Hatutan.com, (15 Setembru 2022), Díli- Prokuradór Jerál Repúblika (PGR, sigla Portugés), Alfonso Lopes, hateten, nia sei ko’alia ka pronunsia buat ruma kona-bá kazu projetu instalasaun  Set-top Box Radiu Televizaun Timor Leste, Empreza Públiku (RTTL,E.P) hafoin ferias judisiáriu.

Prokuradór Jerál Repúblika (PGR, sigla Portugés), Alfonso Lopes. Foto/Elio dos Santos da Costa

Bá Hatutan.com iha Parlamentu Nasionál (PN), Kinta (15/09/2022), PGR, Alfonso Lopes hateten, agora iha hela ferias judisiáriu,  tamba ne’e,  kazu sira urjente hanesan detensaun flagante de lito ne’e mak iha turnu no na’in rua de’it mak atende iha kada distritu judisiál tamba prokuradoria estabelese turnu iha prokuradór ida-ida tamba maioria ferias judisiál.

“Apartir dia 16 fulan-Setembru ne’e mak ita komesa la’o fila fali, entaun ita bele prosesa sira ne’e la’o normal fila fali,” Alfonso Lopes hateten.

Nia hatutan kazu projetu instalasaun Set-top Box, RTTL, E.P parte Prokuradór Jerál seidauk bele  fó komentáriu ka fó opiniaun kle’an lai tamba sei ferias judisiáriu.

“Presiza identifika didi’ak tamba ko’alia laiha baze legal la di’ak no kazu sira ne’ebé tama iha PGR durante ferias judisiál sempre turnu mak atende bá kazu urjente no bá kazu normal hafoin ferias judisiál remata mak nia prosesu ne’e la’o,” PGR Alfonso Lopes tenik.

Antes ne’e, Diretór Investigasaun Komisaun Anti-Korrupsaun (CAC) José Verdial hateten, Ministériu Públiku (MP) de’it maka hatene prosesu ne’e, to’o ona iha ne’ebé tanba CAC nia knar maka halo de’it investigasaun no hato’o relatóriu rezultadu investigasaun bá MP.

“MP maka hatene, tanba knar hosi CAC maka halo investigasaun no relatóriu rezultadu bá MP, maibé kuandu to’o ona iha ne’ebá ami atu hatene prosesu ne’e bainhira iha ona akuzasaun ka seidauk maka ami foin hatene iha Tribunál, tanba tuir lei prosesu penal MP laiha obrigasaun atu hato’o fali bá CAC katak prosesu ne’e to’o ona iha ne’ebé atu arkiva ka  lae ne’e ita lahatene to’o iha ne’ebé,” José Verdial tenik.

Hosi konteúdu relatóriu, CAC konsege identifika prejuizu direta bá Estadu ho montante $7,680.00 ne’ebé identifikadu liuhosi Set Top Box hamutuk 256 ne’ebé kompañia indikadu DILI ETERNAL INNOVATION INFORMATION, Lda, seidauk halo instalasaun, maibé prejuizu ne’e sei aumenta makas bainhira kontinua halo inspesaun no kontinuasaun bá benefisiáriu hirak ne’ebé simu ona STB iha suku besik atus ida resin iha Munisípiu lima hanesan Díli, Aileu, Ermera, Liquiça no Bobonaro, tanba STB barak maka seidauk halo instalasaun no benefisiáriu rasik maka halo instalasaun la’ós kompañia no prejuizu indireta seluk ne’ebé Estadu sofre hamutuk $674,581.7 no prejuizu ida ne’e hetan bainhira halo komparasaun entre estimasaun kustu ba instalasaun STB ne’ebé halo hosi RTTL.EP ho valor $225.400 ho valor kontratu ba projetu ne’ebé maka asina husi MAPCOMS no kompañia DILI ETERNAL INNOVATION INFORMATION (DEII) Lda ho valor $899.981.70.

Projetu instalasaun Set-top Box/dexodificador RTTL,E.P ne’e ho nia kustu $900,000.00, deskonfia Ministru Asuntu Parlamentár no Komunikasaun Sosiál (MAPKOMS), Francisco Martins da Costa  Pereira Jerónimo, nu’udár mós Prezidente Federasaun Futeból Timor Leste (FFTL) estabelese kontratu ho empreza   DILI ETERNAL INNOVATION INFORMATION, Lda nu’udár sósiu hosi Melánia da Silva Fernandes Capela, ne’ebé tempu ne’ebá

Jornalista: Vito Salvadór