Connect with us
Pakote Ahi

Internasionál

Xanana-Koa Kim Hourn Diskute Estatutu TL Nu’udár Observadór ASEAN

Published

on

Hatutan.com, (05 Maiu 2023), Díli—Lider Istóriku, Kay Rala Xanana Gusmão hala’o enkontru ho Sekretáriu Jerál Association of Southeast Asian  Nations (ASEAN) Koa Kim Hourn, hodi diskute kona-bá estatutu  Timor-Leste (TL) nu’udár observadór ASEAN.

Kay Rala Xanana Gusmão hala’o enkontru ho Seketáriu Jerál Association of Southeast Asian Nations (ASEAN)Dr, Koa Kim Hourn hodi diskute estatutu Timor Leste (TL) nu’udár observadór ASEAN, iha salaun enkontru, Otél Sofitel Phnom Penh Phokeetra, Sesta (05/04/2023). Imajen/Espesiál.

Enkontru ne’e akompaña direta hosi Embaixadór Timor-Leste ba Kambódia, Hermenegildo Lopez ‘Kupa’ no Embaixadór Roberto Soares iha salaun enkontru, Otél Sofitel Phnom Penh Phokeetra, Sesta (05/05/23).

Lee Mós: ASEAN Simu Ona Submisaun TL, Ramos-Horta ho Órgaun Soberania Sira Prepara Pré-deklarasaun

Sekretáriu Jerál ASEAN, Koa Kim Hourn hato’o apresiasaun no ksolok tanba bele hasoru-malu ho Xanana iha ámbitu vizita mai Kambódia.

Advertisement

“Agradese tebes bele hasoru-malu ho señor Xanana Gusmão no ekipa hodi diskute kona-bá estatutu Timor-Leste nian nu’udár observadór ASEAN,” Hatutan.com sita liafuan agradesimentu Koa Kim Hourn iha komunikadu.

Líder organizasaun ASEAN manifesta ninia prontidaun reprezenta Sekretariadu ASEAN nian hodi fó apoiu no asisténsia másimu bá Timor-Leste ninia preparasaun atu sai membru ba organizasaun ne’e.

Sekretariu Jerál ASEAN mós husu bá Governu Timor-Leste atu proveita ho másimu Timor-Leste ninia estatutu nu’udár observadór atu partisipa no kontribui ba atividade no kooperasaun ho ASEAN.

“Timor-Leste ninia partisipasaun ba oin iha simeira ASEAN tinan ne’e, sei adopta roadmap ka mata dalan ba Timor-Leste ninian eventuál partisipasaun no sai membru formál iha tempu ne’ebé oportunu,” nia informa.

Kay Rala Xanana Gusmão agradese ba sorumutu ida-ne’e no disponibilidade Sekretáriu Jerál ASEAN nian hodi partilla mós progressu no dezenvolvimentu iha ASEAN ne’ebé sai hanesan asuntu prioridade ba Timor-Leste ninia prosesu dezenvolvimentu no Timor-Leste nia adezaun ba ASEAN.

Advertisement

Xanana hatuur Timor-Leste ninia kometimentu no kontinua nafatin reforsa kooperasaun ho nasaun membru ASEAN nian inklui organizasaun sira hotu.

“Ha’u agradese tebes ba komitmentu no kontinua nafatin reforsa kooperasaun Timor-Leste nian ho membru nasaun ASEAN no organizasaun sira hotu,” Xanana agradese.

Xanana ho Sekretáriu Jerál ASEAN mós troka hanoin ba malu kona-bá oportunidade ba kooperasaun iha área ekonómika, liu hosi plataforma ka mekanizmu servisu ASEAN nian ne’ebé bele fasilita investidór sira atu halo investimentu hodi kontribui ba progresu, dezenvolvimentu ekonomia no moris di’ak povu nian.

Eis Prezidente Repúblika TL ne’e mós atualiza katak, daudaun ne’e Timor-Leste hala’o hela kompaña polítika ne’ebé partisipa direta hosi partidu polítiku 17 hodi prepara ba eleisaun ne’ebé sei realiza iha loron 21 fulan Maiu tinan ne’e.

Vizita Monumentu Ba Dame

Advertisement

Pessoa Eminente g7+ Kay Rala Xanana Gusmão akompaña hosi Embaixadór Timor-Leste ba Kambódia, Hermenegildo Lopez ‘Kupa’ no Embaixadór Roberto Soares hala’o vizita ba monumentu istóriku (win-win) Kambódia, Sesta (05/04/2023). Foto/Espesiál.

Hafoin enkontru ho Sekretáriu Jerál ASEAN nian, Pessoa Eminente oragnizasaun g7+  Kay Rala Xanana Gusmão akompaña hosi Embaixadór Timor-Leste ba Kambódia, Hermenegildo Lopez ‘Kupa’ no Embaixadór Roberto Soares hala’o mós vizita ba monumentu istóriku (win-win) Kambódia.

Monumentu istóriku ne’e hahú kontrusaun iha loron 31 Dezembru 2018 no loke ofisial ba públiku nu’udár sítiu istóriku no turístiku iha loron 25 Fevereiru 2016 to’o agora.

Monumentu ne’e ho ni medida naruk ka aas metru 54 konstrui ho materiál marble concret arkiva dokumentu istóriku hotu-hotu kona-bá prossesu funu ne’ebé lidera hosi lider atuál Primeiru Ministru (PM) Kambódia hamutuk ho Jenerál ho soldadu militár sira hala’o luta to’o hetan independénsia.

Monumentu win-win ka monumentu ba dame ne’e lokaliza iha área Chroy Changvar, kuaze  kilumetru 20 hosi parte norte sidade Phnom Penh no monumentu ne’e sai nu’udár fatin istóriku ka muzeu no turizmu ba Kambódia oan sira atu apreende istória rezisténsia Kambódia nian.

Iha área jardin nian oin, harii rin bandeira nasaun membru ASEAN no iha jardin oin harii estatua lider no soldadu sira ne’ebé uluk luta hamutuk ho atuál Primeiru Ministru Kambódia, Samdach Techo Hun Sen.

Durante vizita, Xanana rona direta ekipa hala’o introdusaun kona-bá istória importante no dokumentu hirak ne’ebé sai arkivu no importante iha luta.

Advertisement

Hafoin vizita, Xanana hakerek mensajen importante hodi bolu atensaun ba nasaun Membru g7+ kompostu Afganistaun, Burundi, Repúblika Sentral Afrika, Kongo, Guiné Bissau, Haiti, Libéria, Papua Nova Guinea, Sierra Leon, Somália, São Tomé Príncipe, Ilha Solomon, Sudaun Súl, Tonho, Yemen no Timor-Leste atu haklaken nafatin dalan ba dame hodi fó sussesu ba nasaun idak-idak.

“Momentu espesiál tebes mai ha’u ne’ebé ho realistiku teb-tebes hodi kompriende kona-bá susesu ba harii dame liu hosi lia loos no inkluzaun. Nu’udár Timoroan no mós membru bá g7+ ha’u iha dever tomak atu hato’o ba nasaun post konflitu sira hotu atu halo tuir lisaun istóriku  ida-ne’e ho konfiansa, korájen no determinasaun,” Xanana hateten.

Xanana konsidera vizita ne’e importante hodi haree istória luta povu nian no lider Kambódia nian sai lisaun ba istória Timor-Leste no ba nasaun seluk.

“Agradese wa’in tebes ba oportunidade hodi simu aprezentasaun liuliu konta istória ne’ebé furak tebes kona-bá Kambódia. Ha’u sei rai metin iha ha’u nia fuan no sei transmite ba nasaun amigu sira hotu ne’ebé mós mehi hela ba harii dame nu’udar kondisaun ba sira nia futuru dezenvolvimentu umanu. Obrigadu barak, hosi ha’u nia fuan tomak, loron 05 Maiu 2023,” haktuir Xanana iha mensajen ne’ebé hakerek iha livru vizita.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

KPU Resmi Tetapkan Prabowo-Gibran Sebagai Pemenang Pilpres RI 2024

Published

on


Hatutan.com, (21 Maret 2024), Dili Calon presiden (capres) dan calon wakil presiden (cawapres) Republik Indonesia (RI) dengan nomor urut 2, Prabowo Subianto dan Gibran Rakabuming Raka ditetapkan sebagai pemenang Pemilihan Presiden (Pilpres) 2024.

(more…)

Kontinua Le'e

Internasionál

USAID Investe Millaun $15 bá Program Avansu Sistema Ai-han no Nutrisaun iha TL

Published

on

Hatutan.com, (20 Marsu 2024), Díli—Estadus Unidus liu hosi ninia Ajénsia Internasionál bá Dezenvolvimentu (USAID) investe millaun $15 bá programa Avansu Sistema Ai-han no Nutrisaun iha Timor-Leste (TL) ne’ebé sei implementa iha munisípiu haat hanesan Aileu, Ainaro, Dili no Ermera.

(more…)

Kontinua Le'e

Internasionál

Governu TL-Nova Zelándia Diskute Dezenvolvimentu Seitór Turizmu ho Kapasitasaun Rekursu Umanu

Published

on

Hatutan.com, (24 Marsu 2024), Díli—Governu Timor-Leste (TL) ho Nova Zelándia hala’o diskusaun kona-bá dezenvolvimentu seitór turizmu Timor-Leste nian no oinsá bele fó kapasitasaun rekursu umanu bá Timoroan sira iha futuru.

(more…)

Kontinua Le'e

Trending