Hatutan.com, (15 Dezembru 2022), Díli—Prezidente Repúblika (PR), José Ramos-Horta promulga ona proposta saláriu désimu-terseiru ba Funsionáriu no ajente administarasaun públiku sira.

Prezidente Repúblika, José Ramos-Horta. Foto/Elio dos Santos da Costa

Ramos-Horta hateten saláriu désimu-terseiru mess ne’ebé nia promulga ona, primeiru bá funsionáriu  hotu-hotu hetan direitu hanesan uluk.

Lee Mós:Konsellu Ministru Deside Saláriu Désimu-Terseiru Universál

Kona-bá saláriu désimu-terseiro mes ba asesór sira ne’e bele simu maibé masimu de’it hanesan vensimentu Diretór Jerál nian.

“Saláriu 13 mós ha’u promulga tiha ona, primeiru ba funsionáriu sira ne’ebé iha direitu hanesan uluk. Asesór sira simu, maibé só másimu vensimentu Diretór Jerál nian. Se asesór manán $5000 nia sei simu deit  $1000 ka bele menus hosi ne’e,” Ramos-Horta hateten iha Palásiu Prezidensiál Nicolau Lobato Bairru-Pité, Kinta (15/12/2022).

Xefe Estadu mós konsulta ho partidu polítiku sira, konsulta ho Kay Rala Xanana Gusmão atu haree tanba Covid-19, situasaun funu Ukráina entre Rúsia fó ona ajuda ba ki’ak sira la’ós agora de’it maibé desde tinan 2020 to’o agora sempre buka ajuda, no agora folin sasán karun nune’e buka ajuda ki’ak sira ne’ebé ho vensimentu menus $500, tinan lubuk hira nia laran sempre fó saláriu 13.

Jornalista: Vito Salvadór