Hatutan.com (31 Maiu 2022), Díli—Kongresu Federasaun Internasional Jornalista (IFJ sígla Inglés) realiza iha Muscat, Oman, hahú ona iha 31 fulan-Maiu no sei remata iha loron 03 fulan-Juñu tinan 2022.

Sekretáriu Jerál Timor Leste Press Union (TLPU), Zezito da Silva Partisipa iha Kongressu Federasaun Internasional Jornalista (IFJ sígla Inglés) realiza iha Muscat, Oman, hahú ona iha 31 maiu no sei remata iha loron 03 fulan juñu tinan 2022. Foto/Espsesiál.

Reprezentante sindikatu no asosiasaun jornalista sira hamutuk 250-resin hosi nasaun 92 mak prezente iha Kongresu ne’e.

Lee Mós: IFJ Ezije MAPKOMS Dada-Hikas Keixa Hasoru Jornalista Francisco Belo Simões

Tema prinsipál sira inklui Vizilánsia Jornalista sira nian no asaun hodi hapara impunidade kontra profissionól órgaun komunikasaun sosiál sira.

Advertisement

Kongresu Mundial ne’e, organiza hosi Asosiasaun Jornalista Oman (OJA, iha inglés), sei hahú ho realizasaun pré-konferénsia ida ne’ebé mak sei involve debate nível ás kona-bá impaktu pandemia covid-19 iha jornalizmu, redasaun no iha asaun sira afiliadu IFJ sira nian hodi salva servisu no vida iha tinan rua ikus ne’e. Oradores iha diskusaun ne’e sei inklui líder sindikatu sira hosi kontinente hotu.

Konsellu Jéneru IFJ nian ne’ebé foin eleitu no nia Komité Diretivu sei realiza revizaun ba sira nia servisu hosi tinan tolu ikus ne’e – inklui kampaña hodi hapara violénsia kontra jornalista feto sira, redús diferénsa salariál entre jéneru no promove feto sira nia asesu ba papél lideransa iha média no adota planu asaun foun ida.

Iha Kuarta, loron 01 fulan juñu, delegadu hotu sei reúne hikas fali iha debate inspiradór ida kona-bá prátika di’ak hosi sindikatu sira, destaka vitória sindikatu sira nian hodi salva empregu, garante igualdade salariál no hadi’ak saaláriu no kondisaun sira. Iha loraik sei akontese reuniaun rejionál lubuk ida.

Hodi taka loron refere, Kongresu ne sei estabelese diskusaun ida kona-bá impunidade ba krime kontra jornalista.

Debate refere sei inklui família jornalista hirak ne’ebé mate, ne’ebé sei ba to’o iha Oman hodi informa delegadu sira kona-bá sira nia kazu no husu apoiu ba sira nia luta hodi hetan justisa.

Advertisement

Kongresu ne’e sei realiza sesaun espesial ida hodi marka aniversáriu ba dala 30 hosi Fundu Segunransa Internasionál, analiza momentu istóriku sira iha dékada 30 ikus ne’e, bainhira fundu refere fó ninia apoiu fundamentál ba jornalista sira iha risku nia laran.

Jornalizmu iha Krize

Tinan tolu ikus sai hanesan dazafiadór prinsipál ba jornalista sira iha mundu tomak. Violênsia kontra jornalista aumenta iha mundu tomak, ho país haat nu’udár episentru: Afeganistão, México, Iêmen e Ucrânia.

Líderes sindikál no jornalista sira hosi nasaun hirak ne’e reunie hamutuk hodi relata sira nia esperiénsia iha terenu iha sesaun espesiál kona-bá jornalizmu iha liña de ‘fogo’.

Hadi’a Futuru

Advertisement

Kongressu Federasaun Internasional Jornalista (IFJ sígla Inglés) realiza iha Muscat, Oman, hahú ona iha 31 maiu no sei remata iha loron 03 fulan juñu tinan 2022. Foto/Espsesiál.

Delegadu sira mós sei debate no aprova programa de traballu 2022-2025 IFJ nian. Iha mosaun 34 ne’ebé mak aprezenta ona ba debate refere, inklui mosaun sira husu intervensaun iha igualdade jéneru iha média, promosaun ba Convenção Nações Unidas nian kona-bá Segurança no Proteção  Jornalista sira nian, nesessidade hodi regulamenta venda no uso hosi spyware, condenação ba ataques contra os jornalistas e a liberdade de imprensa em países oin oin, incluindo Ucrânia, Iémen no Afeganistão, no apelo ba libertação imediata  jornalistas detidos sira tamba cumpri sira nia trabalho.

Finalmente, delegadu sira sei eleze Comité Exekutivu foun IFJ nian no ofisial sehiores na’in lima, inklui Prezidente. Delegadu IFJ hosi Ásia-Pacífico sei lansa sira nia grupu regional foun, FAPAJ (Federação de Jornalistas Ásia-Pacífico), grupu regional dahaat hosi IFJ hafoin Federação Europeia de Jornalistas,  Federação de Jornalistas Africanos (FAJ) no FEPALC (Federación de Periodistas de América Latina e Caribe);

“Kongresu trienal hosi IFJ nee permite afiliadu IFJ nian sira atu sorumutu, diskute programa traballu IFJ nian no hili komite ezekutivu foun no lideransa foun. Nasaun, vizil’ansia kressente ba traballadór média no redasaun mak sei sofre hela konsekuénsia hosi pandemia Covid-19. Ita fiar katak Kongresu ida ne’e sei fó ba ita matadalan klaru ida hodi enfrenta dezafiu hirak ne’e no hametin kapasidade IFJ nian hodi apou nia membru sira iha mundu tomak,” Hatutan.com sita deklarasaun Prezidente IFJ, Younes Mjahed, iha komunikadu.

Jornalista: Rogério Pereira Cárceres

Advertisement