crossorigin="anonymous">
Connect with us
Pakote Ahi

Ekonomia

Subsídiu “Fim do Ano”, CAC ho PDHJ Preokupa Númeru Uma-Kain Boot Tebes

Published

on

Hatutan.com, (30 Novembru  2022), Díli- Comissão Anti Corrupção (CAC), no Provedór  Direitu Umanu no Justisa (PDHJ) preokupa ho númeru uma-kain ne’ebé boot tebes atu simu subsídiu “fim do ano” iha fulan-Dezembru 2022.

Lee Mós : Subsídiu “Fim do Ano” Atribui Bá Ema ho Rendimentu Ki’ik no Vulneravel La’ós Universál

CAC ho PDHJ halo sosializasaun kona-bá subisidu uma-kain “fim do ano” iha Suku Camea ho Becora, Díli, Kuarta (30/11/2022). Foto/Elio dos Sanyos da Costa

Dadus uma-kain ne’ebé mai hosi suku sira, aldeia sira no Ministériu Administrasaun Estatál ne’e jerál no bele mos iha poténsia mosu família foun ne’ebé inventadu ka bele mosu sira balun ne’ebé simu iha Díli depois bele bá simu fali iha munisípiu ka fatin seluk no arranju sira seluk ne’ebé bele mosu.

Ho risku sira-ne’e, Kuarta (30/11/2022), CAC ho PDHJ hahú halo sosializasaun bá autoridade lokal sira iha Munisípiu Díli kona-bá subsídiu universál “fim do ano tuir dekretu lei númeru 81/2022, atu autoridade lokal sira hatene no bele mós kontrola bá sidadaun sira ne’ebé merese atu simu subsídiu  ne’e.

Advertisement
Monta Publisidade

Adjuntu Komisáriu CAC, Luís Sampaio hateten, CAC ho PDHJ hola inisiativa hodi halo sosializasaun bá autoridade lokal sira relasiona ho subsídiu uma-kain tamba polítika governu nian kona-bá subsídiu anual ne’ebé sei fahe iha “fim do ano 2022.

CAC ho PDHJ preokupa hela ho dadus uma-kain ne’ebé númeru boot tebe-tebes tamba konsellu Ministru aplika dadus uma-kain ne’ebé aplika universalmente katak ema hotu-hotu hetan enkuantu dekretu lei númeru 81/2022 ne’ebé prezidente repúblika akonsella governu atu halo  ajustamentu ka alterasaun ne’e hodi fó énfaze bá grupu rua mak bá familia sira ne’ebé vulneravel no la iha rendimentu no ida seluk ba ema sira ne’ebé servisu iha setór privadu no administrasaun públiku maibé nia saláriu menus husi $500. Ba sira ka família sira ne’ebé saláriu liuhosi $500 sei laiha direitu ba subsídiu “fim do ano”.

“CAC ho PDHJ mai hasoru autoridade sira hanesan Xefe Suku, akonsella sira no halo énfaze katak lei ko’alia de’it bá elementu rua; ida mak sira ne’ebé la servisu iha administrasaun públiku ka setór sira seluk ne’ebé ho rendimentu regular no ida seluk mak bá sira ne’ebé iha rendimentu regular maibé menus husi $500,” adjuntu Komisáriu CAC, Luís Sampaio, esplika  bá jornalista sira hafoin halo sosializasaun bá autoridade lokal  Suku Becora no Camea iha sede suku Becora, Díli.

Haree bá esperiénsia sira ne’ebé antes ne’e iha, CAC ho PDHJ  hahú hanoin atu halo medida preventiva sira atu Estadu labele lakon osan barak ho halo irresponsavel sira.

CAC rasik iha ona dadus bá funsionáriu sira ne’ebé nia saláriu liu $500 liuhosi sistema Pay Role maske sei jerál no la indika ida-idak maibé CAC garante ho dadus sira ne’ebé iha bele tulun servisu CAC no PDHJ nian atu bele halo kontrolu ida di’ak.

Advertisement
Monta Publisidade

Hafoin pagamentu subsídiu “fim do ano” ne’e,  CAC no PDHJ sei foti dadus sira ne’ebé iha husi Ministériu Solidariedade Sosiál no Inkluzaun (MSSI)  atu halo verifikasaun ho Pay Role ne’ebé iha hodi hatene lolos benefisiáriu ne’ebé merese bá subsídiu “fim do ano.

CAC ho PDHJ halo sosializasaun kona-bá subisidu uma-kain “fim do ano” iha Suku Camea ho Becora, Díli, Kuarta (30/11/2022). Foto/Elio dos Sanyos da Costa

Bá Munisípiu sira CAC ho PDHJ halo ona komunikasaun ho diretór nasional bá dadus uma-kain hosi ministériu relevante sira atu sirkulár ne’ebé CAC no PDHJ hasai bele distribui bá iha munisípiu hotu no hein katak ho prezensa mídia sira nian mós bele kontribui atu públiku bele hatene di’ak informasaun sira kona-bá subsídiu anual ne’ebé sei fahe iha “fim do ano” 2022.

Xefe Suku Camea Matos de Jesus hateten informasaun dahuluk ne’ebé simu hosi parte MSSI katak subsídiu ne’e universal tamba ne’e dadus ne’ebé submete ba mós jerál, maibé hafoin Prezidente Repúblika husu atu Governu halo alterasaun hodi fó de’it bá ema sira ne’ebé vulneravel no rendimentu menus husi $500 tamba ne’e iha mudansa bá dadus no hein katak komunidade sira sei iha konsiénsia rasik atu prienxe deklarasaun ne’ebé iha molok simu sira-nia direitu.

“Ami iha ona informasaun kona-ba benefisiáriu sira ne’ebé iha direitu ba subsídiu “fim do ano” no sira sei prienxe deklarasaun ida atu halo justifikasaun katak sira merese duni no ida ne’e sira sei halo ho konsiénsia rasik,” Matos de Jesus hateten.

Dadus uma kain ne’ebé suku Camea iha hamutuk 13,200 xefe família no ida-ne’e dadus uma-kain ne’ebé jerál maibé iha obrigasaun hanesan autoridade atu halo esplikasaun tuir saida mak lei dehan hodi garante atu subsídiu ne’e la’o loos.

Iha fatin seluk, Xefe suku Becora, António da Silva Soares hanesan autoridade lokal agradese bá CAC no PDHJ ne’ebé ohin mai halo sosializasaun kona-bá sidadaun sira ne’ebé merese atu hetan subsídiu uma-kain tuir Lei Númeru  81/2022, tamba ne’e hanesan autoridade lokal sei hatutan bá iha komunidade sira atu bele hatene.

Advertisement
Monta Publisidade

“Soalizasaun ne’e diak ba xefe suku no konsellu suku tomak para atu haree subsídiu ne’e tuir nia fatin, tamba ne’e sesta mai ne’e sei reuniaun ho xefe aldeia no konsellu suku tomak hodi bele bá aviza bá komunidade sira atu sira bele hatene ,” António da Silva Soares hateten.

Autoridade lokal ne’e mos husu atu nia komunidade sira ne’ebé ho saláriu boot liu $500 labele simu no ida ne’e kontribui ona ba kombate korrupsaun iha Timor-Leste.

Populasaun suku Becora hamutuk 22,000liu no fixa família ne’ebé suku submete atu hetan subsídiu “fim do ano” hamutuk 4,000 liu.

Jornalista: Vito Salvadór

Advertisement
Monta Publisidade
Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Governu Ezekuta Ona OJE 2023 Millaun $40 Inklui Viajen Lokál-Estranjeiru

Published

on

Hatutan.com, (30 Janeiru 2023), Díli—Governu ezekuta ona Orsamentu Jerál Estadu (OJE) tinan 2023 iha fulan Janeiru hamutuk millaun $40.

(more…)

Kontinua Le'e

Ekonomia

Impostu Seletivu Hodi Hasa’e Folin Masin-midár Lori Impaktu Negativu bá Indústria Ki’ik Sira

Published

on

Hatutan.com, (26 Janeiru 2023), Dili-Asociação Tane Consumidor konsidera impostu seletivu ne’ebé aplika hosi Ministériu Finansas (MF) hodi hasa’e folin masin-midár, fó impaktu ‘negativu’ maka’as liu bá indústria ki’ik sira.

(more…)

Kontinua Le'e

Ekonomia

KM Autoriza Ministru Rui Gomes Asina Akordu Subvensaun Públiku Millaun $37,5 Hosi JICA ba Projetu Aeroportu Comoro

Published

on

Hatutan.com, (25 Janeiru 2023), Díli—Konsellu Ministru (KM) liu hosi reuniaun iha Kuarta (25/01/2023) iha Palásiu Governu, autoriza Ministru Finansas, Rui Gomes hodi reprezenta Governu Timor-Leste asina Akordu Kontribuisaun Finanseira (Grant) ho montante millaun $37,5 hosi Ajénsia Kooperasaun Internasionál Japaun (JICA, sigla Inglés).

(more…)

Kontinua Le'e

Trending