Hatutan.com, (09 Juñu 2022), Díli—Prezidente Parlamentu Nasionál, Aniceto Guterres informa no garante ba Prezidente Repúblika (PR), José Manuel Ramos Horta katak, situasaun politika iha órgaun lejisladór ne’e kontinua la’o normál tuir lei.

Prezidente Parlamentu Nasionál, Aniceto Guterres.

“PN hanesan instituisaun Estadu nian ne’ebé halo lei, halo fiskalizasaun ba asaun governu nian. Tanba ne’e durante enkontru relata no informa sasan sira ne’e ba Xefe Estadu atu hatene no akompaña oinsá bele asegura instituisaun sira ne’e bele funsiona tuir lei,” Aniceto Guterres hateten iha Palásiu Prezidensiál Nicolau Lobato, Bairru-Pité, Kinta (09/06/2022).

Lee Mós: PN Aprova Proposta “Lei das Grandes Opções do Plano 2023” iha Finál Globál

Sorumutu ida-ne’e nu’udár primeiru enkontru ho Xefe Estadu, tanba PN hanesan órgaun lejislatura sei remata kuarta sesaun lejislatura iha 14 Jullu no tama ba Kinta sesaun lejislatura hahú hosi 15 Setembru.

Tuir kalendáriu, funsionamentu normál kuarta sesaun lejislatura sei remata iha 14 Jullu, nune’e Deputadu sira sei iha resesu durante fulan rua, maibé hanesan baibain bainhira Xefe Estadu husu atu trata asuntu urjente no atu trata lei ruma, urjentemente PPN bele konvoka plenária estraordinária.

Durante resesu PN iha ninia Komisaun permanente no sei funsiona durante resesuhodi bele aprova ka fó konsentementu bainhira Xefe Estadu atu halo viajen ruma.

Jornalista: Vito Salvadór