Hatutan.com, (28 Dezembru 2022), Díli—Pároku Parókia Nossa Señora Imaculada da Conceição, Katedrál, Díli, Mgr. José António da Costa, remata ona peregrinasaun iha mundu (mate) iha Hospital Nasional Guido Valadares (HNGV) iha Kuarta (28/12/2022) tuku 02:00 madrugada.

Mgr. José António da Costa. Foto/Espesial.

Mgr. José António da Costa hakotu-iis hafoin hala’o tratamentu intensivu iha sala Unidade Cuidado Intensivo (ICU, sigla Ingles) HNGV, Díli.

Lee Mós: Breaking News: Mgr. José António Baixa Hela iha ICU

Nia baixa ka tama iha HNGV iha loron 23 fulan-Dezembru, no bazeia bá informasaun hosi família katak, durante semana ida ona iha uma, nia la han, la hemu. Nune’e, bainhira família sira lori to’o iha emerjénsia ho kondisaun ida ne’ebé koma.

Padre ne’e sofre moras ran-midár no tensaun ne’ebé ho durasaun tempu kleur ona. Ho moras ne’ebé nia sofre konsege halo intervensaun iha rai-li’ur dala-barak ona, no komplikadu liu tán iha loron 23 fulan-Dezembru, hodi lori bá to’o iha ICU to’o hakotu iis.

Mgr. José António da Costa mate ho idade 82  no tempu barak liu serbí Uma-Kreda Timor Leste iha Parókia Nossa Señora Imaculada da Conceição, Katedrál, Díli.

Oras ne’e daudaun mate-isin Mgr. José António da Costa iha ona Katedrál, Díli.

Tuir planu, Vigáriu Jerál Arkedioseze ne’e sei haloot iha Sesta (30/12/2022) iha Semitáeriu Padre Diosezanu sira nian iha Maloa-Ailok laran, Díli iha tuku 12:30 otl.

Mgr. José António da Costa moris iha Fatuk Belak, Suco Fatuk Kahi, Postu Administrativu Fatuberliu, Munisípiu Same, 4 Maiu 1940 no oan hosi António da Costa (Falecido) ho Etelvina da Costa (Falecida).

Ninia maun alin sira mak hanesan

1. Maria da Costa (matebian)
2. Carlos da Costa (matebian)
3. Deolinda da Costa (matebian)
4. Ivónia da Costa (matebian)
5. Domingos da Costa (matebian)
6. Olimpida da Costa (matebian)
7. Monsenhor José António da Costa (matebian resentemente)
8. Ana da Costa (matebian)
9. Filomena da Costa (matebian)

10.Aurelia da Costa

11.Luis da Costa

Maun alin hosi segundu matrimóniu senhor António da Costa ho dona Alcina Hornai Pereira mak hanesan

12.Terezinha Amaral (matebian)

13.Alcino Sarmento da Costa (matebian) \

14.Domingos Sarmento da Costa (matebian)

15.Alzira Sarmento da Costa (matebian)

16.Francisco Borja da Costa (matebian)

17.Jacinto da Costa.

Mgr. José António da Cotsa ninia abilitação Literária hahú Ensinu Primáriu (6 anos de Escolaridade) iha Soibada (1949-1955).

Ensinu Secundário ka equiparade, Seminário Menor, iha Dare (1955-1960), Seminário Maior, Curso Filosófico, iha Dare no Macau (1960-1963); Curso Teológico, iha Macau (1963-1967).

Ninia Estudus Superiores, Licenciadu iha Direito Canónico hosi Universidade Gregoriano, Roma (1971-1973). Ordenasaun Presbiterál nian, iha Fátima, Portugal (1967).

Ninia Ministériu Pastorais: maka hanesan

1. Vigário Cooperadora, iha Bobonaro (1968)
2. Pároco Sé Catedral, iha Dili (1993 to’o iis kotu)

Ninia Servisu Ekleziástiku sira:

1. Professor iha Seminário Menor, Dare (1970-1973)
2. Chanceler Câmara Eclesiástica/Curia Diocese Dili (1974-1993)
3. Procurador Geral/Ecónomo da Diocese de Dili (1975)
4. Diretor Secretariado Escolas Católicas (1983-1985)
5. Vigário Geral Diocese Dili (1993-2003)
6. Vigário Geral Arquidiocese Dili (2016 to’o iis kotu)

Servisu la’os Eclesiásticos sira, Durante administrasaun Indonézia hanesan Xefe Serbisu Edukasaun Timor-Ensinu Primáriu. Xefe Kruz Vermelha Indonézia iha Timor, Koordenadór Organizações não-Govermentais Timorenses iha Timor. Durante governo UNTAET hanesan Membru Conselho Consultivo Nacional (CCN).

Jornalista: Rogério Pereira Cárceres