Connect with us
Pakote Ahi

Polítika

KHUNTO Promete Dezenvolve Kapital Umanu no Inaugura Bee-Moos iha Suku Betano

Published

on

Hatutan.com, (21 Abríl 2023), Díli– Líder Supremu Partidu Kmanek Haburas Unidade Nacional Timor Oan (P. KHUNTO),  José dos Santos “Naimori Bucar”, Prezidente partidu KHUNTO, Armanda Berta dos Santos, ne’ebé  akompaña hosi Estrutura Ezekutiva Nasionál, Sesta (21/4/2023), realiza kampaña loron daruak nian iha Kampu Futebol Munisipál  Manufahi.

Lee Mós : Abertura Kampaña KHUNTO iha Ainaro, Aprezenta Programa Prioridade Tolu

Partidu KHUNTO halo kampaña aberta iha kampu futeból Munisipál Manufahi, Sesta (21/4/2023). Foto/Espesiál

Durante simpatizante ho militante sira-nia oin, Prezidente Partidu KHUNTO, Armanda Berta dos Santos, aprezenta partidu KHUNTO nia programa prinsipál bá tinan 2023 – 2028. Programa refere mak dezenvolve kapitál umanu, hanesan oferese Bolsa-da-Mãe, Bolsu ba Jerasaun Foun, hodi prepara timor-oan nia futuru.

Komunikadu imprensa ne’ebé Hatutan.com asesu hosi pájina Facebook Partidu Kmanek Haburas Unidade Nacional Timor Oan relata katak, ho investimentu sira hanesan ne’e kontribui bá jerasaun foun sira iha kapasidade no abilidade hodi lori nasaun ne’e bá oin. 

Armanda Berta dos Santos, atuál Vise-Primeira Ministra iha Oitavu Governu Konstitusionál ne’e   fó sasin katak durante KHUNTO  hola parte iha Governu kontribui ona program oin-oin hodi hakbesik dezenvolvimentu bá povu no integra direitu Atauro-oan nian, hodi lidera rasik sira-nia Munisípiu. Munisípiu Atauro konsege sai Munisípiu iha tinan 2020.

Advertisement

Iha biban ne’ebé hanesan, iha intervensaun husi Jerasaun foun partidu KHUNTO nian, Natanael Memuzi Lai Fitu dos Santos Bucar, espresa nia haksolok bainhira KHUNTO-oan sira la hatene kolen, la hatene udan, kalan, loron, no rai-manas, hodi kontinua servisu ba KHUNTO.

Nia dehan, kontribuisaun servisu hosi KHUNTO-oan sira ne’e hodi hatutan Filozófia Partidu nian “Tane Ó Emar, Ó Lisan, Ó Rai”, atu povu sira kompriende no koiñese di’ak liu tan polítika Partidu KHUNTO nian.

KHUNTO iha tempu uluk ema dehan la barak, maibé ha’u sempre hatán, ema sei barak no barak liu tan. Ida-ne’e mak mehi Inan Prezidente Partidu no Aman Líder Supremu,”  Oan bá daruak husi Líder Supremu Naimori Bucar ho Armanda Berta ne’e afirma.

Tuir kalendáriu, KHUNTO sei kontinua hala’o Komísiu iha Munisípiu Viqueque. Komísiu iha Munisípiu Manufahi ne’e, au-mezmu-tempu, hala’o mós inaugurasaun bá Tanqui Bee Moos, iha Suku Betano, Postu Administravu Same.

Inaugura Bee-Moos iha Suku Betano

Advertisement

Líder Supremu partidu KHUNTO, José dos Santos “Naimori Bucar” ho prezidente partidu KHUNTO, Armanda Berta dos Santos, inaugura bee-moos iha Suku Betano. Foto/Espesiál

Iha loron hanesan líder Supremu  partidu KHUNTO, José dos Santos “Naimori Bucar” ho prezidente partidu KHUNTO, Armanda Berta dos Santos, akompaña husi estrutura ezekutiva nasionál no Munisípiu Manufahi, inagura tanke kanalizasaun bee-moos bá Suku Betano, Postu Administravu Same, Munisípiu Manufahi.

Iha serimónia inaugurasaun bee-moos ne’e, líder supremu, partidu HKUNTO José dos Santos “Naimori Bucar”, hateten, KHUNTO nia polítika hodi tane ninia povu, hahú kedas iha nível baze. KHUNTO identifika nesesidades bázika ne’ebé sai prioridades bá Suku sira hodi atende.

Suku Betano nia prioridade prinsipál, tuir Naimori Bucar,  mak kanalizasaun bee-moos no saneamento. Ho nune’e, KHUNTO apoiu hodi fasilita hela bá komunidade iha Suku Betano ho bee-moos atu inan-aman no labarik estudante sira bele utiliza bá sira-nia nesesidade.

Xefe Suku Betano, Filipe de Araújo lori populasaun hamutuk 7,536 iha Suku Betano hato’o agradese bá lideransa Partidu KHUNTO ne’ebé fasilita ona  kanalizasaun bee-moos no saneamentu.

Suku Betano  iha aldeia hitu ne’e, tinan barak ona la iha grupu ka organizasaun ruma ne’ebé ho laran luak, atu fasilita hodi kanaliza hela bee-moos bá komunidade sira, Maské, dalabarak komunidade sira tenki lalin bee-moos husi do’ok. 

“Ha’u lori komunidade nia naran, dala ida tan agradese bá polítika KHUNTO nian, ne’ebé prontu tane ona, ha’u ho ha’u-nia komunidade rasik,” nia hateten.

Advertisement

Suku Betano iha aldeia hitu, Bemetan, Lalika, Leorai, Loro, Raifusa, Selisahan, no Sesurai. Bazeia bá Sensu Uma-Kain 2020, Suku Betano iha populasaun hamutuk 7.536.

Komunikadu Imprensa

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Bankada FRETILIN Husu TCC ho CAC Investiga Prosesu Kontratuál Subsídiu Foos

Published

on

Hatutan.com, (18 Juñu 2024), Díli- Bankada Parlamentár FRETILIN, Tersa (18/06/2024), aprezenta sira-nia deklarasaun polítika iha plenária PN hodi husu bá Tribunál Kámara Konta (TCC, sigla portugés)  ho  Komisaun Anti Korrupsaun (CAC) atu halo auditoria no investigasaun bá programa IX Governu  fó subsídiu bá kompañia importadór foos sira.

(more…)

Kontinua Le'e

Polítika

Komisaun D Sei Vizita Armazén CLN

Published

on

Hatutan, (14 Juñu 2024), Díli– Komisaun D Parlamentu Nasionál ne’ebé trata asuntu Ekonómia no Dezemvolvimentu sei visita armazén  Sentru Nasionál Lojistiku (CLN, sigla portugés) hodi buka alternativu bá folin foos. 

(more…)

Kontinua Le'e

Polítika

CNRT ho KHUNTO husu Kandidatu Komisáriu CAC Rui Pereira Hala’o Kna’ar ho Imparsialidade

Published

on

Hatutan.com, (13 Juñu 2024), Díli– Bankada Parlamentár CNRT ho KHUNTO husu kandidatu foun komisáriu Komisaun Anti-Korrupsaun  (CAC,sigla portugés), Rui Pereira dos Santos atu hata’o kna’ar ho imparsialidade.

(more…)

Kontinua Le'e
Advertisement

Trending