Hatutan.com, (23 Juñu 2022), Díli- Prezidente Repúblika (PR), José Manuel Ramos-Horta, husu Governu lori fila traballadora timoroan sira ne’ebé “abandona” hela iha sidade Abudabi, Uniaun Emiradu Árabe nian.

Lee Mós : Traballadora Na’in-hitu “Abandona” iha Abudabi

Prezidente Repúblika (PR), José Manuel Ramos-Horta. Foto/Hatutan.com

Xefe Estadu Timor-Leste ne’e husu mós bá autoridade kompetente hanesan  Polísia no Tribunál tenke halo intervensaun bá autór sira ne’ebé lori traballadora timoroan bá haterus iha rai-li’ur.

Ramos-Horta husu atu joven sira uainhira hakarak bá rai-li’ur tenke tuir regra, lei iha, ajénsia ne’ebé ofisiál duni iha Díli, sira mak trata buat sira ne’e bainhira sira trata ne’e oin seluk.

Advertisement

Hanesan ajénsia INCANTO atu trata bá Dubai ne’e seidauk bá  Timoroan atus tolu mak atu ba Dubai maibé ida ne’e seidauk sira trata hela dokumentu ho kontratu Dubai mak to’o iha Timor ko’alia no hasoru ona sira.

“Dubai iha sira-nia regra, lei Dubai sira la halimar buat sira ne’e protesaun bá traballadór sira, bainhira sira temi rai seluk bá ha’u hatete lae, rai sira ne’e kuidadu maibé tenke liu husi ajénsia ne’ebé lejítimu iha Timor la liu, la hanoin didi’ak ema mai bosok ita monu kedas ne’e akontese la’ós primeira vez maibé ne’e uluk kedas akontese,” José Ramos-Horta hateten bá jornalista sira iha Díli, Kinta (23/06/2022).

Horta dehan oras ne’e daudaun grupu ne’ebé temi ne’e nia seidauk hatene no nia la koñese kazu ne’e maibé  se loos duni faktual duni presiza haree ho sériu.

To’o agora laiha ajénsia ruma lejítimu ne’ebé haruka ema bá Dubai  ka Abudabi atu ba maibé semana ruma tan, no buat ne’ebé Xefe Estadu rona mak iha traballadór timoroan atus tolu (300) ne’e liu husi meius buat hotu-hotu legál lejítimu tratadu.

“Agora timoroan na’in-hitu (7) iha Abudabi ka Dubai ne’e ha’u la hatene, ha’u la koñese, maibé se konfirma duni ema sira ne’e vítima ha’u konkorda Governu tenke ajuda repatria sira maibé haree mak responsavel bosok ema sira ne’e no ema sira ne’e sai vítima ne’e polísia, Tribunál tenke intervensaun bá ema sira ne’e hetan punisaun maka’as loos,” Horta dehan.

Advertisement

Partidu polítiku ne’ebé rekruta joven sira ba rai-li’ur se iha posibilidade servisu iha Korea, Austrália, Alemaña iha ne’ebé de’it bá tuir regra no tuir ajénsia ne’ebé profisionál buat sira ne’e liu husi legalidade no Prezidente Repúblika konkorda. Bainhira empregu garantidu tiha ona iha rai sira ne’ebá hanesan ba Austrália ne’e garantidu, ba Korea du Súl garantidu.

“Uluk ha’u Ministru Negósiu Estranjeiru no Kooperasaun kazu ne’e akontese ha’u ba televizaun ha’u esplika bá populasaun kuidadu ho buat sira ne’e no ne’e la’ós akontese Timor de’it, akontese iha Amérika, Austrália, Inglaterra iha rai bara-barak,” Horta haktuir. 

Lee Mós : Deskonfia Envolve iha Krime Tráfiku Umanu, PCIC Detein Autór Na’in-tolu

Jornalista: Vito Salvador

Advertisement