Connect with us
Pakote Ahi

Desportu

Emanuel FC Rekolla-tán Pontu Tolu Hafoin Manán Academica FC 4-0

Published

on

Hatutan.com, (01 Abril 2023), Díli—Klubu Primeira Divizaun, Emanuel FC konsege rekolla tán pontu tolu hafoin halakon Academica FC ho skore 4-0.

Klubu Primeira Divizaun, Emanuel FC selebra golu iha jogu, Sábadu (01/04/2023) tanba konsege rekolla tán pontu tolu hafoin halakon Academica FC ho skore 4-0. Foto/LFTL.

Ho vitória ne’ebé Emanuel FC hetan halo klubu ne’e sa’e ba terseiru klasifikasaun iha tabelas provizíriu Liga Futeból Timor-Leste (LFTL) époka 2022-2023 ho pontus sia (9).

Lee Mós: Expedito da Conceição Lori As Ponta Leste Manan Porto Taibessi FC 3-0

Ekipa Emanuel FC hatudu kedan nia superioridade desde jogu hahú no buka domina kedan bola desde minutu dahuluk jogu hahú.

Advertisement

Ekipa ne’ebé maioria Jogadór selesaun nasionál sub-19 ne’e tun ho ekipa ida forte no kuaze maioria Jogadór íntimu sira jogu hotu hodi reforsa ekipa.

Iha jogu Emanuel FC hahú lansa atake ba Academica FC liu husi taktika ne’ebé iha. Academica FC koko halo balansu ba adversáriu nia jogu hodi hein bola oportunidade atu halo kontra atake.

Tama ba minutu 3, Emanuel FC hetan bola kantu ida no Jogadór João de Sousa (22) ne’ebé suta bola falta konsege lansa bola ba iha area grandeal Academica FC nian no aproveita bola barullu defeza sentra Emanuel FC Juvito Moniz (3) marka uluk golu ida ba nia ekipa hodi muda skor ba 1-0.

Hafoin golu ne’e Academica FC halo kedan kontra atake liu husi Jogadór Damianus Putra (12) maibé bola ne’ebé Jogadór ne’e lori konsege salva husi defeza adversáriu Juvito Moniz (3) ne’ebé hola inisiativa halo falta no obrigadu tenke simu kartaun kinor.

Academica FC tenta halo balansu no buka atu responde golu ne’ebé iha hodi nune’e halo jogu ne’e impata maibé sei falla. Ekipa rua mantein ho ida-idak nia jogu maibé hare katak Emanuel FC domina liu bola.

Advertisement

Jogadór Academica FC Alexandre da Cruz (10) lansa amiasa ida ba baliza adversáriu liu husi bola falta ne’ebé iha maibé oportunidade ne’e sei nafatin falla.

Jogadór Academica FC Leandro Amaral (16) simu kartaun kinor iha minutu 27 hafoin halo falta hasoru Jogadór avansadu Emanuel FC João de Sousa (22).

Iha minutu 28, Academica FC obrigadu tenke lakon nia Jogadór avansadu Hilário Ximenes (11) ne’ebé sofre aleiza no hatama fali Florindo Soares (21) atu bele asegura jogu iha liña oin no bele kontinua lansa amiasa ba adversáriu.

Jogadór Academica FC Erolismo Martins (4) simu kartaun kinor hafoin halo falta hasoru Jogadór adversáriu.

Tama ba minutu 36, Jogadór avansadu Emanuel FC Mariano Quintão (11) marka tan golu ida hodi muda skor ba 2-0.

Advertisement

Ho golu ne’e halo Academica FC kontinua joga iha presaun nia laran no iha jogu hare katak Academica FC nia Jogadór sira kuaze lakon bola iha liña klaran no kreasaun jogu lentu halo adversáriu aproveita hodi kontinua lansa kontra atake ne’ebé perigu ba baliza.

Tama ba minutu 38, Emanuel FC halo substituisaun ba nia Jogadór iha liña klaran hodi hasai Jonatas Pereira (7) no hatama Fretelino dos Santos (20) atu hadia efetividade liña klaran no bele kontinua halo jogu hodi hasae intensidade atake ba adversáriu. Too primeira parte termina ekipa Emanuel FC kontinua lidera ho skor provizoriu 2-0.

Iha seggunda parte, ekipa rua mantein ho Jogadór ne’ebé iha no kada ekipa hahú halo mudansa ba taktika no Academica FC halo tranjisaun ba Jogadór hodi hasai Joel Gaio (6) no hatama Helmerino da Costa (8) atu hadia jogu iha liña klaran nune’e bele hasae efetividade iha liña avansadu bele hetan bola no halo atake ba adversáriu.

Kapitaun ekipa Emanuel FC Zeferino Nheu (12) marka tan golu ida hodi muda eskor ba 3-0. Ho golu ne’e halo ekipa Academica FC kontinua iha presaun nia laran no Jogadór sira kontinua halo esforsu maibé falla tanba adversáriu joga disipliña no sempre halo presaun bainhira Jogadór Academica FC sira hetan bola.

Academica FC kontinua halo substituisaun hodi hasai Erolismo Martins (4) no hatama António Ximenes (13) atu bele iha mudansa ba jogu iha liña defeza no hasae intensidade iha liña klaran atu bele supplay bola ba Jogadór sira iha liña avansadu.

Advertisement

Ekipa Emanuel FC mós kontinua halo substituisaun iha minutu 75 hodi hasai Alexandre Moreira (9) no hatama Orlando Belo (21) ne’ebé ho pozisaun meiu kampu.

Jogadór Avansadu Emanuel FC Edit Savio (10) marka tan golu ida iha minutu 78 hodi muda skor ba 4-0.

Ho golu ne’e halo Emanuel FC joga ho kalma enkuantu Academica FC kontinua iha presaun tanba sofre golu haat no obrigadu tenke halo esforsu atu responde golu ne’ebé iha.

Academica FC halo substituisaun ba baliza iha minutu 82 hodi hasai Otilio Guterres (30) no hatama Jemecriz Pereira (1).

Emanuel FC kontinua halo substituisaun hodi hasai Julvito Moniz (3) no hatama Vidal Correia (5) iha minutu 85.

Advertisement

Ekipa rua kontinua halo jogu ida nakloke no kada ekipa mantein ho ritmu jogu ne’ebé mai husi treinadór.

Academica FC kontinua halo substituisaun hodi hasai Dani Ardianto (2) no hatama Filipe Ling (5). Entertantu Emanuel FC kontinua halo substituisaun hodi asegura vitória ne’ebé iha hodi hasai avansadu Mariano Quintão (11) no hatama Angelito Tilman (8).

Too jogu segunda parte termina ekipa Emanuel FC kontinua matein lidera ho skor 4-0. Ho rezultadu ne’ebé iha Emanuel FC rekolla tan pontu tolu no Academica FC obrigadu tenke fila ho liman mamuk no mantein iha setimu lugar iha tabela klarifikasaun LFTL ba primeira divizaun époka 2022-2023.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending