Connect with us

Ekonomia

Prezidente Repúblika Preokupa Kondisaun Setór Privadu no Husu BNCTL Fasilita Kréditu ho Jurus Razoável

Published

on

Hatutan.com, (22 Juñu 2022), Díli- Prezidente Repúblika (PR), José Manuel Ramos-Horta, kontinua aprezenta nia preokupasaun kona-bá kondisaun finanseiru setór privadu nasionál sira-nian. Nune’e, Ramos-Horta   husu Banku Nasionál Komérsiu Timor Leste (BNCTL, sigla portugés) atu kontinua fó kréditu bá setór privadu nasionál ho jurus ne’ebé razoável atu bele ajuda Estadu ekonomia nasaun nian.

Lee Mós : BNCTL Enkoraja Investor Timoroan Asesu ba Kréditu Investimentu

Inaugurasaun edífiu foun BNCTL sukursal Díli, Sábadu (25/09/2021). Foto/Dok.Hatutan.com

Liuhusi enkontru Konsellu Administrasaun BNCTL iha Palásiu Prezidensiál, Kuarta (22/06/2022), Prezidente Repúblika, lia tun  dehan hakarak ekonomia ne’e la’o di’ak, banku hanesan instituisaun ida ne’ebé prinsipál iha kualkér Estadu iha mundu ne’e presiza tebes tulun setór privadu sira atu bele iha kapasidade finanseira hodi halo investimentu no loke kampu servisu bá timoroan.

Nia afirma liu husi dorumutu ne’e parte BNCTL hatoo bá Xefe Estadu difikuldade no dezafiu sira ne’ebé BNCTL enfrenta no sefe estadu kompromete atu uza nia kompetensia hanesan Xefe Estadu hodi influensia Governu no instituisaun sira interligadu atu hola mos papel ida importante hodi tulun dezenvolvimentu setór bankaria iha Timor-Leste.

“Xefe Estadu  kontente rona ami nia esplikasaun, difikuldade ne’ebé BNCTL hato’o, Xefe Estadu sei uza ninia kompeténsia hanesan Xefe Estadu bele influénsia instituisaun sira ne’ebé interligadu ho preokupasaun sira ne’ebé BNCTL hato’o. Ita espera katak iha tempu badak instituisaun sira ne’ebé iha papel no kna’ar atu tulun BNCTL bele kompleta nesesidade ne’ebé nesesita,”  Prezidente Konsellu Administrasaun BNCTL, António Victor hateten.

Sorumutuk ho BNCTL ne’e inisiativa Prezidente Repúblika (PR), José Ramos-Horta nian atu oinsá mak Estadu bele hatene liu setór bankaria ne’e no presija atu hatene klean liu BNCTL nia kontribuisaun bá dezenvolvimentu ekonómia ho dezenvolvementu nasionál.

Lee Mós : Estadu Investe Ona Millaun $35 ba BNCTL

BNCTL  halo atualizasaun bá progresu ne’ebé iha no tamba BNCTL ho mós banku sira seluk ne’ebé iha Timor ne’e oinsá mobiliza funudus, oinsá sira kapitaliza fali ekonómia ne’e oinsá no difikuldade saida mak banku sira ne’e infrenta, entrenus oinsá mak bele investe maka’as liután iha ekonómia.

“Difikuldade mak ami nia kapital seidauk sufisiente atu halo kreditu bele halo mellora kondisaun seluseluk ne’ebé ami bele halo ami nia operasaun bankaria ne’e di’ak liu tan,” António Victor haktuir.

BNCTL hato’o mos bá sefe Estadu kona-bá aspetu sira seluk ne’ebé la’ós ligadu osan de’it, hanesan iha lei kona-bá insolvensia ema ruma halo empresta osan iha banku depois kompañia ne’e la’o laloos mak atu bá resolove nia problema sira ne’e garantia rai ka karreta, uma buat sasán sira ne’e hotu ne’e tenke iha lei ida ne’ebé resolve.

“Lei ne’e infelizmente ita seidauk iha, iha lei reforsa bá kontratu hanesan ita iha kontratu ho kliente ida aban bainrua iha problema ruma, disputa ruma ho banku karik, ita atu rezolve ne’e presija tempu lalais, presija sasán sira ne’e oinsá, agora daudaun ita hotu hatene ita nia Tribunál ne’e iha limitasaun barak ne’ebé la fó atendimentu lalais ba iha kazu sivil sira,” Nia dehan.

BNCTL rasik alende banku komersiál halo papél seluk ne’ebé karaktér sosial ne’e maka’as hanesan to’o tempu BNCTL tenke selu idozu ka ferik katuas sira ne’ebé  BNCTL halo kobransa padraun komersiál nian. Maibé ne’e realidade ida ne’ebé hanesan Banku Estadu nian BNCTL kontribui de’it.

 “Bolsa da Mãe, terseira idade, ferik katuas sira buat sasán sira ne’e hotu kontribui mai difikuldade ne’ebé ita koopera hanesan banku komersiál ho kustu ne’ebé as tanba buat sasán sira ne’e. Se ami hanesan banku komersiál de’it ita bele halo servisu maibé ita manán ka lae, ita la manán ita la presija halo.” Nia haktuir.

BNCTL nia kreditu ne’e tinan ida nia aplika jurus bá kreditu la liu 10%, uluk husi 18% tun mai to’o 10% la liu, maibé la’ós hotu-hotu 10%, iha kreditu balun 3% no labele liu 10% se tau hamutuk tinan ida 6% maibé setór privadu se dehan banku nia kreditu as demias ne’e presiza atu haree ho diak preokupasaun siira ne’e.

Progressu ne’ebé BNCTL iha mak hahu tinan ne’e entermus kapitalizasaun ekonómia BNCTL rejista $ 157 milloens hodi fó kreditu.

Jornalista: Vito Salvador

 

Ekonomia

𝗘𝘇𝗲𝗸𝘂𝘀𝗮𝘂𝗻 𝗥𝗲𝗮́𝗹 𝗢𝗝𝗘 𝗥𝗲𝘁𝗶𝗳𝗶𝗸𝗮𝘁𝗶𝘃𝘂 𝟮𝟬𝟮𝟮 𝗶𝗵𝗮 𝗣𝗿𝗶𝗺𝗲𝗶𝗿𝘂 𝗦𝗲𝗺𝗲𝘀𝘁𝗿𝗲 A𝘁𝗶𝗻𝗷𝗶 𝟭𝟵%

Published

on

Hatutan.com, (04 Jullu 2022), Díli—Taxa ezekusaun reál Orsamentu Jerál Estadu (OJE) Retifikativu 2022 ba Governu Sentrál, esklui Seguransa Sosiál no RAEOA, to’o iha kinta 30 Juñu 2022, atinji millaun $597,7 ka 19% hosi totál OJE Retifikativu 2022 ba Governu Sentrál ho montante billiaun $3,1.

(more…)

Kontinua Le'e

Ekonomia

Ekipa Negosiadór Reafirma ba Austrália Atu Dada Kadoras Greater Sunrise Mai TL

Published

on

Hatutan.com, (01 Jullu 2022), Díli— Delegasaun hosi Ministériu Petróleu no Minerais ho Autoridade Nasionál Petrólu no Minerais (ANPM) iha Austrália semana ne’e promove oportunidade minas iha Timor-Leste (TL) ba empreza mineira Australiana.

(more…)

Kontinua Le'e

Ekonomia

Inflasaun Globál Durante Fulan Lima, TL Lakon Billaun $1,6

Published

on

Hatutan.com, (30 Juñu 2022), Díli— Ministru Finansas, Rui Augusto Gomes  fó sai katak, inflasaun global ne’ebé akontese hahú hosi fulan Janeiru to’o Maiu, lori implikasaun ba Timor-Leste tenke lakon billaun $1,6.

(more…)

Kontinua Le'e

Trending