Hatutan.com, (25 Jullu 2022), Díli—Autoridade Protesaun Sivíl liuhosi Diresaun Nasionál Prevensaun Konflitu Komunitáriu (DNPKK) hala’o semináriu ho tema “Prevensaun Konflitu Komunitáriu Bele Solusiona Dezentendimentu iha Sosiedade hodi Kontribui ba Pás,” durante loron ida ba komunidade no juventude iha suku Maneluana, postu administrativu Dom Aleixo, Díli.

Autoridade Protesaun Sivíl liuhosi Diresaun Nasionál Prevensaun Konflitu Komunitáriu (DNPKK) hala’o semináriu ho tema “Prevensaun Konflitu Komunitáriu Bele Solusiona Dezentendimentu iha Sosiedade hodi Kontribui ba Pás,” durante loron ida ba komunidade no juventude iha suku Maneluana, postu administrativu Dom Aleixo, Segunda (25/07/2022). Foto/DNPKK.

Objetivu hosi semináriu  ne’e atu halibur  komunidade no juventude suku Maneluana hodi hasa’e koñesimentu liuliu servisu hamutuk ho parte DNPKK, Polísia Nasionál Timor Leste (PNTL) no lideransa komunitária iha área prevensaun konflitu nian.

Lee Mós: LS Kumpre Aprezentasaun Periódika Tanba Lori Tudik Movimentu iha Manleuana

“Dadus hosi DNPKK nian, konflitu ne’ebé akontese barak liu iha territóriu TL maka konflitu disputa rai kona-bá hada’u-malu rai eransa, baliza no okupa uma ilegál dezde tempu Portugés to’o tempu Indonézia nian,” Diretór DNPKK António Viegas ho hateten iha sede Suku Manleuana, Segunda (25/07/2022).

Advertisement

António Viegas konsidera servisu DNPKK nian ba mediasaun iha komunidade liga ho konflitu oioin inklui konflitu disputa rai importante tebes atu hakmaan servisu justisa.

DNPKK servisu hamutuk ho Polísia Komunitáriu ho Diresaun Nasionál Terras no Propriedades atu haree asuntu disputa rai liga ho justisa, tanba iha ema preokupa ho justisa, nune’e DNPKK sempre servisu hamutuk ho lideransa komunitária hodi rezolve porblema komunidade nian liuhosi mediasaun ho gratuitu la selu.

DNPKK iha komitmentu boot atu solusiona problema ho volume kiik ne’ebé akontese iha komunidade liga ho rai no problema seluk. Tanba bainhira problema kiik ruma mosu, komunidade hakarak lori ba justisa sei aumenta servisu barak no problema barak mak labele atu rezolve iha tempu ne’ebé lalais.

Iha fatin hanesan, Administradór Postu Administrativu Dom Aleixo, José de Jesus heteten, suku Maneluana hanesan suku foun ho ninia populasaun barak tebes, ne’ebé  iha mós grupu arte marsiál (GAM) barak, no DNPKK ninia misaun ida mós atu promove dame entre GAM.

Tanba ne’e parte autoridade lokál sira hakarak hetan pás, juventude sira tenke hamutuk ho komunidade, tenke sai lalenok no naroman ba inan-aman, no fó naroman ba nasaun.

Advertisement

Oradór prinsipál iha semináriu ne’e maka Komandante PNTL Eskuarda Dom Aleixo, Superientendente Polísia, Alexandrino da Costa ko’alia kona-ba “Asegura Seguransa, Pás, Estabilidade, no Lei Arma Branka, Diretór Nasionál Terras no Propriedades foka ba “Lei no Direitu nain ba Rai.”

Jornalista: Rogério Pereira Cárceres