Nasionál
Ramos-Horta “Gaba” Feto Ataúro Manán Iha Kurrida Bero
Hatutan.com, (22 Novembru 2022), Ataúro—Prezidente Repúblika (PR), José Ramos-Horta orgullu no “gaba” bainhira haree grupu feto sira hosi munisípiu Ataúro tuir kompetisaun kurrida Bero iha festivál Múzika no Kultura to’o sai kampiaun.
Koordenadora grupu Kokopata hosi suku Bikeli, Adelina G. Soares ne’ebé partisipa iha kompetisaun Kurrida Bero iha Festival Muzika Kultura tinan 2022. Foto/Vito Salvadór.
“Ha’u kontente iha grupu feto barak mak partisipa no kompete iha kurrida Bero no barak mak manán. Ne’e hatudu katak feto sira nia luta no sakrifísiu,” Ramos-Horta hateten Iha Villa Maumeta, Tersa (22/11/2022).
Lee Mós: Governu Tau Millaun $13 Dezenvolve Atauro
Tuir Xefe Estadu nia haree katak, feto barak mak badinas, feto mak servisu, feto servisu iha uma, matenek liu iha eskola.
Alende ne’e, feto kakutak mamar liu mane iha mundu nune’e ezemplu iha fakuldade medisina feto barak liu mane, iha matemátika feto domina no ne’e hatudu katak kursu ne’ebé difisil liu feto mak barak liu. Ne’e dunik sempre apoia labarik feto, no inan sira.
“Partisipasaun feto munisípiu Ataúro iha kompetisaun ne’e hatudu katak sira halo esforsu barak. Tanba ne’e komprende sira nia luta, sira nia sakrifísiu, ha’u sempre buka apoia sira,” Xefe Estadu subliña.
Iha fatin hanesan Koordenadór grupu hosi suku Bikeli, Arão Mateus Barbosa konsidera eventu ne’e foin bá dala uluk mak akontese iha rai Ataúro.
Iha ronda dahuluk sira nia grupu hetan hetan kedan primeiru lugár, segunda ronda nafatin primeiru lugar to’o ronde ikus liu nafatin primeiru lugár nune’e sai kampiaun ba kurrida bero mane iha festivál Múzika no Kultura Ataúro tinan 2022.
“To’o rezultadu finál ami sai duni kampiaun ho osan $800 no rezultadu ida ne’e ami hetan la to’o oras ida,” Arão Mateus Barbosa hateten.
Nia membru grupu kompostu hosi ema na’in-hitu ne’ebé maioria mane no iha esperiénsia peska no iha abilidade oinsa atu bele manan iha kompetisaun ne’e.
Nune’e mós koordenadora grupu Kokopata hosi suku Bikeli, Adelina G. Soares sente kontente ho eventu kurrida Bero ne’e, tanba bele mós fó oportunidade ba feto sira atu kompete.
Sira nia grupu kompostu hosi ema na’in-tolu ne’ebé halo esforsu hamutuk atu oinsa to’o duni liña finál.
“Ha’u hosi suku Bikeli Kokopata. Se stividade ne’e tinan oin nafatin akontese iha munisípiu Ataúro ha’u prontu nafatin compete,” Adelina G. Soares hateten.
Grupu feto ida ne’e sai kampiaun Kintu lugar, no promete sei partisipa nafatin iha kompetisaun sira seluk bainhira Governu realiza kompetisaun nasional.
Jornalista: Vito Salvadór
Nasionál
HABADA Husu MP Nia Seriedade Posesa Autór Sira Ne’ebé Presta Ona Deklarasaun Kona-bá Fasilita Jet Privadu Aterra iha IPNL
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
