Nasionál
PM Taur Hakarak Ministru Agrikultura Aselera Servisu iha Baze
Hatutan.com, (28 Jullu 2022), Díli—Primeiru Ministru (PM), Taur Matan Ruak hakarak atu Ministru Agrikultura no Peska (MAP), Pedro dos Reis aselera servisu agrikultura iha baze, nune’e bele hasa’e kuantidade produsaun.
Mota Estraga Irrigasaun ne’ebé kanaliza bee ba natar hektares 75 iha aldeia Raimate Suku Asulau-Sare, Postu Administrativu Hatulia, Munisipiu Ermera, (29/01/2022). Foto/Hatutan.com.
Tanba ne’e, Xefe Governu orienta ona MAP Pedro dos Reis ho nia vise Abílio Xavier de Araújo, no Sekretária Estadu Peskas (SEP), Elídio de Araújo, hodi halo mós evaluasaun kona-bá servisu tomak ne’ebé durante ne’e hala’o, nune’e prepara Orsamentu Jerál Estadu (OJE) 2023.
Lee Mós: Ministru Pedro Reis Lansa Importasaun Manu-Futu
“Hanesan superiór, orienta atu ho tempu ida ne’ebé mak badak, hela fulan oan hira de’it tenke servisu haka’as an maka’as liután, tenke hatudu rezultadu servisu ne’ebé mak di’ak ba rai ida ne’e,” Pedro dos Reis hateten hafoin hasoru-malu ho Primeiru Ministru iha rezidénsia ofisiál Faról, Dili, Kinta (28/07/2022).
Durante somutu ne’e, toka mós kona-bá problema irrigasaun sira ne’ebé mak aat dezde kedan inundasaun iha 04 Abril 2021 to’o ohin loron, ne’ebé seidauk halo rehabilitasaun.
“Buat hothotu, tanba asuntu tékniku ita temi mós la hotu, maibé orientasaun Primeiru Ministru nian, kuaze kobre hotu. Setór haat iha agrikultura mak hanesan, hortikultura, peskas, pekuária ho florestas ninian, kafé no planta, liga mós ho atividade sira seluk,” Pedro dos Reis, hateten.
Atu rehabilita irrigasaun sira iha territóriu nasionál, PM Taur husu ba MAP atu selebra nota entendimentu ida ho Ministériu Obras Públikas (MOP), liuhosi Institutu Jestaun Ekipamentu (IJE), nune’e bele fasilita materiál pezadu sira hanesan mákina eskavadór ba iha eskema irrigasaun sira ne’ebé mak oras ne’e kondisaun gráve tebtebes.
Nia garante katak, ho nota entendimentu ne’ebé ministériu rua ne’e atu hala’o, bele sai hanesan baze legál ida hodi tulun MAP ba futuru, liu-liu halo atendimentu ba komunidade agrikultór iha baze, oinsá kontinua hasa’e produsaun ai-hán.
Jornalista: Rogério Pereira Cárceres
Nasionál
HABADA Husu MP Nia Seriedade Posesa Autór Sira Ne’ebé Presta Ona Deklarasaun Kona-bá Fasilita Jet Privadu Aterra iha IPNL
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
