Hatutan.com, (01 Fevereiru 2023), Díli—Prezidente Repúblika (PR), José Ramos-Horta, Simu karta kredensiál hosi Embaixadór nasaun 11 ne’ebé kompostu hosi Embaxadór rezidente hamutuk rua no naunn-rezidente iha na’in sia, Kuarta (01/02/2023).
Prezidente Repúblika (PR), José Ramos-Horta, Simu karta kredensiál hosi Embaixadór nasaun 11 ne’ebé kompostu hosi Embaxadór rezidente hamutuk rua no naunn-rezidente iha na’in sia, Kuarta (01/02/2023). Foto/Média PR.
“Depois de simu kredensiál hosi Embaixadór no Embaixadóra sira, Prezidente Repúblika mós hala’o enkontru ho Ministru balun hodi partilla kona-bá assuntu seguransa, ekonomia, sósiu kulturár Timor-Leste ninian ba Embaixadór sira,” Vise-Ministru Negósiu Estranjeiru no Kooperasaun, Julião da Silva hateten iha Palásiu Prezidensiál Nicolau Lobato Bairr-Pité, Kuarta (01/02/2023).
Lee Mós: PR Simu Karta Kredensial Husi Embaixadór Brunei Darussalam ho Reinu España
Embaixadór hosi nasaun 11 ne’e, balun rezidénsia permanente no balun iha Indonézia, Austrália no país sira seluk ne’ebé mós tau-matan ba Timor-Leste.
Aban sei iha ekontru kontinuasaun ba kooperasaun bilaterál ho nasaun ida-idak, hodi hatene liu kona-bá kooperasaun entere Timor-Leste ho país sira ne’e ba oin.
Ohin iha mós Embaixadór sesante sira, iha balun ne’ebé mandatu hotu iha tinan kotuk, maibé kredensiál foin aprova tanba Prezidente Repúblika iha ajenda barak no hala’o vizita ba país lubuk liu-liu halo esforsu sira ba Timor-Leste nia adezaun ba ASEAN.
Embaixadór sira ne’ebé ohin aprezenta sira nia kredensiál mak hanesan:
Embaixadór Repúblika Koreia, Shin Mantaek (Rezidente).
Embaixadóra Cuba, Grisel Alina Aldama Innis (Rezidente).
Embaixadór Singapura, Robin Hu (Non-Rezidente).
Embaixadór Equadór, Santiago Javier Chávez-Pareja (Non-Rezidente).
Embaixadór Repúblika Dominika, Briunny Garabito Segura (Non-Rezidente).
Embaixadór Repúblika Kroasia, Nebojṧa Kahorovic, (Non-Rezidente).
Embaixadór Reinu Bélgica, Frank Leon L. Felix (Non-Rezidente).
Embaixadora Hungária, Lilla L. Karsay (Non-Rezidente).
Embaixadór Repúblika Perú, Luis Raul Tsuboyama Galvan (Non-Rezidente).
Embaixadór Finlándia, Jukka-Pekka Kaihilahti (Non-Rezidente).
Embaixadór Kosovo, Jetnira Berdynaj Shala (Non-Rezidente).
Serimónia simu kredensiál hosi Embaixadór sira ne’ebé hala’o iha palásiu Prezidensiál ne’e, simu ho moradores no parada militár iha portaun entrada.
Jornalista: Vito Salvadór