Connect with us
Pakote Ahi

Justisa & Krime

Kazu Osan $130.000, PCIC Remete Ona Bá Ministériu Públiku

Published

on

Hatutan.com, (10 Outubru 2022), Díli-Polísia Sientífika Investigasaun Kriminál (PCIC, sigla portugés) remete ona kazu apreensaun osan  $130,000 bá Ministériu Públiku (MP).

Lee Mós : Vídeo Viral, Dezentendimentu SNI ho Dirijente KHUNTO Kona-bá Osan $130.000

Partidu KHUNTO nia osan fiziku ho montante $130.000 ne’ebé autoridade sira halo apreensaun iha Aeroportu Internasionál Prezidente Nicolau Lobato, Tersa (04/10/2022). Foto/Foti Hosi Facebook

Osan fíziku $130,000 ne’e, autoridade sira halo apreensaun iha Aeroportu Internasionál Prezidente Nicolau Lobato, Tersa, 04 fulan-Outubru 2022.

Osan ne’e, partidu KHUNTO nian ne’ebé nia militante na’in-tolu (3) tenta atu lori sai bá Indonézia liuhosi Aeroportu Internasionál Prezidente Nicolau Lobato ho objetivu atu bá kompras nesesidade partidfu KHUNTO nian bá kampaña eleisaun jerál 2023.

Advertisement

“Dezde semana kotuk, ita (PCIC, red) remete ona ba Ministériu Públiku hanesan na’in bá asaun penal. Ida-ne’e kompeténsia autoridade judisiáriu sira-nian. Ligadu ho ida-ne’e PCIC ninia kompeténsia termina ona agora hela bá MP no Tribunal nia kompeténsia,” Adjuntu PCIC Adino Cabral hateten hodi responde jornalista iha nia servisu fatin, Segunda (10/10/2022).

Hosi sorin seluk, Prezidente Komisaun B Parlamentu Nasionál, José Agostinho Sequeira “Somotxo”, konsidera katak, osan ho montante $130,000 ne’ebé tenta lori sai hosi Aeroportu Internasionál Nicolau Lobato, Comoro, Dili, nu’udár krime organizadu.

Deputadu “Somotxo” dehan, Komisaun B nia serbisu maka responsabiliza polítika kona-bá asuntu defeza ho seguransa iha interna ho externa.  Nune’e, tuir Somotxo, nia haree katak, krime sira hanesan tráfiku bá umanu, krime transnasionál, krime organizadu, iha mundu tomak akontese, la’ós de’it iha Timor-Leste.

Komisaun B Parlamentu Nasionál, kontinua enkoraja ekipa sira iha serbisu intelijénsia no serbisu sira informasaun ho mós investigasaun bá kriminál, atu iha kapasidade hodi kombate krime organizadu sira, no krime sira mak konsidera hanesan transnasionál.

“Foin daudaun akontesimentu iha aeroportu, ne’e bolu dehan krime organizadu ida. Ne’e ema bele interpreta seluk, mais ha’u konsidera hanesan krime organizadu. Krime ida ne’ebé bolu dehan Brankeamentu Kapitál, ho krime ida tán maka Fraúde Fiskál, ne’ebé ema sees hosi impostu sira,” prezidente Komisaun B, José Agostinho Sequeira “Somotxo” hateten bá jornalista sira, hafoin halo audiénsia públiku ho ekipa Servisu Nasionál bá Intelijénsia (SNI), iha sala Grupo das Mulheres Parlamentáres de Timor-Leste (GMPTL), Segunda (10/10/2022).

Advertisement

La’ós ne’e de’it, akontesimentu kazu kona-bá autoridade polísia sira halo apreensaun bá evidénsia osan iha Aeroportu Comoro, ida ne’e hanesan mós flagrante delitu. Maske ema hotu katak, sidadaun sé de’it, bainhira halo viajen sai bá li’ur lori ho osan fíziku  ho valór $10,000 liu tenke halo deklarasaun bá iha Unidade Informasaun Finanseira (UIF), Banku Sentrál Timor-Leste (BCTL-sigla Portugés),

“Surat-tahan ida bá ita prienxe ne’e, sei husu ita dehan ó lori osan hira, liu $5,000 ka, liu  $10,000, kuandu iha montante ida ne’ebé mais estipuladu, konserteza katak, tenke iha deklarasaun hosi Banku Sentrál,” Somotxo hateten.

“Ohin loron ne’e, ita ukun-aan ona, ha’u pesoál lakohi krime sira atu domina iha ita-nia rain. Tán ida-ne’e, rede sira ne’ebé iha Timor-Leste nia laran ne’e, tenke kombate, desmantela. Sé maka desmantela, PCIC, SIK, SNI, ho serbisu sira informasaun hotu, tau hanoin hamutuk, para kombate,” Somotxo afirma tan.

Viola Regra

Iha biban ne’e, deputadu Somotxo, esplika katak, membru VIII Governu Konstituisaun na’in-rua, kompostu hosi  Vise-Ministru Justisa (VMJ), José Edmundo Caetano ho Vise-Ministru Interior (VMI), António Armindo, hosi partidu Kmanek Haburas Unidade Nasionál Timoroan (KHUNTO) ne’ebé bá halo intervensaun bá servisu SNI nian ne’ebé sira-nia video viral iha Facebook hatudu  viola Lei Kódigu Penál Timor-Leste, Artigu 143, kona-bá Obstrusaun bá Autoridade sira nia serbisu, liu-liu SNI.

Advertisement

“Membru governu na’in-rua, ne’e krime ketak ida. Ne’e krime ida ne’ebé dehan obstrusaun, ka impedimentu bá autoridade atu la halo serbisu. Obstrusaun ka serbisu autoridade sira, iha artigu 143, hosi Lei Kódigu Penál,” Deputadu Somotxo esplika.

Medida sira atuasaun hosi autoridade polisiál sira hodi halo apreensaun bá evidénsia osan ho montante $130,000 ne’e, konsidera nu’udár krime públiku, tanba flagrante delitu. Tanba ne’e, tenke prosesa hotu ema sira ne’ebé maka sai autór bá iha kazu ne’e.

Infelizmente, Policia Ciêntífica e de Investigação Criminal (PCIC), SNI, admite fali autór sita ne’e, lori ho osan balu, liu bá Bali, Indonézia. Depois, sira sei lori nafatin osan ho montante boot, ultrapasa regra sira mak impoin ka bandu bá sidadaun sira iha aeroportu liu $10,000.

“Nusá maka momentu ne’e dehan krime ida ne’ebé públiku, sira deteta hanesan flagrante delitu, loloos ne’e, sira ne’e la liu, no estrañu uitoan maka hanesan iha Bali mós, husik. Loloos ne’e, iha Bali ne’e, tenke ó metin iha ne’e. Mais liu hotu, signifika katak, rede sira ne’e la’o hela,” Deputadu Somotxo  kestiona.

Eis ministru interior iha VII Governu ne’e dehan, parte Komisaun B PN sei esforsu nafatin hodi ko’alia kona-bá autoridade polisiál sira ne’e ida-idak ninia responsabilidade. Sá tán, membru governu balu ‘tenke’ bá halo impedimentu bá serbisu hosi autoridade públiku sira.

Advertisement

Prezidente PN Husu Hakru’uk bá Lei

Iha fatin hanesan Prezidente Parlamentu Nasional (PPN), Aniceto Guterres, husu bá konselleiru másimu partidu KHUNTO, José ‘Naimori’ dos Santos, ho nia kuadru partidu KHUNTo na’in-rua ne’ebéasume kargu hanesan Vise-Ministru Justisa ho Vise-Ministru Interior atu ‘hakru’uk’ de’it bá lei ne’ebé vigora iha TL.

“Ha’u hanoin, hothotu hatene lei, sá tán membru Governu sira hatene lei, saida mak labele hakat liu. Mais kazu ida-ne’e sei prosesu averiguasaun, informasaun sira ne’e hotu, depois sé kazu ne’e iha  indísiu krime karik, autoridade judisiária sira intervein,”  Aniceto Guterres afirma.

Aniceto hatutan, ligasaun ho apreensaun osan ho valór $130,000 iha aeroportu ne’e, husik bá entidade Estadu ida-idak hala’o ninia kna’ar, tanba lei asegura hotu, ida ne’ebé mak, bele halo, no saida mak labele halo.

“Agora, sé ultrapasa ka hakat liu lei, hasoru lei, hasoru Estadu,” Prezidente Parlamentu Nasional (PPN), Aniceto Guterres, afirma tan.

Advertisement

Jornalista: Rogério Pereira Cárceres

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Sidadaun Xina Ida Ne’ebé Deskonfia Falsifika Pasaporte Hetan TIR

Published

on

Hatutan.com, (27 Marsu 2024), Díli-Tribunál Judisiál Primeira Instánsia Díli (TJPID), liuhosi Juiz Singulár Afonso Carmona, Kuarta (27/03/2024), deside medida koasaun Termu identidade rezidénsia (TIR) bá arguido ho inisiál ZL nu’udár sidadaun estranjeiru ho nasionalidade Xina tanba deskonfia halo falsifikasaun bá dokumentu pasaporte.

(more…)

Kontinua Le'e

Justisa & Krime

Kazu Beto, MP Alega Krime Rua Hasoru Arguido Na’in-8, no Na’in-2 bá Ona Prizaun Preventiva

Published

on

Hatutan.com, (27 Marsu 2024), Díli-Tribunal Judisiál Primeira Instánsia Díli (TJPID), Kuarta (27/03/2024), hala’o Primeiru Interrogatóriu Judisiál hasoru arguido na’in-ualu (8)  ho inisial JGL, ZM, EX, AG, LUX, FCG, JS, RC, tanba deskonfia nu’udár autór prinsipál bá kazu konfrontu iha área Betó Leste, Sábadu 24 fulan-Marsu 2024.

(more…)

Kontinua Le'e

Justisa & Krime

Sidadaun Xina Ida Submete Bá Primeiru Interrogatóriu Tanba Halo Falsifikasaun Pasaporte

Published

on

Hatutan.com, (27 Marsu 2024), Díli-Sidadaun estranjeiru ida ho nasionalidade Xina ho inisiál ZL,  Kuarta (27/03/2024), hale’u tuku 15:00 Otl, submete bá Primeiru Interrogatóriu Judisiál iha Tribunál Judisiál Primeira Instánsia Díli (TJPID) tanba deskonfia envolve iha krime falsifikasaun dokumentu pasaporte ne’ebé durante ne’e utiliza hodi buka serbisu no hela iha Timor.

(more…)

Kontinua Le'e
Advertisement

Trending