Connect with us
Pakote Ahi

Desportu

Makikit Laulara Lidera Tabela Klasifikasaun Primeira Divizaun Hafoin Halakon Assalam FC 2-1

Published

on

Hatutan.com, (30 Marsu 2023), Díli—Klubu AD SLB Laulara ne’ebé ho naran estimadu Makikit Laulara provizoriamente lidera tabela klasifikasaun primeira divizaun époka 2022-2023 hafoin halakon Assalam FC ho skore 2-1.

Ekipa AD SLB Laulara selebra golu no provizoriamente lidera tabela klasifikasaun primeira divizaun époka 2022-2023. Foto/LFTL.

Ekipa Assalam FC iha ambisaun atu rekolla pontu tolu iha jogu kontinuasaun kontra Klubu estimadu komunidade Balibar AD SLB Laulara ne’ebé koñesidu ho naran Makikit Laulara maibé falla tamba sofre derrota.

Lee Mós: Luís Figo Marka Golu Úniku, Lori Santa Cruz FC Manan Kablaki FC 1-0

Iha minutu dahuluk bainhira árbitu Pedro Maia Carvalho huu sinal jogu hahú Assalam FC lansa kedan atake ba ekipa adversáriu no rezulta ameasa ida ne’ebé perigu no fó presaun ba AD SLB Laulara.

Advertisement

Makikit Laulara ne’ebé maioria reforsa hosi Jogadór selesaun nasionál mantein kalma no hola inisiativa kontrola kedan jogu no hamate adversáriu nia jogu, nune’e bele iha balansu iha kada liña hodi bele halo kontra atake no rezultadu pozitivu tanba Jogadór Michel Hutabarat (26) aproveita bola oportunidade ne’ebé lansa hosi kotuk hodi hatama kedas golu iha liu hosi bola kabesada iha minutu 1.

Ho golu lais ne’ebé adversáriu halo, obriga Assalam FC tenke halo esforsu atu halo impata. AD SLB Laulara kontinua mantein ho ritmu jogu ne’ebé iha, no adversáriu Assalam FC sempre tenta atu halo kontra atake liu hosi lansa bola as no sempre buka halo barullu iha AD SLB Laulara nia area grandeal maibé defeza sira sempre antesipa ho diak no lina komunikasaun entre Jogadór sira iha kada liña sempre hatudu sinal diak no halo Assalam FC sempre falla bainhira halo atake.

Ekipa AD SLB Laulara sempre halo kontra atake lais ne’ebé obriga defeza adversáriu tenke halo servisu extra atu asegura sira nia baliza hosi risku.

Kapitaun ekipa AD SLB Laulara Felipe Oliveira (24) tenke simu kartaun kinor hafoin halo falta hasoru Jogadór avansadu Assalam FC Elias Mesquita (10).

Assalam FC kontinua halo esforsu no sempre halo barullu iha AD SLB Laulara nia area grandeal. Assalam FC kontinua hetan bola oportunidade lubuk ida maibé sei falla iha finalizasaun no baliza AD SLB Laulara mos tenke halo esforsu atu salva nia rede hosi bola.

Advertisement

Tama ba minutu 39, Jogadór Assalam FC Martinho Belo (33) marka golu ida hafoin aproveita bola barullu iha area grandeal AD SLB Laulara hodi muda skor ba 1-1.

Hafoin golu ne’e, Jogadór avansadu Assalam FC Martinho Belo (33) obrigadu tenke sai ba liur tamba sofre aleiza iha ain bainhira soke malu ho baliza adversáriu.

Tama ba minutu 42 Assalam FC halo substituisaun  hodi hasai avansadu Martinho Belo (33) no hatama Hasan Costa (7). Ekipa rua mantein ho ritmu no taktika ne’ebé iha hodi halo kontra atake ba malu.

Tama ba minitu 45, arbitu rezerva Francisco Pereira hit sae kuadru minutu nian no fo sinal katak aumenta tan minutu rua no Jogadór AD SLB Laulara ne’ebé sei domina bola kontinua halo esforsu no Avansadu Zenivio Mota (7) ne’ebé iha oportunidade lori bola konsege kontrolla hk maximu liu hosi nia skill individual ne’ebé diak no konsege marka golu iha minutu 45+1 hodi lori nia ekipa AD SLB Laulara lidera ho skor 2-1.

Tama ba segunda parte ekipa Assalam FC kontinua halo esforsu no hahu halo tranjisaun ba taktika no buka oportunidade atu hatama golu maibé nafatin falla.

Advertisement

Assalam FC tenta nafatin halo amiasa ba adversáriu liu hosi kombinasaun Jogadór sira iha meiu no rezultadu hatudu Assalam FC kuaze domina bola maibé nafatin falla iha finalizasaun.

AD SLB Laulara ne’ebé lidera jogu ne’e kontinua halo jogu liu hosi ritmu ne’ebé iha, halo jogu badak no pasajen bola hosi ain ba ain atu bele iha balansu ba adversáriu nia jogu.

Tama ba minutu 60 Assalam FC kontinua halo substituisaun  hodi hasai defeza direita Husen Costa (27) no hatama Aniso Boavida (16).  

Ekipa Assalam FC mantein domina bola no sempre halo amiasa ba adversáriu no tama ba minutu 67 Jogadór AD SLB Laulara Bakayoko Ozi (2) obrigadu tenke simu kartaun kinor hafoin halo falta hasoru Jogadór avansadu Assalam FC Elias Mesquita (10).

Ekipa Assalam FC aproveita bola falta ne’e no Jogadór Hasan Costa (7) ne’ebé ezekuta falla halo golu. Tama ba minutu 72 AD SLB Laulara FC halo substituisaun  ba Jogadór Michel Hutabarat (26) ne’ebé sofre aleiza hodi hatama Alexandro Lemos (9).

Advertisement

Ekipa Assalam FC mos kontinua halo substituisaun  ba Jogadór iha minutu 76 hodi hasai Lourenço Freitas (19) no hatama Bonarudin Amin (17).

Jogadór AD SLB Laulara Zenivio Mota (7) sofre aleiza kaman iha ain no obriga treinador tenke halo substituisaun  hodi hatama Fernando de Carvalho (3) iha minutu 83.

Assalam FC liu hosi Jogadór Adikha Godwin (13) konsege lansa amiasa ida hafoin halo suta bola direita hosi lina klaran maibé baluza AD SLB Laulara sei bele halo antesipasaun ho diak hodi salva nia baliza hosi bola.

Atu hasae efetividade iha lina avansadu Assalam FC kontinua halo substituisaun  hodi hasai Feliciano da Costa (92) no hatama Rahmatullah Ghanizada (9) maibé ho substituisaun  ne’ebé iha Assalam FC kontinua lahetah oportunidade atu halo golu.

Iha minutu 90 AD SLB Laulara halo substituisaun  ba Jogadór iha lina avansadu hodi hasai Kornelis Portela (11) no hatama Marques de Carvalho (29), entertantu Jogadór Assalam FC Francisco da Costa (28) obrigado tenke simu kartaun mean direita hafoin halo falta ne’ebé perigu hasoru Jogadór meiu kampu AD SLB Laulara John Frith de Oliveira (6) iha minutu 90+1.

Advertisement

AD SLB Laulara hahu halo tranjisaun ba taktika no halo submisaun ba Jogadór prinsipal sira hodu asegura vitóri ne’ebé iha hodi hasai John Frith de Oliveira (6) ne’ebé sofre aleiza hodi hatama Tomás Sarmento (4).

To’o jogu remata laiha tan golu ruma nune’e vitóri ba AD SLB Laulara no lori ekipa Makikit Laulara lidera provizoriu tabela klarifikasaun primeira divizaun époka 2022-2023.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Desportu

Kongresu FFTL Falla, Komité Eleitorál La Prudente no Inkapasidade

Published

on

Hatutan.com, (10 Janeiru 2024), Díli- Kongresu Estraordináriu Federasaun Futeból Timor-Leste (FFTL) bá da-IX, Kuarta (10/01/2024), ne’ebé hala’o iha Otél Timor, Díli, falla tanba parte sira kongresista  konsidera Komité Eleitorál inkapasidade no la prudente iha foti  desizaun.

(more…)

Kontinua Le'e

Trending