Connect with us
Pakote Ahi

Justisa & Krime

Tribunál Julga Kompañia Hatama Ró no Mina illegál

Published

on

Hatutan.com (27 Abríl 2022), Díli—Tribunál Distritál Díli (TDD) iha Kuarta 27 liu hosi juiz kolektivu João Ribeiro, Maria Solana no Ana Paula Fonseca kontinua hala’o julgamentu ba krime fraúda fiskál no kontra bandu, ne’ebé deskonfia involve Diretór kompañia MF, arguidu MAC ho WDPC tanba importa ró Rio Sukses 09 no mina Goazoel illegál hosi Indonézia mai Timor-Leste hodi la kontribui taxa aduaneira ba Estadu.

Iha audiénsia, sasin Aureo da Cruz Belo ne’ebé hanesan funsionáriu Alfandega deklara katak, momentu ne’ebá hetan orientasaun hosi diretora Alfandega Filomena Lay, hodi halo inspesaun ba ró ne’e hodi detekta katak, iha manggeira ida supa hela gazoel hosi ró mai tanki ne’ebé para hela iha Portu.

“Momentu ne’ebá ami konsege bolu kapitaun ró, hodi esplika no ami tau segel iha fatin ne’e,” sasin deklara.

Hafoin rona sasin, Tribunál adi’a hikas julgamentu ba loron seluk, hodi kontinua rona tán sasin sira seluk.

Advertisement

Antes ne’e, tuir akuzasaun hosi Ministériu Públiku (MP) katak iha loron 13 fulan Outubru tinan 2014 Diretór Kompañia MF, arguidu MAC halo kontratu ho reprezentante kompañia RB hosi Indonézia hodi sosa ró Rio sukses 09 ho folin $6.800.000, maibé ho kondisaun katak ró ne’e fornese mina ba kompañia MF.

Ho konkordánsia ne’e arguidu transtere uluk osan ho montante $2.650.000.000 ba ró na’in no ikus mai kompañia RB haruka ró refere ba arguidu.

Iha loron 24 fulan Novembru tinan 2014, Ro Rio Sukses 09 to’o iha Portu Dili no arguidu MAC rasik mak ba hein hodi simu no trata nia dokumentus, maibé arguidu la konsege trata Deklarasaun Aduaneiru Uniku (DAU), hodi selu taxa Aduaneiru kona-bá importasaun ró ate prezente data.

Iha fali fulan Outubro tinan 2015, Kapitaun ró Rio Sukses 09 ho naran Sukri kontaktu ba arguidu kona-bá Mina ne’ebé fa’an iha kordinat 104 no 106 (laut Bebas) ho folin $0.30 kada litru.

Entaun, arguidu diretamente fo osan ba kapitaun hodi sosa mina gazoel hamutuk 175 tonelada hodi lori mai Timor-Leste la liu hosi Alfandega.

Advertisement

Tanba ne’e, iha loron 10 fulan Fevereiru tinan 2016, José Caetano fó karta ba polisia Maritima ho objetivu fó autorizasaun halo deskarregamentu ba mina mamuk ró laran.

Iha loron 18 fulan Fevereiru tinan 2016, José Caetano hamutuk ho nia kolega na’in-neen halo deskarregamentu ba mina iha ró Rio Sukses 09 iha Portu Tibar no hosi rezultadu ne’e importasaun mina ne’e illegál.

Tanba ne’e, ho orientasaun hosi Diretora Alfandega Filomena Lay deside diretamente ba Chek ró refere ho funsionáriu Alfandega Aureo Belo, Baptista Mali no sira seluk.

Hosi observasaun ne’e, detekta traballadór hosi ró refere halo hela deskarregamentu ba gazoel iha ró laran no husu dokumentus DAU, maibé traballadór sira la hatudu, tanba ne’e kontaktu kedan ba Autoridade Nasionál Petrólio no Polísia Investigasaun hodi mai iha Portu Tibar atu halo apreensaun hodi tau kadeadu no dada fita polísia.

Antes ne’e, traballadór sira deskarrega ona gazoel hosi ró Rio Sukses 09 hamutuk 75 toneladas no hela 100 toneladas.

Advertisement

Iha loron 22, fulan Fevereriru tinan 2016, Inspetór Ricardo da Costa no Fernando ba iha Kompañia MF nia edifisiu hodi husu identifikasaun no justifikasaun ba mina aprendidu.

Iha loron 24 fulan Fevereiru tinan 2016, mais ou menus tuku 10:00 arguidu WC diretamente ba iha Kuartél Jerál PNTL seksaun investigasaun hodi justifika katak mina iha ró Rio Sukses 09 ne’e legál tanba sosa hosi kompañia Global Fuel & Product Trading PTY Lda.

Maibé, bainhira konfirma ho diretór Kompania Global Fuel Ching Mun Kit Julian no nia Xefe Operasionál  hateten katak kompañia MF nia mina gazoel 175 toneladas iha ró Rio Sukses 09 nia laran la sosa hosi kompañia Global Fuel.

Tanba ne’e, iha loron 15 fulan Novembru tinan-2016, Ministériu Públiku promove hodi fa’an objetu hanesan gazoel ho folin $0.50-0.60 kada litru, maibé tanba mina rai kleur ona laiha rekursu hodi teste kualidade mina ho nune’e fa’an fali ho valor $0.38 ba kompañia MF.

Iha loron 09-10 fulan Dezembru 2016, halo deskarregamentu ba gazoel iha ró Rio sukses 09 nia laran hetan de’it 66 tonelada ne’ebé ekivalénsia ho osan $25.080 ne’ebé guarda hela iha MP.

Advertisement

Ho hahalok arguidu na’in-rua nian ne’ebé la selu taxa aduaneiru kona-bá importasaun, eksportasaun, tributária no taxa importasaun mina ba Estadu, fó prezuizu ba Estadu ho montante $41.532.

Tanba ne’e, MP akuza arguidu na’in-rua ba prátika krime Fraúde Fiskál no kontrabandu ne’ebé previstu iha artigu 314, 316 hosi kódigu penál TL.

Audiénsia julgamentu prezide hosi juiz kolektivu João Ribeiro, Maria Solana no Ana Paula Fonseca, MP reprezenta hosi Prokuradór Matias Soares no arguidu hetan asisténsia legál hosi advogadu privadu José Pedro Camões.

Jornalista: Carmelita Isaac

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Pesoál PCIC husu Osan bá Oan Mane Fujitivu Teves Jr, Ramos-Horta Ezije Rezultadu Investigasaun

Published

on

Hatutan.com, (22 Maiu 2024), Díli- Prezidente Repúblika (PR), José Ramos-Horta ezije rezultadu  investigasaun bá pesoál membru Polícia Ciêntífica e de Investigação Criminal (PCIC) ne’ebé husu osan bá  oan mane fujitivu Arnolfo Teves Jr.

(more…)

Kontinua Le'e

Justisa & Krime

Ramos-Horta Apoia Desizaun Governu Halo Estradisaun bá Fuzitivu Arnolfo Teves Jr

Published

on

Hatutan.com, (22 Maiu 2022), DíliPrezidente Repúblika (PR), José Ramos-Horta fó apoiu bá desizaun Governu nian hodi halo estradisaun bá fuzitivu Arnolf Teves Jr tanba mandatu kapturasaun mai hosi ICPO -INTERPOL (International Criminal Police Organization).

(more…)

Kontinua Le'e

Justisa & Krime

Grupu Traballu Reforma Justisa Submete Ona Relatóriu Servisu bá Primeiru-Ministru

Published

on

Hatutan.com, (20 Maiu 2024), Díli- Ministru Justisa (MJ), Sérgio de Jesus Fernandes da Costa Hornai hateten Grupu Traballu Reforsa Setór Justisa submete ona relatóriu bá iha Primeiru-Ministru Kay Rala Xanana Gusmão atu lori bá diskute iha Konsellu Ministru no bele hetan apresiasaun no rekomendasaun molok implementa.

(more…)

Kontinua Le'e
Advertisement

Trending