Connect with us
Pakote Ahi

Nasionál

“Denúncia Caluniosa”, SEKOMS Enkoraza Jornalista Kontinua Luta Ba Lia Loos

Published

on

Hatutan.com, (27 Maiu 2022), Díli—Sekretáriu Estadu Komunikasaun Sosiál (SECOMS), Merício Juvinál dos Reis “Akara” enkoraza jornalista-sira atu kontinua luta ba lia loos, tanba lei la fó dalan ba kualkér sidadaun atu halo fali sensura ba atividade jornalista sira nian no ba média sira nia knaar.

Sekretáriu Estadu Komunikasaun Sosiál (SECOMS), Merício Juvinál dos Reis “Akara” hasoru malu ho Primeiru Ministru Taur Matan Ruak iha rezidénsia ofisiál Faról, Sesta (27/05/2022).

Pozisaun ne’e, SEKOMS refere ba asuntu “Denunsia Caluniosa” ne’ebé Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo halo hasoru média online Hatutan.com katak, asuntu ne’ebé liga ba justisa husik prosesu justisa mak determina se mak loos no se mak sala, maibé liga ona ba Liberdade Imprensa no Liberdade Espresaun maka komitmentu SEKOMS nian tenke asegura nafatin tuir K-RDTL artigu 40 no 41.

Lee Mós: PM Taur Lamenta MAPKOMS Keixa Jornalista Hatutan.com ba Ministériu Públiku

SEKOMS konsidera katak, demokrasia modernu atu la’o di’ak iha Timor-Leste, ema hotu-hotu tenke asegura knaar média nian tanba média hanesan pilár importante ida atu halo dezenvolvimentu ba demokrasia ne’e sai saudável.

Advertisement

Governante ne’e apela atu jornalista sira servisu avontade, lalika sente iha ameasa ruma, lalika tauk no hala’o de’it knaar tuir kódigu étika.

Nia husu katak, bainhira iha problema ruma tuir de’it Lei Komunikasaun Sosiál haruka, ema iha direitu resposta no bainhira ema ruma la kontente ho produtu jornalistiku bele halo direitu resposta liu hosi konferénsia imprensa atu diskorda no halo klarifikasaun ka bele utiliza Konsellu Imprensa atu halo mediasaun ruma kona-bá nia lamentasaun maibé ba liu estremu ida atu julga produtu jornalistiku sira ne’e la fásil.

“Ita sei la fó dalan ba se de’it atu halo atuasaun ida mak iha tendénsia ba sensura polítika ne’ebé tama to’o iha redasaun hodi hakarak ida ne’e bele tun, ida ne’eba labele no ida ne’e ita sei la fó dalan ba ida ne’e. Produtu jornalistiku signifika, nia aprezenta evidénsia ruma, nia halo notísia bazeia ba nia entervista tuir kódigu étika,” Mericio Juvinál dos Reis “Akara” hateten ba jornalista-sira hafoin hasoru malu ho Primeiru Ministru Taur Matan Ruak iha rezidénsia ofisiál Faról, Sesta (27/05/2022).

Governante ne’e subliña, iha dalan atu rezolve no husik média halo servisu ho di’ak, sira labele iha ameasa nia laran atu imajen Liberdade Imprensa ne’ebé mak tinan ne’e TL hetan ho pozisaun 17 entre nasaun 180 ne’ebé kategoria Timor Leste hanesan nasaun ida ezemplu di’ak.

Sekretáriu Estadu Komunikasaun Sosiál (SECOMS), Merício Juvinál dos Reis “Akara”.

“Liberdade imprensa aseguradu númeru um iha ASEAN, ita hakarak imajen ne’e mantein. Tanba ne’e, ita iha komponente lima importante atu asegura mak seguransa ba média ka jornalista sira labele iha ameasa ruma ba sira. Komponente ida seluk maka polítika, katak labele halo sensura ka intervensaun polítika iha redasaun sira. Komponente seluk maka lei, katak labele uza lei sira ne’ebé sai impedimentu ba produtu jornalistiku sira no ida seluk maka komponente sosiál no ekonomia tanba komponente lima ne’e mak hatuur Timor-Leste nia pozisaun iha nível global ne’e hetan valór di’ak,” nia hateten.

Ho ida ne’e maka, SEKOMS hatuur ninia pozisaun desde inisiu katak, defende Liberdade Imprensa no Liberdade Espresaun.

Advertisement

“Ita boot sira mantein servisu di’ak, saida mak liga ona ho justisa husik Tribunál mak deside. Se mak sala se mak loos maibé ita boot sira lalikan preokupa, kontinua servisu hanesan baibain tanba ita boot sira iha direitu tomak atu espresa no halo saida deit. SEKOMS firme atu defende nafatin Liberdade Imprensa no Liberdade Espresaun,” Mericio “Akara” enkoraza jornalista sira.

Iha Segunda 23 Maiu 2022, Jornalista nu’udár mós Xefe Redasaun Hatutan.com, Francisco Belo Simões da Costa, presta ona deklarasaun iha Ministériu Públiku (MP) ka Prokuradoria Distritál Díli, kona-bá keixa balun ne’ebé hatama hosi Francisco Martins da Costa Pereira Jerónimo, atuál Ministru Asuntu Parlamentár no Komunikasaun Sosiál (MAPKOMS).

Iha Kinta (26/05/2022) Primeiru Ministru (PM), Taur Matan Ruak, lamenta tebes no la konkorda ho membru VIII Governu Konstitusionál, Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, ne’ebé halo keixa “Denúncia Caluniosa” ba Ministériu Públiku (MP) hasoru jornalista no Xefe Redasaun Hatutan.com Francisco Belo Simões da Costa.

Antes ne’e mós Assosiasaun Jornalista, Timor-Leste Press Union (TLPU) husu Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo atu rejigna-an hosi kargu nu’udár Ministru, tanba laiha sensibilidade no responsabilidade morál ba Liberdade Imprensa iha Timor-Leste.

Lee Mós: “Denúncia Caluniosa”, TLPU Husu MAPKOMS Rejigna-an

Advertisement

MAPKOMS Halo Keixa “Denúncia caluniosa” Hasoru Xefe Redasaun Hatutan.com

Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Dezenvolvimentu Umanu Kontribui ba Intelijénsia no Kreximentu Ekonómiku-Sosiál Populasaun nian

Published

on

Hatutan.com, (27 Maiu 2024), Díli- Prezidente Repúblika, José Ramos-Horta hateten dezenvolvimentu umanu nu’udár meiu ne’ebé kontribui ba intelijénsia no kreximentu ekonómiku, sosiál populasaun nian hodi kontribui ba dezenvolvimentu nasionál.

(more…)

Kontinua Le'e

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e
Advertisement

Trending