Connect with us
Pakote Ahi

Ekonomia

Governu Atribui Sertifikadu Apresiasaun no Free Tax bá Empreza Aero Dili

Published

on

Hatutan.com, (04 Maiu 2023), Díli- Governu liu husi TradInvest Timor Leste atribui sertifikadu Free Tax (livre taxa) bá empreza Aero Dili no deklarasaun benefísiu no sertifikadu investimentu ida ne’e nu’udar apresiasaun bá esforsu hotu ne’ebé Aero Díli halo hodi kontribui bá dezenvolvimentu sosio ekonómiku iha Timor-Leste.

Lee Mós : Prezidente Repúblika Apresia Aviaun Aero Díli Ne’ebé Ho Bandeira TL Semo bá Mundu

Ministru MKAE, Joaquim dos Santos esntrega sertifikadu apresiasaun hosi Governu bá Lourenço de Oliveira nu’udár na’in bá empreza Aero Dili. Foto/Elio dos Santos da Costa

Reprezentante Diretór Ezekutivu TradInvest Timor-Leste, João Baptista hateten, Governu liu husi TradInvest Timor-Leste fó sertifikadu investimentu, deklarasaun benefísiu bá empreza Aero Díli, ne’ebé fó orgullu ba Timoroan tomak.

“Sertifikadu Free Tax ne’ebé  atribui bá empreza Aero Dili liuhosi prosesu ida ne’ebé kle’an, parte hotu diskute ho di’ak no ikus mai hotu-hotu iha aklamasaun ida hodi husu Ministru Koordenadór Asuntu Ekonomiku (MKAE), atu fó aprovasaun hodi atribui deklarasaun benefísiu ida-ne’e” João Baptista informa jornalista sira iha edifísiu TradInvest Timor-Leste, Kinta (04/05/2023).

Advertisement

Nia esplika  deklarasaun benefísiu no sertifikadu investimentu ne’e importante no prioridade ne’ebé Governu iha tamba iha relasaun ho turizmu, iha relasaun ho empreza Aero Dili nia kompromisu, servisu makas no konsistente iha setór aviasaun.

Na’in ba empreza Aero Díli, Lourenço de Oliveira lori Aero Dili nia naran hato’o apresiasaun profunda bá resposta pozitivu no lais hodi hamosu rezultadu ne’ebé di’ak tebes entre Aero Dili ho governu, liu-liu ho Ministériu sira komponente hanesan MKAE liu husi TradInvest, Ministériu Transporte no Telekomunikasaun (MTK), no Ministériu Turizmu Komérsiu no Indústria (MTKI).

Aero Dili hahú halo ona investimentu ho montante millaun $12 bá tinan dahuluk, no gradualmente ho demanda ne’ebé mak sei mosu ih Indústria aviasaun Timor-Leste no tinan oin Aero Dili nia projesaun investimentu sei sa’e too millaun $ 20, inklui aumentu iha aeronal foun hodi loke rute pioneira sira atu bele hatán ba nesesidade iha merkadu rejionál.

Nia afirma hanesan ho Aero Dili nia lema ne’ebé dehan Build the Nation, Aero Díli sei loke sentru treinamentu iha tinan rua ka tolu ba oin.

Governu esntrega sertifikadu apresiasaun no sertifikadu free tax bá empreza Aero Dili. Foto/Elio dos Santos da Costa

“Investimentu iha kapital umanu mak sai hanesan pilar ida importante, atu garante susesu iha indústria aviasaun. Sentru treinamentu ne’e sei loke iha Dili ho programa treinamentu ba Pilotu, Aeromosa, enjineria mekániku, no mos bá parseiru ka ajénsia Estadu sira ne’ebé presiza atu halo formasaun kontínua no ida ne’e mak kompromisu boot Aero Dili nia,” Lourenço  de Oliveira hateten.

Iha tinan oin Aero Dili sei haruka rekursu umanu Timoroan bá eskola iha área pilotu hamutuk na’in-neen (6), Aeromosa na’in-10 no Enjineria na’in-tolu (3). Timoroan sira ne’e sei bá hala’o sira-nia estudu iha  França, Estadus Unidus Amérika no mós iha Dubai.

Advertisement

Aero Dili nia mehi bá oin mak iha tinan tolu mai tan bele semo bá Europa ho total investimentu sei bele atinje too millaun $50. Tamba ne’e ho apoiu ne’ebé Governu fó hodi atribui deklarasaun de benefísiu bá Aero Dili, no Aero Dili sei hakas an atu aproveita oportunidade no fasilidade tomak ne’ebé mak Estadu oferese hodi bele konkretiza mehi hotu sai realidade.

Iha fatin hanesan, Ministru MKAE, Joaquim dos Santos  lori VIII Governu konstitusionál nia naran hato’o parabéns bá na’in  empreza Aero Dili hamutuk ho dirijente tomak ne’ebé ho esforsu realiza Timor-Leste nia mehi atu iha aviaun ne’ebé ho bandeira Timor-Leste nian.

Serimónia atribuisaun deklarasaun benefísiu ida-ne’e hanesan momentu ida importante atu fó rekoñesimentu bá Aero Díli tamba halo ona investimentu ida ne’ebé estratéjiku no importante tebe-tebes, tamba investimentu ida ne’e bele hatuur bandeira Timor-Leste nian iha investimentu aviasaun.

Nia afirma ho investimentu ne’ebé Aero Dili iha, governu iha obrigasaun atu apoiu no proteje tuir dalan legal hotu-hotu, atu suporta investidór nasionál no investimentu hotu-hotu liu-liu investimentu fíziku hanesan saida mak Aero Dili halo.

“Ita orgullu tamba iha empreza nasionál ne’ebé bele halo investimentu iha area aviasaun atu bele iha konetividade Aero ne’ebé sei lori mós benefísiu ba Timor-Leste iha setór turizmu, no sira seluk. Ita orgullu mós tamba Aero Dili investe mós iha área rekursu umanu, liu husi planu bá harii sentru treinamentu ne’e hatudu katak setór privadu sira hametin daudauk ona sira-nia an atu sai parseiru ida forte ho Governu atu bele dezenvolve ita-nia nasaun,” Ministru  Joaquim dos Santos hateten.

Advertisement

Governu bele iha programa di’ak maibé ida ne’ebé atu ezekuta mak setór privadu tamba ne’e, Ministru Joaquim dos Santos tenik, Governu iha devér atu hametin setór privadu sira liu husi dalan legál hotu ne’ebé iha.

“Deklarasaun benefísiu ne’e governu fó, Estadu fó atu empreza bele goza benefísiu fiskál no aduaneira sira ne’ebé iha tuir lei investimentu privadu no hein  katak ho apoiu ne’ebé Governu fó empreza Aero Díli bele halo nia operasaun ho susesu.” Ministru Joaquim dos Santos hateten.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Atensaun, Moeda Falsu Sentavu 50 Sirkula Ona iha Timor

Published

on

Hatutan.com, (01 Marsu 2024), Díli – Osan   moeda falsu sentavu 50,  daudaun  ne’e, sirkula ona iha merkadu Timor-Leste, tanba ne’e, Polísia Nasional Timor-Leste (PNTL), Departamentu Investigasaun Kriminál (DIK) bolu atensaun bá públiku atu bele haree modelu osan sentavu 50 ne’e ho kuidadu.

(more…)

Kontinua Le'e

Ekonomia

Estadus Unidus Kongratula Timor-Leste Nia Adezaun bá OMK

Published

on

Hatutan.com, (27 Fevereiru 2024), Díli– Estadus Unidus ho ksolok hato’o parabéns bá Timor-Leste ninia adezaun bá Organizasaun Mundiál Komérsiu (OMK).

(more…)

Kontinua Le'e

Ekonomia

La’o Hamutuk Rejeita Adezaun TL bá OMK, Husu Governu Proteje no Promove Ekonomia Rai-Laran

Published

on

Hatutan.com, (27 Fevereiru 2024), Díli- Organizasaun Naun Govermental (ONG), La’o Hamutuk rejeita adezaun Timor-Leste ba Organizasaun Mundiál Komérsiu (OMK) no husu atu Governu hadi’a politika proteje no promove ekonomia iha rai-laran.

(more…)

Kontinua Le'e

Trending