Connect with us
Pakote Ahi

Polítika

Governu Submete Lei Planu Opsaun Prinsipál 2023 ba PN

Published

on

Hatutan.com, (10 Maiu 2022), Díli—Ministru Finansas (MF), Rui Gomes akompaña hosi Ministru Asuntu Parlamentár no Komunikasaun Sosiál (MAPKOMS), Francisco Jerónimo no Ministru Koordenadór Asuntu Ekonómiku, Joaquim Amaral, entrega ona Ezbosu Lei das Grandes Opções do Plano 2023 ba Prezidente Parlamentu Nasionál, Aniceto Longuinhos Guterres Lopes.

Ministru Finansas (MF), Rui Gomes akompaña hosi Ministru Asuntu Parlamentár no Komunikasaun Sosiál (MAPKOMS), Francisco Jerónimo no Ministru Koordenadór Asuntu Ekonómiku, Joaquim Amaral, entrega ona Ezbosu Lei das Grandes Opções do Plano 2023 ba Prezidente Parlamentu Nasionál, Aniceto Longuinhos Guterres Lopes. Foto/Média PN.

Grandes Opções do Plano 2023 inklui medidas prinsipál iha área estratéjiku 16 ne’ebé Governu sei foku iha 2023 mak hanesan:

  1. Agrikultura, pekuária, peskas no floresta;
  2. Ekonomia no empregu;
  3. Turizmu;
  4. Dezenvolvimentu rural no Abitasaun;
  5. Ambiente;
  6. Petróleu no minerál;
  7. Eletrisidade no enerjia renovável;
  8. Konektividade nasionál;
  9. Bee no saneamentu;
  10. Edukasaun no formasaun;
  11. Saúde;
  12. Inkluzaun no protesaun sosiál;
  13. Kultura no patrimóniu;
  14. Reforma Estadu;
  15. Defeza no seguransa nasionál;
  16. Relasaun internasionál no polítika esterna.

“Lei Foun Enkuadramentu Orsamentál ejize mudansa iha Ita-nia prosesu elaborasaun OJE ne’ebé agora prevê ezisténsia Lei das Grandes Opções do Plano. Lei ne’e nia objetivu ida mak ba Parlamentu Nasionál atu aprova opsaun anuál no plurianuál em termos planeamentu ne’ebé sei fó impaktu ba iha OJE no programasaun orsamentu plurianual,” Hatutan.com sita deklarasaun Ministru Rui Gomes iha komunikadu.

Ho Lei das Grandes Opções do Plano ne’e, signifika iha reforsu substansiál ba iha podér Parlamentu Nasionál relasiona ho prosesu orsamentál ne’ebé envolve Parlamentu Nasionál desde inisiu prosesu elaborasaun OJE.

Orsamentu hodi finansia medidas prinsipál iha área estratéjiku 16 ne’e sei kontempla iha Proposta OJE 2023 ho nia objetivu prinsipál atu konkretiza PEDN, Programa Oitavu Governu Konstitusionál, inklui planu médiu prazu no planu anuál hosi Servisus no Entidades Setór Públiku Administrativu.

Advertisement
Monta Publisidade

Tuir kalendáriu elaborasaun OJE 2023 bazeia ba Lei Enkuadramentu Orsamentál, Parlamentu Nasionál no Governu sei diskute ezbosu Lei ne’e no aprova iha loron 30 fulan-maiu 2022.

Depoisde hetan ona aprovasaun, Parlamentu Nasionál sei haruka Diploma ne’e ba Prezidente Repúblika atu tetu.

Iha loron 9 fulan-maiu, Konsellu Ministrus hala’o Sorumutuk Estraordináriu no aprova ona Proposta Projetu Lei das Grandes Opções do Plano 2023 ne’ebé aprezenta hosi Ministru Finansas, Rui Gomes.

KM Aprova Proposta Lei Opsaun Planu Prinsipál 2023

Jornalista: Rogério Pereira Cárceres

Advertisement
Monta Publisidade

Polítika

Prezidente Repúblika Husu Embaixadór Foun Tau Atensaun Bá Timor Oan Sira iha Reinu Unidu

Published

on

Hatutan.com, (20 Marsu 2023), Díli—Prezidente Repúblika (PR), José Ramos-Horta husu Embaixadór foun Timor-Leste ba Reinu Unidu, João Paulo da Costa Rangel atu kontinua tau atensaun ba kooperasaun bilaterál país rua no fó atensaun másimu bá traballadór Timoroan sira iha Reinu Unidu ho passaporte Portugál.

(more…)

Kontinua Le'e

Polítika

Prezidente Repúblika Kondekora Yohan Gonçalves Ho Medalla TL

Published

on

Hatutan.com, (16 Marsu 2023), Díli—Prezidente Repúblika (PR), José Ramos-Horta fó kondekorasaun medalla Timor-Leste (TL) ba atleta Ski Yohan Goutt Gonçalves ne’ebé sempre hamorin Timor-Leste nia naran iha mundu liu husi modalidade desportu ne’e.

(more…)

Kontinua Le'e

Polítika

PN Re-ajenda Eleisaun Bá Komissáriu CAC Iha 20 Marsu

Published

on

Hatutan.com, (16 Marsu 2023), Dili—Parlamentu Nasionál (PN), re-ajenda data eleisaun bá Komisáriu foun Comissão Anti Corrupção (CAC) nian, iha Segunda 20 Marsu 2023.
(more…)

Kontinua Le'e

Trending