Connect with us
Pakote Ahi

Ekonomia

Marsu, Governu Lansa Fatuk Dahuluk bá Projetu Dezenvolvimentu Aeroportu Internasionál Nicolau Lobato

Published

on

Hatutan.com, (09 Fevereiru 2o23), Díli-Governu planeia ona iha ajenda katak iha fulan-Marsu tinan ne’e, hahú  organiza serimónia lansamentu primeira pedra bá projetu dezenvolvimentu Aeroportu Internasionál Prezidente Nicolau Lobato, Comoro, Díli.

Lee Mós : KM Autoriza Ministru Rui Gomes Asina Akordu Subvensaun Públiku Millaun $37,5 Hosi JICA ba Projetu Aeroportu Comoro

Iha Kinta, 09 fulan-Fevereiru 2023, Ministru Finansas (MF), Rui Augosto Gomes, konklui ona assinatura akordu finansiamentu hosi doadór sira hanesan ADB, Austrália no JICA.

Advertisement

Kondisaun atuál Aeroportu Internasionál Prezidente Nicolau Lobato, Díli. Foto/Espesiál

Komunikadu ne’ebé Hatutan.com asesu relata katak, akordu subvensaun públiku ho montante millaun $37,5 ne’ebé Ministru Rui Gomes no Xefe Reprezentante JICA iha Timor-Leste, Ito Mimpei asina, Kinta (9/2/2023),  sei uza hodi konstrui terminál pasajeirus foun, sistema abastesimentu bee-moos no sistema esgoto inklui instalasaun fasilidade apoiu iha Aeroportu Internasionál Prezidente Nicolau Lobato (AIPNL).

Ho assinatura akordu ne’e, JICA hamutuk ho ADB, Governu Austrália no Governu Timor-Leste komprometidu atu konstrui projetu infraestrutura estratéjiku refere ne’ebé aliña ho Planu Estratéjiku Dezenvolvimentu 2011-2030 ho nia prioridade boot ida mak dezenvolvimentu infraestrutura ho objetivu atu konsolida kresimentu ekonómiku no redús desigualidade.

Governu opta modalidade “hybrid PPP” ba Projetu Dezenvolvimentu AIPNL. Tambá nia natureza finansiamentu ne’ebé kompleksu tebes ne’ebé envolve fontes finansiamentu oioin hanesan subvensaun públiku, empréstimu no orsamentu kontrapartida husi Governu Timor-Leste, presiza iha liña koordenasaun servisu ne’ebé di’ak entre doadór sira no ho Governu atu evita duplikasaun esforsu, rekursus no servisus.

Bá faze primeiru ne’e rasik, Governu asegura ona finansiamentu hosi parte ADB hamutuk millaun $135; Austrália millaun $73,4; JICA millaun $37,5; no kontrapartida hosi Governu Timor-Leste liuhusi Fundu Infraestrutura ba kompontentes hotu hamutuk millaun $52. Nune’e, totál orsamentu bá faze primeiru millaun $297,9. 

Projetu dezenvolvimentu aeroportu internasionál ne’e akontese iha tempu oportunu iha momentu ne’ebé Timor-Leste atu sai membru ASEAN.

Aeroportu internasionál ne’e sei sai nu’udár porta de entrada ida bá promosaun turizmu, komérsiu, investimentu no interkámbiu kulturál no koñesimentu ba Timor-Leste. Projetu ne’e rasik tuir planu, sei remata iha tinan 2026.

Advertisement

Projetu infraestrutura estratéjiku ne’e hamutuk ho Portu Tibar no projetu instalasaun kabu submariñu fibra ótiku ne’ebé liga mai Díli hosi Darwin mak nu’udár investimentu estratéjiku iha área konektividade hodi prepara pais ne’e ba economia de serviços iha futuru. 

Reprezentante Estadu Timor-Leste ne’e mós hatutan katak ho reseita hosi petróleu no gás ba Fundu Petrolíferu ne’ebé tun ona, Ita labele lakon tempu tan maibé tenke buka ona fontes alternativa ba reseitas. Investimentu signifikativu ne’e nia objetivu mak atu diversifika fontes finansiamentu ba despesas públikas no iha tempu hanesan bele atrai mais investimentu ne’ebé nesesáriu ba trajetória kresimentu ida ne’ebé sustentável.

Akompaña Ministru Rui Gomes iha serimónia assinatura ho JICA ne’e, Ministru Justisa, Tiago Amaral Sarmento; Ministru Obras Públikas, Abel Pires da Silva; Ministru Transporte no Komunikasoins, José Agustinho da Silva; Ministru Interinu Negósius Estranjeirus no Kooperasaun, Julião da Silva no Vise-Ministru Finansas, António Freitas.

Iha loron 25 fulan-Janeiru liubá, Konsellu Ministrus liuhosi sorumutuk iha Palásiu Governu, delibera no autoriza Ministru Finansas, Rui Gomes hodi reprezenta Governu Timor-Leste asina akordu kontribuisaun finanseira ho montante millaun $37,5  hosi JICA.

Jornalista: Rogério Pereira Cárceres

Advertisement

Ekonomia

Atensaun, Moeda Falsu Sentavu 50 Sirkula Ona iha Timor

Published

on

Hatutan.com, (01 Marsu 2024), Díli – Osan   moeda falsu sentavu 50,  daudaun  ne’e, sirkula ona iha merkadu Timor-Leste, tanba ne’e, Polísia Nasional Timor-Leste (PNTL), Departamentu Investigasaun Kriminál (DIK) bolu atensaun bá públiku atu bele haree modelu osan sentavu 50 ne’e ho kuidadu.

(more…)

Kontinua Le'e

Ekonomia

Estadus Unidus Kongratula Timor-Leste Nia Adezaun bá OMK

Published

on

Hatutan.com, (27 Fevereiru 2024), Díli– Estadus Unidus ho ksolok hato’o parabéns bá Timor-Leste ninia adezaun bá Organizasaun Mundiál Komérsiu (OMK).

(more…)

Kontinua Le'e

Ekonomia

La’o Hamutuk Rejeita Adezaun TL bá OMK, Husu Governu Proteje no Promove Ekonomia Rai-Laran

Published

on

Hatutan.com, (27 Fevereiru 2024), Díli- Organizasaun Naun Govermental (ONG), La’o Hamutuk rejeita adezaun Timor-Leste ba Organizasaun Mundiál Komérsiu (OMK) no husu atu Governu hadi’a politika proteje no promove ekonomia iha rai-laran.

(more…)

Kontinua Le'e

Trending