Connect with us
Pakote Ahi

Nasionál

PM Taur Parabeniza Hatutan.com no SEKOMS Apresia Komportamentu iha Publikasaun Sira

Published

on

Hatutan.com, (12 Outubru 2022), Díli-Primeiru Ministru (PM), Taur Matan Ruak, parabeniza Hatutan.com ne’ebé halo nia aniversáriu dahuluk, 20 Agostu 2021-20 Agostu 2022.

Lee Mós : Rezultadu Monitorizasaun-Análiza Reportajen Eleisaun Prezidensiál 2022, Hatutan.com Balansu-liu

MAPKOMS Reprezenta Primeiru-Ministru Taur Matan Ruak iha serimonia aniversariu dahuluk Hatutan.com nian ne’ebé hala’o iha Timor Plaza, Kuarta (12/10/2022). Foto/Elio dos Santos

Liuhosi selebrasaun aniversáriu dahuluk Hatutan.com nian ne’ebé hala’o iha Timor Plaza, Kuarta kalan (12/10/2022), Ministru Asuntu Parmanetar no Komunikasaun Sosiál (MAPKOMS), Francisco da Costa Pereira Jeronimo, hatutan mensajen Primeiru-Ministru nian hodi dehan, PM Taur Matan Ruak hato’o deskulpa la bele hola parte iha anivesariu Hatutan.com nian ne’e tanba iha ajenda servisu Estadu nian seluk, maibé nia enkoraja mídia Hatutan.com, atu kontinua  halo servisu ho di’ak kontribui bá dezenvolvimentu nasionál.

“Oitavu Governu ne’ebé lidera hosi Primeiru-Ministru Taur Matan Ruak, iha tempu ida ne’e, ninia hakarak mak hanesan ohin señór SEKOMS ko’alia tiha ona. Maibé hakarak atu hatete de’it katak, nia transmite hela parabéns bá Hatutan, parabéns, boot tebetebes bá ita-boot sira, bá ita-boot sira-nia servisu ne’ebé mak di’ak durante tinan ida. Ita hein katak, saida maka tuir fali mai, kontinuasaun hosi saida mak la’o tiha ona, atu nune’e Hatutan bele di’ak liután, kompara ho tinan ida ne’ebé maka harii daudaun,” Ministru Francisco Jerónimo haktuir.

Advertisement

Bá ida ne’e, MAPKOMS hatutan mensajen hosi Primeiru Ministru, Taur Matan Ruak nian, husu katak, bainhira ema hotu-hotu halo servisu hanesan, ida ne’ebé ko’alia mós tenke responsabiliza bá nia liafuan, ida ne’ebé hakerek mós tenke responsabiliza bá nia hakerek.

“Husu ita hothotu nia responsabilidade, atu nune’e, saida mak ita hala’o, iha responsabilidade. Liberdade bá  imprensa, liberdade bá espresaun, sim, maibé, labele haluha, ita mós iha responsabilidade. Ida-ne’e de’it maka, sua-exelénsia señór Primeiru Ministru husu, atu nune’e, Hatutan bele tau hanesan mós prioridade ida, iha ninia notísia sira ne’ebé mak hato’o,” Ministru MAPKOMS haktuir mensajen PM Taur nian.

Bainhira hato’o informasaun ne’ebé ho responsabilidade, Ministru Francisco Jeronimo hateten, bele garante kualidade bá komunidade sira hotu, bá populasaun sira, bainhira sira lee notísia, hakerek ho kualidade, sira mós sente katak, ida ne’e di’ak bá sira, atu nune’e, sira mós hakarak kontribui bá dezenvolvimentu média iha TL.

“Ha’u lalika dada-lia naruk tán, tanba buat barak, ohin señór SEKOMS  hato’o ona, ami hakarak atu reforsa tán de’it, ita mós iha parlamentu, iha hela lei ida kona-bá Cybernetic, ne’ebé mak oras ne’e iha ne’ebá hela, para atu kompleta de’it señór SEKOMS ko’alia, atu nune’e deputadu sira diskute para, bele mós regulariza kondisaun sira seluk ne’ebé maka la’ós iha área jornalizmu nian. Ha’u hanoin, ida ne’e mak hakarak hato’o, parabens bá Hatutan, espera katak, bá oin, di’ak liután, saida maka hala’o tiha ona,” Ministru Francisco Jerónimo, hateten.

SEKOMS Merício Akara konversa hela ho Xefe Redasaun Hatutan.com, Francisco B.S. da Costa ho Koordenadór Kobertura, Cipriano Kolo Foto/Elio dos Santos da costa

Molok ne’e, Sekretáriu Estadu bá Komunikasaun Sosiál (SEKOMS), Merício Juvenal dos Reis “Akara”,  apresia ho Hatutan.com nia publikasaun notísia no informasaun sira bá públiku Timor-Leste tomak, iha plataforma online. 

SEKOMS, Merício Akara, hato’o ne’e, durante partisipa iha primeira aniversáriu ezisténsia Média Online Hatutan.com nian, iha Suai Room, Timor Plaza, Dili.

Advertisement

SEKOMS Merício Akara dehan, sente kontente, tanba bele simu konvite hosi mídia Hatutan.com, hodi bele hato’o mensajen badak, iha Prezidente Repúblika (PR), José Ramos-Horta nia oin tán. Segundu, SEKOMS apresia mós bá komportamentu Hatutan.com nian.

“Komportamentu, ho lingua Indonézia, kinerja baik Hatutan, ne’ebé oferese bá nasaun, bá timor. Ita-boot sira oferese bá ita-nia nasaun. Terseiru, apresia mós bá Hatutan, katak foin tinan ida, maibé halo ona servisu lubuk ida, hodi sai balansu cheek and balances, no parte importante iha média nasionál, ne’ebé kontribui bá dezenvolvimentu iha ita-nia rain, liu-liu iha aspetu komunikasaun no informasaun nian,” Sekretáriu Estadu Merício Akara hateten durante diskursu .

SEKOMS afirma, polítika governu nian maka, atu garante nafatin liberdade espresaun no liberdade imprensa. Iha nivel globál, TL nia valór ka nivel di’ak liu. Iha ASEAN, TL okupa iha númeru dahuluk, intermu liberdade imprensa.

Rezultadu di’ak ida ne’e, la’ós TL mak halo supervizaun, maibé iha entidade ne’ebé maka hetan konfiansa maka’as iha nivel globál mak halo. Entaun, hanesan governu, kontente.

“Ita-boot sira nia kontribuisaun, nia rezultadu, ida mak ne’e. Governu apoia lei sira ne’ebé hatuur iha komunikasaun sosiál. Ida, kona-bá Liberdade imprensa, ida seluk, kona-bá Liberdade atu ko’alia,” dehan SEKOMS Merício Akara.

Advertisement

Seluk fali maka, governu liuhosi Xefe Governu rasik hateten ona katak, la permite atu iha intervensaun polítika ka intervensaun ekonomia iha konsellu redasaun. Tanba ko’alia kona-bá liberdade imprensa, nia xave maka konsellu redasaun.

Tuir Merícia Akara, orientasaun polítika jerál bá média Estadu bele, mais bá konsellu redasaun, Governu iha kometimentu, atu la halo intervensaun. Governu sempre iha hanoin di’ak, no kontinua dezenvolve média nasionál, no privadu sira, sai parseiru di’ak bá dezenvolvimentu ita-nia rain nian.

Prinsípiu ida ne’e, refleta iha pontu sira mak hanesan, lei sira ne’ebé Governu halo ona, atu asegura liberdade imprensa ho di’ak liután. Iha 2018 ho 2019, SEKOMS halo ezbosu ida kona-bá Lei Rádiu Difuzaun. Lei ida ne’e mak to’o agora TL seidauk iha. Maibé, SEKOMS hahú, no agora sei iha Parlamentu Nasional espera iha tempu badak iha ona lei kona-bá rádiu difuzaun.

SEKOMS Merício Akara haktuir, iha 2019, bainhira partisipa iha programa Forum Diálogu Dili (Dili Dialoge Forum), ne’ebé nia rasik mós partisipa, atuál Prezidente Repúblika, Jose Ramos-Horta, maka propoin, para oinsá Governu buka dalan, atu apoia média hotu-hotu, inklui média privadu, tanba kondisaun real ekonomia TL nian.

“Ami ko’alia ho primeiru ministru aseita, tanba ne’e maka ami halo tiha ona ezbosu lei ida atu fó subsídiu bá média privadu sira, ne’ebé infelizmente, ita-nia prezidente, ita-nia prezidente sestante veta. Tanba ne’e maka, apoia bá média privadu sira la konsege. Espera, ita-nia prezidente foun, bele haree fali ida ne’e,” Merício Akara. Tenik.

Advertisement

Esbosu lei ida ne’e, sei reforsa Lei Komunikasaun Sosiál bá jornalista sira, no kria polítika nasionál bá komunikasaun sosiál ninian.

“Ikus liu, saida mak daduaun ne’e ita halo  no ami husu, Hatutan bele kontribui. Governu diversifika meius komunikasaun hothotu. Meius komunikasaun konvensionál, liu-liu meius komunikasaun dijitál. Iha era dijitál, plataforma dijitál, hothotu ita hakarak utiliza, hodi tranzmite informasaun ne’ebé loos, no kredivel bá ita-nia rai, bá ita-nia nasaun,” nia tenik.

Informasaun ne’ebé loos no kredivel maka partisipasaun komunidade bele iha, bainhira sira rona informasaun loos no kredivel, sira sai sidadaun ida ne’ebé mak krítiku.

Tuir dadus, iha Timor, Plataforma dijitál, maioria joven sira mak utiliza, ativu la halimar entre 70% ka 80%, ema ativu la halimar iha média sosiák, tanba hothotu iha smart phone. SEJKOMS hanoin, hahú agora servisu hotu para kria smart people, para sai autór bá smart phone.

“Labele kontráriu, smart people, para ita bele kria smart City. Ita-nia prezidente hahú halo atividade di’ak, Dili Maratone, oinsá,  kontén creator sira promove ida ne’e, para ita-nia nasaun nia imajen bá rai-li’ur, di’ak liután, ema bele vizita barak liután, no média sai diplomata di’ak bá ida ne’e,” Akara sujere.

Advertisement

Ikus liu, SEKOMS hakarak média sira bele kontribui bá dezenvolvimentu Youtuber. Kontén creator sira iha rai-laran, sira iha ona asosiasaun youtuber, no SEKOMS halo koolaborasaun ho sira, no husu ona sira, para sira mós bele kontribui bá festival Ataúro ne’ebé prezidente repúblika atu lansa.

“Sé Youtber balu iha ne’e, favór ativu, sai kontén creator di’ak, promove ita-nia rain, no sai fatin bá good news on timor-Leste. Obrigadu barak, parabéns bá hatutan,” SEKOMS Merício Akara hateten.

Jornalista: Rogério Pereira Cárceres

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

CI ho ABC-ID Lansa Matadalan Jornalizmu Inkluzivu

Published

on

Hatutan.cm, (16 Abríl 2024), Díli—Conselho de Imprensa (CI) servisu hamutuk ho Australia Broadcasting Coorporation-International Development (ABC-ID) hala’o lansamentu bá Matadalan Jornalízmu Inkluzivu.

(more…)

Kontinua Le'e

Nasionál

Projetu Reabilitasaun Estrada iha Díli Laran “La Obedese” bá Prinsípiu Transparénsia

Published

on

Hatutan.com, (16 Abríl 2024), Díli– Iha Rejime Jurídiku Aprovizionamentu (RJA) fó sentidu katak  projetu fíziku (projetu ho karater emerjénsia ka karater normal)  ne’ebé iha implikasaun bá Orsamentu Estadu nian tenke tane as no garante prinsípiu transparénsia.

(more…)

Kontinua Le'e

Nasionál

Prezidente Repúblika ho CCI-TL Diskute Dezafiu Investimentu iha TL

Published

on

Hatutan.com, (16 Abríl 2024), Díli Prezidente Repúblika (PR), José Ramos-Horta hamutuk ho Câmara Comercio Indústria Timor-Leste (CCI-TL) hala’o diskusaun kona-bá dezafiu investimentu iha Timor-Leste liuliu liga ho lejislasaun sira.

(more…)

Kontinua Le'e
Advertisement

Trending