Defeza & Seguransa
Falur Nomeia Majór Francisco da Silva bá Xefe Kaza Militár
Hatutan.com, (24 Novembru 2022), Díli—Xefe Estadu Maiór FALINTIL-Forsa Defeza Timor-Leste (F-FDTL), Tenente Jenerál Domingos Raúl “Falur Rate Laek”, deside hodi nomeia ona Majór Francisco da Silva bá Xefe Kaza Militár iha Prezidénsia Repúblika durante tinan lima.
Majór Francisco da Silva atuál Xefe Kaza Militár Prezidénsia Repúblika bainhira akompaña vizita Prezidente Repúblika, Jose Ramos-Horta ba Portugál. Foto/Média PR.
“Mantein ona ho ida ne’e. Foin daudaun, Sexta ha’u la bá, mais vise bá hasoru, hetan konkluzaun katak, Major Sico mak mantein,” Falur Rate Laek hateten hateten iha Kuartél Jenerál Fatuhada, Dili, Kinta (24/11/2022).
Lee Mós: Nomeasaun Xefe Kaza Militar Foun Hein Konkordánsia Prezidente Repúblika
Desizaun ida-ne’e, tanba Prezidente Repúblika (PR), José Ramos-Horta rasik mak husu katak, atuál xefe kaza militár interinu mak lidera nafatin pozisaun ida-ne’e.
“Desizaun mak ne’e ona, Prezidente nia hakarak mak ida ne’e ona. Ha’u deside ona ida-ne’e. Horibainhira, ha’u hakerek ona surat ofisiál ida bá ona,” Falur Rate Laek, informa.
Kona-bá Major Francisco da Silva ninia deviza, Jenerál fitun-tolu ne’e dehan, ida ne’e laiha problema, tanba sei iha regra atu promove bá graduasaun.
Majór Francisco da Silva atuál Xefe Kaza Militár Prezidénsia Repúblika bainhira akompaña vizita Prezidente Repúblika, Jose Ramos-Horta ba Portugál. Foto/Média PR.
Tuir loloos, Ofisial Superior sira ne’ebé ho deviza Koronel mak bele asume kna’ar nu’udár Xefe Kaza Militár iha Palásiu Prezidensiál. Maibé, tanba kondisaun F-FDTL nian oras ne’e, sira ne’ebé ho deviza Coronel, númeru sei limitadu.
“Agora ne’e ita nia kondisoins hanesan ne’e, la to’o ne’e, ita nia Koronel la to’o atu halo ona ida ne’e. Ne’ebé husik ona nia iha ne’ebá. Sei halo graduasaun, mais regra ida iha, rekezitu ida iha, nia kumpri tiha hanesan formasaun ne’e to’o tinan ida resin mak foin bele halo graduasaun,” Xefe Estadu Maiór F-FDTL hateten tán.
Molok ne’e, Koronel Renilde Corte Real Guterres e Silva, mak asume kna’ar nu’udár Xefe Kaza Militár durante fulan balun.
Jornalista: Rogério Pereira Cárceres
Defeza & Seguransa
Komisaun Revizaun Rekrutamentu PNTL Identifika Polísia Nia Oan 71 ho Jerasaun Patriota Na’in-72 Tama iha Lista Rekrutamentu
Funu Médiu Oriente, MCI Inisia Diálogu ho Importadór Sira Kria Kondisaun
Governu Sei Haruka Dokumentu Legál ba PGR Hodi Hahú Halo Investigasaun Ba Ró Haksolok-Aviaun Twin Otter
PM Xanana Garante Kombustível La Falta Ba Povu
Governu Arkiva Rekrutamentu PNTL 2025 no Orienta Loke Prosesu Foun
PDHJ Rekomenda Ba PN Ratifika Protokolu Fakultativu Ba Konvensaun Kontra Tortura
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoKomisaun Revizaun Rekrutamentu PNTL Identifika Polísia Nia Oan 71 ho Jerasaun Patriota Na’in-72 Tama iha Lista Rekrutamentu
-
Defeza & Seguransa1 week agoKazu Overstay WNI Ne’ebé Virál, Pesoál Migrasaun Olivio Pinto La Viola Lei
-
Polítika1 week agoParlamentu Nasionál Propoin Governu Kontrola Presu Kombustível iha Merkadu
-
Saúde1 week agoFiskalizasaun Komisaun F Deskobre 32% Ai-Moruk Stock Out iha INFPM
-
Justisa & Krime1 week agoJSMP Husu PCIC-MP Labele Nonok ho Kazu Fujitivu Kulumban Mali
-
Dili1 week agoPNTL Asegura Ona JRO Ne’ebé Abandona Bebe iha HNGV
-
Dili1 week agoPNTL Identifika Ona Suspeita Ne’ebé Abandona Bebe iha HNGV
-
Dili1 day agoManifestasaun Hasoru Ministru Interiór Rezulta Na’in-hitu Kanek