Connect with us
Pakote Ahi

Defeza & Seguransa

Tránzitu Hein Hela Na’in ba Patrimóniu Estadu Ne’ebé Prende Iha Fim de Semana

Published

on

Hatutan.com, (04 Jullu 2022), Díli—Polísia Nasionál Timor-Leste (PNTL), Komandu Munisipiu Díli, liuhosi Unidade Tránzitu, oras-ne’e hein hela na’in ba patrimóniu Estadu hamutuk 10, ne’ebé ekipa operasaun no fiskalizasaun konjunta preende iha Sábadu (02/07/2022), tanba utiliza la tuir nesesidade servisu ba Estadu nian.

Komandante Tránzitu Munisípiu Díli, Inspetór Polísia, Domingos Sarmento Gama.

Patrimóniu sira Estadu hirak ne’e kompostu hosi kareta lima, motorizada lima, ne’ebé ekipa operasaun no fiskalizasaun konjunta hosi Diresaun Jerál Patrimóniu Estadu (DJPE), Comissão Anti Corrupção (CAC), Comissão da Função Públika (CFP), Diresaun Nasionál Transporte Terrestre (DNTT), no PNTL liuhosi unidade tránzitu no seguransa rodoviária preende ho baze legál mak haktuir iha rezolusaun governu númeru 130/2021.

Lee Mós: Ekipa Konjunta Halo Apreensaun ba Patrimóniu Estadu 10 Iha Díli

Hafoin halo apreensaun ba evidénsia sira ne’e, liuhosi konferénsia imprénsa ekipa konjunta sira hato’o publikamente ba funsionáriu sira katak, durante semana ida nia laran, hahú hosi loron apreensaun tenke ba kompleta sira sansaun administrativa iha tránzitu Dili. Maibé, to’o oras ne’e seidauk iha infratór ruma mak ba foti fila karreta ne’ebé sira kondúz.

Advertisement

“Ekipa ne’e ninia servisu iha Sábadu (02/07/2022) ita konsege preende karreta lima no motór lima, ne’ebé tama hanesan parte iha infrasaun. Ita fó-sai ona ba funsionáriu sira, atendimentu komesa ohin to’o Sesta mak funsionáriu la mai, la kumpri, ita sei halo xamada atu tenke kumpri obrigatóriamente,” Komandante Tránzitu Munisípiu Díli, Inspetór Polísia, Domingos Sarmento Gama hateten ba jornalista sira, iha kna’ar fatin Caicoli, Segunda (04/07/2022).

Bainhira liu ona semana ida mak funsionáriu públiku ka infratór sira ne’e lakohi ba foti tikete selu multa nian, hodi ba selu iha banku molok foti fila sira ninia motór no karreta, ekipa Polísia Tránzitu Munisipiu Dili nian, sei identifika hotu pritrimóniu sira ne’e pertense ba ministériu ida ne’ebé, inklui identidade infratór rasik hodi submete kedan relatóriu ba kada ministériu no internalmente foti prosesu dixiplinár ba nia funsionáriu sira.

Tuir dekretu lei númeru 06/2003, kona-bá kódigu estrada, funsionáriu sira ne’ebé kondúz motór ka karreta mak laiha xapa matrikula (plat), sei selu multa ho montante osan $60, laiha dokumentu sei selu $30.

Jornalista: Rogério Pereira Cárceres

Advertisement
Kontinua Le'e
Advertisement
1 Komentariu

1 Comment

  1. lilly Branca

    05/07/2022 at 5:05 PM

    Servisu hanesan ne’e tenke halo hela deit iha fim da semana, para ita nia ema sira hatene -an katak ne’e laos hau nia patrimonio maibe guverno nian. wainhira halao be-beik ema sei hatene no komprende nune’e ita evita oituan gastus ba mina no manutensaun sira ne’e. boa servisu. espera katak ba oin diak liu tan.

Husik Hela Komentariu

Your email address will not be published. Required fields are marked *

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e

Defeza & Seguransa

UPF Halo Apreensaun bá Na’an Maran Ilegál, Mákina Ró ho Ró Ne’ebé Transporta Objetu Krime

Published

on

Hatutan.com, (20 Fevereiru 2024), Díli—Unidade Patrullamentu Fronteira (UPF), Domingu  (18/02/2024), hale’u tuku 20:00-liu Otl, iha Batugade, Bobonaro, halo apreensaun bá sasán ilegál sira, hanesan na’an maran ho kuantidade barak, mákina ró  nia velosidade 15 pk no ró ida ne’ebé transporta sasán ilísitu sira .

(more…)

Kontinua Le'e
Advertisement

Trending