Nasionál
DNMG Apela Bá Komunidade Atu “Atensaun Bá Udan-Boot”
Hatutan.com, (22 Novembru 2022), Díli–Diresaun Nasionál Meteorolojia no Jeofizika (DNMG, sigla portugés) apela bá komunidade hotu atu “toma atensaun bá udan-boot” tamba tuir previzaun ne’ebé DNMG halo bá semana ne’e nia laran, hahú hosi loron 22 to’o loron 28 fulan-Novembru 2022 hatudu katak iha teritoriu laran hotu sei kontinua experimenta udan ho intensidade fraku-forte liu prinsipalmente iha rejiaun foho sira.
Lee Mós : Vítima Inundasaun Iha Hera Ezíje Governu Harii Bairru Foun
Inundasaun iha loron 04 fulan-Abrík 2021. Foto/dok. Hatutan.com
Sita hosi komunikadu imprensa DNMG, katak bazeia bá Automatic Weather Station (AWS) ne’ebé estabelese iha munisípiu balun, liuliu iha Díli laran no observa mós hosi dadus Modelu Global sira hatudu katak durante fulan-Outubru to’o ohin loron maioria munisípiu simu udan-boot ho nia volume total akumuladu aproximamente 200 mm/mes liuliu iha rejiaun foho sira, enkuantu unidade rai mós bokon hela de’it (>50%), ne’ebé hatudu parte balun, rai-ne’e la bele simu ona bee enkuantu udan-been monu, katak unidade rai-ne’e saturada ona nune’e bainhira udan-been monu bá rai nia espalla kedas ba fatin-fatin nune’e provoka bee sa’e ka inundasaun iha fatin-fatin prinsipalmente iha rai tetuk sira.
DNMG apela bá komunidade hotu-hotu atu “toma tensaun bá udan-boot” tanba tuir previzaun ne’ebé DNMG halo bá semana ne’e nia laran, hahú loron 22 to’o loron 28 fulan-Novembru 2022, hatudu katak iha territóriu Timor laran hotu sei kontínua exprimenta udan ho intensidade fraku-forte liu prinsiplamente iha rejiaun foho sira. Tanba ne’e, husu bá komunidade hotu-hotu atu tau atensaun bá eventuál ne’e, nafatin hadook an hosi fatin risku sira nune’e evita hosi dezastre ne’ebé la espera.
DNMG fó hanoin mós katak karik kazu emerjénsia ruma ka karik presiza halo evakuasaun, mantein kalma, evita pániku no halo tuir de’it orientasaun autoridade lokál ka pesoál Protesaun Sivíl ne’ebé besik.
DNMG mós husu atu akompaña informasaun bá kondisaun Tempu no Klima hosi fontes ne’ebé konfiavel no kredivel no instituisaun sira ne’ebé servisu iha ramu redusaun risku dezastre nian.
Jornalista : Luciana Verdiál
Nasionál
HABADA Husu MP Nia Seriedade Posesa Autór Sira Ne’ebé Presta Ona Deklarasaun Kona-bá Fasilita Jet Privadu Aterra iha IPNL
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
