Connect with us
Pakote Ahi

Nasionál

PR Ramos-Horta Husu MAPKOMS Dada-Hikas Keixa Hasoru Jornalista Hatutan.com

Published

on

Hatutan.com, (06 Juñu 2022), Díli- Prezidente Repúblika (PR), José Manuel Ramos-Horta, husu atu Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, dada-hikas keixa “Denúncia caluniosa” hasoru Jornalista, Editór no Xefe Redasaun, Hatutan.com, Francisco Belo Simões da Costa.

Lee Mós : IFJ Husu Retira Keixa “Denuncia Caluniosa”, MAPKOMS Dehan Husik Órgaun Ida-idak Hala’o Nia Servisu

Prezidente Repúblika, José Manuel Ramos-Horta. Foto/Hatutan.com

Prezidente Repúblika, José Manuel Ramos-Horta bá jornalista sira iha Ministériu Negósiu Estranjeiru, Díli, Segunda (06/06/2022), hateten, kazu “Denúncia caluniosa” ne’ebé MAPKOMS Francisco Martins da Costa Pereira Jerónimo halo hasoru jornalista, editór no xefe redasaun Hatutan.com, Francisco Belo Simões da Costa, la presiza lori bá oin no husu atu ministru hatudu nia umildade hodi retira ka dada-hikas kazu ne’e husi Ministériu Públiku.

“Ha’u hanoin ministru laran di’ak, ema laran luak, di’ak liu soe tiha kazu ne’e, taka tiha kazu ne’e, la presiza, ita atu halo fali kazu ne’e,” José Ramos-Horta hateten.

Advertisement

Molok ne’e, Primeiru-Ministru (PM), Taur Matan Ruak, mós hato’o nia lamentasaun no la konkorda ho membru VIII Governu Konstitusionál, Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, ne’ebé halo keixa “Denúncia Caluniosa” bá Ministériu Públiku (MP) hasoru jornalista no Xefe Redasaun Hatutan.com Francisco Belo Simões da Costa.

Lee Mós : PM Taur Lamenta MAPKOMS Keixa Jornalista Hatutan.com ba Ministériu Públiku

“Primeiru, ha’u seidauk hatene. Segundu, ha’u lakohi tama asuntu ne’ebé buat justisa nian. Maibé, sé ida ne’e akontese, ha’u lamenta. Ha’u la hetene tanba saida, rejoins saida, mais, ha’u nia hakarak ita-boot sira livre para halo kobertura. Ida-ne’e mak ha’u nia hakarak,” Primeiru Ministru (PM), Taur Matan Ruak, hateten ba jornalista sira hafoin enkontru semanál ho Prezidente Repúblika (PR), José Manuel Ramos-Horta iha Palásiu Prezidente Bairru-Pité, Díli, Kinta (26/05/2022).

Iha Segunda  23 fulan-Maiu 2022, Jornalista nu’udár mós Xefe Redasaun Hatutan.com, Francisco Belo Simões da Costa, presta ona deklarasaun iha Ministériu Públiku (MP)  ka Prokuradoria Distritál Díli, kona-bá keixa balun ne’ebé hatama husi Francisco Martins da Costa Pereira Jerónimo, atuál Ministru Asuntu Parlamentár no Komunikasaun Sosiál (MAPKOMS).

Lee Mós : IFJ Ezije MAPKOMS Dada-Hikas Keixa Hasoru Jornalista Francisco Belo Simões

Advertisement

Jornalista no Xefe Redasaun Hatutan.com ne’e hatán  iha MP hanesan suspeitu bá keixa “Denúncia Caluniosa” husi Francisco Martins da Costa Pereira Jerónimo, relasiona ho notísia investigativu kona-bá kazu projetu instalasaun Set-top Box/desodificador Rádiu Televizaun Timor Leste  (TTL,E.P).

Projetu ho nia kustu  $900,000.00 ne’e, MAPKOMS Francisco Martins da Costa Pereira Jerónimo  hanesan mós prezidente Federasaun Futeból Timor Leste  (FFTL) estabelese kontratu ho empreza DILI ETERNAL INNOVATION INFORMATION, Lda, ne’ebé nu’udar sósiu husi Fan Yuanxiang ho Melánia da Silva Fernandes Capela.

Melánia da Silva Fernandes Capela, hanesan mós Sekretaria iha Gabinete Prezidente FFTL tempu ne’ebá ne’ebé ninia share ka sósiu 40% iha empreza DILI ETERNAL INNOVATION INFORMATION, Lda.

Lee Mós : “Denúncia Caluniosa” La Ameasa Liberdade Imprensa iha TL

Relasiona ho keixa ne’ebé Francisco Martins da Costa Pereira Jerónimo, atuál Ministru MAPKOMS halo hasoru jornalista no Xefe Redasaun Hatutan.com ne’e, hetan reajen no solidariedade husi asosiasaun jornalista Timor Leste Press Union (TLPU), Asosiasaun Jornalista Timor Lorosa’e (AJTL), Konselho de Imprensa de Timor Leste, IFJ (International Federation of Journalists), AJAR no LABEH.

Advertisement

Organizasaun sira-ne’e ezije no husi mós bá MAPKOMS atu retira keixa refere husi MP no rezolve tuir Lei Komunikasaun Sosiál. Maibé, MAPKOMS rasik deklara ona, atu husik entidade ka órgaun ida-idak hala’o nia knar no tuir sira-nia kompeténsia rasik.

Lee Mós : “Denúncia Caluniosa”, AJAR ho LABEH Konsidera MAPKOMS Komete Abuzu Podér 

AJTL Sei Halo Asaun Pasífika Bainhira MAPKOMS La Retira Keixa “Denuncia Caluniosa” 

“Denúncia Caluniosa”, TLPU Husu MAPKOMS Rejigna-an

Jornalista: Vito Salvador

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Dezenvolvimentu Umanu Kontribui ba Intelijénsia no Kreximentu Ekonómiku-Sosiál Populasaun nian

Published

on

Hatutan.com, (27 Maiu 2024), Díli- Prezidente Repúblika, José Ramos-Horta hateten dezenvolvimentu umanu nu’udár meiu ne’ebé kontribui ba intelijénsia no kreximentu ekonómiku, sosiál populasaun nian hodi kontribui ba dezenvolvimentu nasionál.

(more…)

Kontinua Le'e

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e
Advertisement

Trending