Desportu
Iha Ona Konkluzaun Finál bá Realizasaun Liga Timorense Époka 2022-2023
Hatutan.com, (27 Janeiru 2023), Díli—Federasaun Futeból Timor-Leste (FFTL) hamutuk ho Órgaun Liga Futeból Timor-Leste (LFTL) no Sekretáriu Estadu Juventude no Desportu (SEJD) realiza enkontru triparti hodi halo konfirmasaun kona-bá realizasaun Liga Timorense époka 2022-2023.
Enkontru entre Federasaun Futebol Timor-Leste (FFTL) ho Órgaun Liga Futeból Timor-Leste (LFTL) no Sekretáriu Estadu Juventude no Desportu (SEJD), Sesta (27/01/2023).
Tuir planu, Liga Timorense époka 2022-2023 sei realiza iha Fevereiru no kalendáriu ba jogu sira primeira divizaun sei realiza iha 17 Fevereiru, enkuantu realizasaun ba jogu segunda divizaun sei hahú kick off iha 24 fevereiru 2023.
Lee Mós: LFTL ho Klube Primeira-Segunda Divizaun Konkorda Realiza Liga Timorense Époka 2022-2023
Adjuntu Sekretáriu Jerál FFTL, Frederico Martins hateten, enkontru triparti ne’ebé SEJD, FFTL no LFTL hala’o ne’e ho objetivu atu halo konfirmasaun ka relatóriu finál kona-bá realizasaun liga Timorense époka 2022-2023.
Klubu sira ne’ebé sei kompete iha primeira no segunda divizaun Liga Timorense kuaze halo ona rejistrasaun no sira prontu ona atu kompete iha Liga tinan ne’e.
“Ami hala’o enkontru finál ba realizasaun Liga Timorense époka 2022-2023. Kona-bá prosesu administrasaun no finansas nia rezolve ona no sei halo transferênsia ba iha órgaun Liga atu bele organiza,” Frederico Martins hateten iha sede SEJD, Lecidere, Sesta (27/01/2023).
Segundu Vise-Prezidente LFTL, Octávio da Conceição hateten klubu sira hotu-hotu halo ona rejistrasaun iha LFTL no maioria klubu sira mós halo ona transferênsia ba Jogadór tantu nasionál no mós internasionál.
“Órgaun Liga prontu ona atu organiza liga no klubu sira maioria hatudu sira nia prontidaun atu compete,” Octávio da Conceição hateten.
Klubu sira ne’ebé sei kompete iha primeira divizaun mak hanesan Karketu Díli Fc, Assalam Fc, Ponta Leste Fc, Coração Fc, Emanuel Fc, Aitana Fc, Academika Fc, no AD SLB Laulara Fc.
Enkuantu klubu sira segunda divizaun mak hanesan DIT Fc, Fitun Estudante Fc, Kablaki Fc, Nagarjo Fc, Zebra Fc, As Marca Fc, Santa Cruz Fc, Lica-Lica Lemorai FC no Portu Taibessi Fc.
Totál jogu bá klubu primeira divizaun no segunda divizaun hamutuk 64 jogus ho durasaun tempu fulan tolu.
Jornalista: Vito Salvadór
Desportu
Seidauk iha Konkordánsia Ba Rai Atu Harii Estádiu Foun no Kampu Futsál Indoor ho Padraun Internasionál
Desportu
Governu Sei Buka Rai Seluk Hodi Kontinua Harii Estádiu Futeból Indoor ho Padraun Internasionál
Desportu
Ezekutivu FFTL 2026-2030 Kompromete Konsentra Servisu iha Atividade Juvinil no Dezenvolvimentu Infraestrutura
Novembru, Horta Foin Bele Deklara Nia Kandidatura Ba PR 2027-2032
Vise-PM Mariano Sabino Sei Aprezenta Lista Ema Na’in-20 Ba Xanana Atu Hili Ba Ministru Ensinu Superiór Siénsia no Kultura
UNHAS Atribui Grau Doutor Honoris Causa Ba Xanana Gusmão
TIMOR GAP Sosa Partisipasaun 10% husi Osaka Gas Austrália
APC Konfirma Predisaun Rai-Nakdoko Ne’ebé Virál Ne’e Hoax
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika1 week agoFRETILIN La Aprezenta Kandidatura Rasik Ba Eleisaun Prezidensiál 2027
-
Defeza & Seguransa1 week agoPNTL Detein Membru SNI Na’in-Rua no UPF Ida Deskonfia iha Relasaun ho Kazu Feto Ida Lakon iha Tilomar
-
Nasionál3 days agoRelatóriu Banku Mundiál 2026: Timor-Leste Rejista Taxa Ki’ak As ho Porsentu 71,7
-
Justisa & Krime5 days agoTerezinha Nia Mate iha Wetaba, Tribunál Aplika Prizaun Preventiva Ba Arguidu Membru SNI Na’in-Tolu no UPF Ida
-
Internasionál3 days agoTL-Indonézia Buka Pontu Komún Bá Akordu Justu Tuir Direitu Internasionál iha Negosiasaun Ronda Da-Haat
-
Internasionál3 days agoXanana Gusmão Hasoru Malu ho Jokowi, Han-Meiudia Hamutuk To’o Sai Dirijente Múzika Bengawan Solo
-
Internasionál4 days agoAntigu Maun-Abut Hercules, Hamoris Prabowo Nia Rede Podér Informál
-
Opiniaun3 days agoMonsenhor Martinho da Costa Lopes, Lian ba Povu Ne’ebé La Hetan Espasu atu Ko’alia