Connect with us
Pakote Ahi

Ekonomia

Aero Díli Koordena ho MTK-ACTL Atu Halo Operasaun Komersiál ho Aviaun Airbus A320

Published

on

Hatutan.com, (11 Novembru 2022), Díli- Empreza airline nasionál, Aero Díli inisia investimentu iha setór aero nian. Nune’e, iha fulan-Dezembru 2022, aero Díli sei hahú halo operasaun internasionál ho aviaun komersiál  Aero Dili nian rasik.

Lee Mós : Aero Dili ho Bandeira Timor Susesu Halo Technical Landing iha Aeroportu Eltari-Kupaun

Diretór Ezekutivu Empreza Airline Aero Díli, Lourenço de Oliveira. Foto/Elio dos Santos da Costa

Aero Díli sei utiliza aviaun komersiál ho tipu Airbus A320, tanba ne’e, Sesta (11/10/2022), parte Aero Díli halo enkontru koordenasaun ho Ministru Transporte no Komunikasaun (MTK), José Agostinho da Silva ho Aviasaun Civil de Timor Leste (ACTL) atu bele fasilita prosesu administrativu tuir Lei vigora hodi aselera investimentu.

Diretór Ezekutivu Aero Díli, Lourenço de Oliveira, informa Aero Díli iha ona data serteza atu iha loron 20 fulan-Dezembru ne’e iha aviaun rasik ho investimentu ida ne’ebé boot. Nune’e, Aero Díli  hasoru-malu ho Ministru MTK, José Agostinho da Silva, tamba iha diverjénsia uitoan ho asuntu rejistrasaun aviaun nian, inklui mós ho Lei ne’ebé maka husu atu demora loron 90 tan hodi kompleta dokumentu.

Advertisement

Parte Aero Díli no Lisor, ida ne’ebé maka fó aviaun bá empreza buat hotu loos ona no Aero Díli presiza de’it inspetór husi parte Aviasaun Civil de Timor Leste (ACTL) para bá iha Malázia tamba aviaun sei tama bá halo check durante fulan ida tamba ne’e autoridade ACTL sei bá halo check antes lori aviaun ne’e mai Timor-Leste.

“Ami mai hasoru malu ho Ministru no ACTL hodi informa situasaun ne’ebé empreza Aero Díli iha no hodi husu mos atu inspetór na’in-rua hosi ACTL bele bá iha Malázia durante fulan ida hodi halo mos check bá iha aviaun ne’ebé Aero Díli iha,” Lourenço de Oliveira hateten.

Motivasaun ne’ebé dudu hakarak investe iha setór transporte Aereu tamba Timor-Leste rasik to’o oras ne’e seidauk iha aviaun rasik, no durante independénsia tinan 20 ona Timor-Leste sei dependénsia bá transporte Aereu hosi nasaun seluk no situasaun ne’e difikulta tebes movimentasaun komunidade sira nian atu bá li’ur ka husi li’ur mai rai-laran.

Emprezáriu timoroan ne’e haktuir motivasaun seluk ne’ebé dudu nia maka, situasaun Covid-19 ne’e halo Timor-Leste izoladu husi fatin hotu-hotu, no obrigadu Timor-Leste tenke aluga aviaun hosi fatin seluk hodi bele transporta ai-moruk hosi fatin seluk rai laran.

“Ha’u haree katak tinan barak ona mak ema mai foti osan hosi Timor hodi bá hotu li’ur, tamba ne’e motiva ha’u atu ita iha aviaun rasik hodi osan ne’e sirkula d’eit iha rai-laran. Tamba ida ne’e maka ha’u prepara peritu, pilotu, por enkuantu sei ema liur mais ita nian timoroan mós haruka daudauk ona no kontaktu direita ho Air Bus atu sira fasilita ita hodi hatudu katak Timor mos bele,” Lourenço de Oliveira hateten.

Advertisement

Tuir planu Aero Díli sei halo operasaun bá iha nasaun lubuk ida ne’ebé Timor-Leste iha akordu bá no oras ne’e Aero Díli list ona aviaun ida ne’ebé sei halo operasaun dahuluk hodi hein rua seluk ne’ebé sei kompleta iha periodu tinan ida nia laran.

Airbus A320 nu’udár aviaun tula pasajeiru komersiál  ne’ebé hala’o nia operasaun bá nasaun sira ne’ebé besik malu purvolta tempu oras tolu mai kra’ik no tipu aviaun Airbus A320 ne’ebé prodús rasik hosi empreza Airbus.

Informasaun ne’ebé iha katak Airbus ne’e aviaun bá pasajeiru komersiál di’ak no seguru. Nune’e iha Indonézia rasik  empreza sira hanesan AirAsia, Citilink no Lion Group utiliza aviaun komersiál ho tipu Airbus nee.

Ministru Transporte no Komunikasaun (MTK), José Agostinho da Silva. Foto/Elio dos Santos da Costa

Ministru Transporte no Komunikasaun (MTK), José Agostinho da Silva hateten, Governu iha papél atu promove, no fasilita empreza Aero sira tuir regra ne’ebé iha hodi garante investimentu ne’e bá oin.

Ministru MTK, José Agostinho da Silva, hateten konektividade aero hanesan ema hotu hatene katak Timor-Leste durante ne’e dependénsia bá nasaun amigu sira ne’ebé Governu selebra ona kooperasaun servisu aero ho sira hanesan Indonézia, Singapura no Austrália.

Maneira ida ne’e mak durante ne’e Governu Timor-Leste uza no nasaun sira ne’ebé Timor-Leste iha akordu bá, sira dezigna sira-nia aviaun, hodi halo ligasaun hodi fasilita movimentasaun komunidade sira nian ne’ebé uza transporte aero.

Advertisement

Nia afirma, Timor-Leste oras ne’e seidauk iha aviaun rasik, tamba investimentu iha setór aero la’ós buat ida ki’ik tamba presiza iha rekursu barak hahú husi rekursu umanu, rekursu finanseira no mós rekursu sira seluk ne’ebé bele ajuda dudu investimentu iha setór aero ne’e rasik no oinsá atu halo jestaun ida di’ak durante operasaun no luiliu asegura safe and security primeiru bá aviaun ne’e rasik no mós pasajeiru sira ne’ebé halo movimentu uza transporte aero sira tenke sente seguru.

Liga ho asuntu konektividade aero, Governu ein-prinsípiu karik iha inisiativa ruma husi setór privadu nasionál balun ne’ebé hakarak investe ne’e hatudu inisiativa konstrutivu no Governu nia papél mak oinsá promove, no fasilita administrativu di’ak sira ne’e no kontinua fasilita sira ho regra aviasaun sivíl nian, tamba Timor Leste hanesan nasaun membru bá Organizasaun Internasionál Aviasaun Sivíl  (ICAO, sigla Ingles). Ho nune’e, kada tinan ka to’o nia tempu Timor-Leste sempre ba tuir konferénsia nivel internasionál ICAO nian, no regra sira ne’e iha para bele fasilita ita nia maluk sira ne’ebé maka atu investe iha setór aviasaun sivíl.

“Governu fó bemvindu bá inisiativa di’ak hosi setór privadu nasionál sira, no Governu prontu fasilita sira ho regra ne’ebé mak iha, no bainhira kuandu sira prienxe rekizitu hotu, hanesan rekizitu tékniku no mos legál sira iha direitu tomak. Ha’u subliña deit katak investimentu iha setór aero la’ós buat ki’ik no risku boot tebes tamba ne’e setór privadu nasional sira ne’ebé iha inisiativa tetu didi’ak liga ho rekursu umanu, finanseirus no mos tékniku inklui ho fasilidade ne’ebé iha atu bele fasilita, ” Ministru José Agostinho da Silva hateten.

Iha nia mandatu dezde inisiu bainhira asume responsabilidade hanesan Ministru MTK, José Agostinho da Silva, halo ona reuniaun beibeik ho maluk sira ne’ebé halo atividade iha aviasaun sivíl nian, hodi husu sira atu tau ideia hamutuk hodi hanoin atu oinsá Timor-Leste bele iha aviaun rasik ne’ebé uza símbolu nasional RDTL hanesan Bandeira Timor Leste no emprezáriu timoroan sira reuni dunik no halo ona aprezentasaun tékniku beibeik maske seidauk konsege tuir prosesu balun.

Ohin loron sira iha kompromisu no vontade oinsá mak atu investe nune’e Governu husu atu emprezáriu sira ne’ebé iha vontade atu investe tenke entrega sira nia pedidu investimentu atu tékniku sira haree no halo análize hodi hein ba faze konkretizasaun binhira prienxe ona rekizitu no sai orgullu bá Estadu Timor-Leste tamba bele iha rasik ona aviaun.

Advertisement

“Uainhira hahú difisil maibé nafatin iha korajen atu hakat bá oin, Governu nafatin iha papél atu tulun ho regra ne’ebé iha hodi fasilita inisiativa di’ak sira ne’ebé hakarak Timor-Leste iha aviaun rasik atu ho fasilmente bele fasilita konektividade aero no bele kontribui reseita bá kofre Estadu,”  José Agostinho da Silva hateten.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Timor-Leste Sei Organiza Festivál Internasionál Foka bá Promosaun Arte-Kultura, Turizmu, Siénsia no Teknolojia

Published

on

Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

(more…)

Kontinua Le'e

Ekonomia

Ezekuta Projetu ho Kustu US$21,228,762, Empreza La Harii Basecamp no Laiha Ekipamentu

Published

on

Hatutan.com, (16 Fevereiru 2024), Díli- Prezidente Komisaun E Parlamentu Nasionál bá asuntu Infraestrutura, Marcos Xavier, kestiona empreza internasionál Hutama Karya (Persero) Indonézia ne’ebé manan projetu  Estrada urbana iha Maliana ho kustu US$21,228,762,  maibé laiha basecamp no laiha ekipamentu.

(more…)

Kontinua Le'e

Ekonomia

Sentru Lojístika Nasionál iha Dívida US$500,000

Published

on

Hatuta.com, ( 16 Fevereiru 2024), Díli—Sentru  Lojístika Nasionál (CLN, sigla portugés) daudaun ne’e iha hela dívida US$500,000.00 bá kompañia sira ne’ebé  Governu kontrata hodi fornese produtu lokál mai armazén CLN.  

(more…)

Kontinua Le'e
Advertisement

Trending