris hias husi mate, nune’e loron tolu mai ne’e importante tebes ba  sarani katólika sira, atu tuir didi’ak dalan iha  aban kalan to’o  bain-rua selebra Jesus ninia resurreisaun.

“Oportunidade di’ak ida ba ita-nia rai, tinan ida-ne’e, maske hasoru ambiente eleisaun no ambiente oi-oin, maibé hetan oportunidade ida ne’e, atu fó oportunidade ida-ne’e ba sarani hodi selebra ninia fiar no fó oportunidade ba sarani atu purifika hametin liután fiar, hodi lao tuir ita Nai Jesus Kristu,” Dom Virgílio hateten.

Dom Virgílio haktuir,   iha Timor-Leste númeru sarani boot, maibé ida ne’ebé buka atu lao tuir duni Jesus Nia ain fatin ne’e ladún barak, tan ne’e iha loron Sesta-Feira no páskua ne’e sai momentu ida hodi Maromak mai buka tuir, hirak ne’ebé seidauk komprende, hirak ne’ebé fiar malirin, hirak ne’ebé fila kotu, tamba Maromak la esklui ema ida maibé bolu ema hotu atu fila fali ba nia.

Iha loron páskua ne’e, Dom Virgílio hateten,  fó hanoin ba sarani sira hotu  kona-ba Jesus Nia mate no moris hias, ida ne’e mak esperansa fiar sarani,  la’ós fiar iha Maromak nia mate de’it,  maibé  fiar mós iha Maromak Nia moris hias nian.

Advertisement

Arsebispu Arkidioseze Metropolitana Díli, Dom Virgílio do Carmo da Silva, SDB, hamutuk ho sarani sira hlao viasakra hodi haonin hikas Jesus Nia terus no mate iha krús, 15 Abríl 2022. Foto/Hatutan.com

Iha loron tolu ikus tama páskua nian labele haketak malu iha Na’i Jesus Kristu  nia terus, mate no moris hias, ne’e duni labele hanoin de’it Sesta-feira Santa ba Jesus Nia mate, maibé ba sarani  nia vitória mak  nia resurreisaun, tan ne’e mak loron tolu ne’e labele haketak, maibé hanesan mistériu ida ne’ebé atu hanoin iha loron boot ne’e.

Iha sorin seluk, Maria Imaculada da Conceição, sente kontente tanba iha tinan ida ne’e sarani katólika sira hotu mai hamutuk hodi selebra loron Sesta-feira Santa ne’e ho di’ak to’o remata.

“Tinan ne’e ami hotu kontente hodi selebra loron Sesta-feira Santa tanba durante tinan-rua ne’e ami la partisipa iha igreja tanba Covid-19 mak halo,”  Maria hateten.

Viasakra ne’ebé realiza iha tuku 7:00 Otl  iha Igreja Santu António  Motael ne’e, fahe ba Grupu lima (5),  kompostu sarani sira husi parte leste hahú prosesaun lao ain husi Largo Lecidere no Kuluhun De-Baixu, husi parte oeste hahú prosesaun lao-ain husi Manleuana, Hudi laran no Fatu-Hada.

Iha fali Sentru Estasaun Maria do Carmo, Loru-Mata, sarani sira halo viasakra hodi lori krús no halo orasaun, hahú husi Igreja Maria do Carmo la’o tama-sai bairru sira pertense ba área Luro-Mata nian.

Jornalista: Elio dos Santos da Costa

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Kargu Xefia Sira iha Instituisaun Governu Labele Bandu Jornalista Halo Kobertura iha Espasu Públiku

Published

on

Hatutan.com, (11 Jullu 2024), DíliVise-Ministru Asuntu Parlamentár, Adérito Hugo da Costa, husu  bá  kargu xefia sira iha instituisaun Governu atu labele bandu jornalista ka mídia sira bainhira hakaat bá sira nian fatin hodi halo kobertura liga ho servisu ministériu sira nian.

(more…)

Kontinua Le'e

Nasionál

Funsionáriu Públiku Uza Patrimóniu Estadu iha Loron Feriadu Tenke ho Órden Servisu

Published

on

Hatutan.com, (09 Jullu 2024), Dili—Komisaun Funsaun Públika (CFP-Sigla Português) husu bá funsionáriu públiku sira ne’ebé uza patrimóniu Estadu iha loron feriadu, tenke aprezenta karta órden servisu ka guia da marcha hosi instituisaun tutelada.

(more…)

Kontinua Le'e

Nasionál

Igreja Katólika Nia Preparasaun Simu Papa Francisco Atinje 80%

Published

on

Hatutan.com,  (09 Jullu 2024), Díli- Arsebispu Arkidioseze Metropolitana Díli, Dom Virgílio Kardeál do Carmo da Silva, SDB hateten igreja Katólika Timor-Leste nia preparasaun ba simu Papa Francisco atinje ona 80% no hetan ona aprovasaun finál husi Vatikanu.

(more…)

Kontinua Le'e
Advertisement

Trending