Connect with us
Pakote Ahi

Defeza & Seguransa

Vise-Ministru Interiór Konfirma Prosesu Reforma Membru PNTL Na’in-158 Tuir Regra

Published

on

Hatutan.com, (31 Maiu 2023), Díli-Vise-Ministru Interiór (MI), António Armindo, konfirma katak, prosesu sira kona-bá reforma bá membru Polísia Nasionál Timor-Leste (PNTL) na’in-158 la’o tuir regra ka lei sira ne’ebé mak iha ona.

Lee Mós : Komisaun B PN Kestiona Prosesu Reforma Membru PNTL Na’in-158

Vise-Ministru António Armindo halo klarifikasaun ne’e hodi hatán bá Prezidente Komisaun B Parlamentu Nasionál,  José Agostinho Sequeira “Somotxo” ne’ebé kestiona kona-bá prosesu reforma bá membru PNTL sira ne’e.

Advertisement

Vise-Ministru Interiór, António Armindo. Foto/Hatutan.com

António Armindo dehan, Komisaun B PN bele halo komentáriu, mas lista reforma ne’e, aprezenta hosi Komandu PNTL rasik bazeia bá sira-nia lista ne’ebé mak iha hato’o bá Primeiru Ministru no atuál Ministru Interior (MI), Taúr Matan Ruak, no nia rasik maka orienta halo publikasaun iha Jornál Repúblika edisaun Sesta, 05 fulan-Maiu 2023.

“Iha sua-exelénsia ministru do interior nia despaixu ne’e, nia orientasaun ne’e klaru, katak, komandu maka lori bá halo publikasaun iha Jornál Republika. Ne’e mak komandu lori bá. Ne’ebé, dokumentus hothotu iha la’o tuir regra,” Vise-Ministru Interiór, António Armindo hateten bá jornalista sira hafoin partisipa iha sorumutu konsellu ministru nian iha Palásiu Governu, Díli, Kuarta (31/05/2023).

Governante ne’e dehan, buat ne’ebé mak Komandu PNTL hala’o ne’e la’o tuir regra, katak sira aprezenta lista membru sira-nian mak tama iha aprezentasaun bá reforma hato’o bá governu, liuhosi ministéiru interiór hodi halo aprovasaun.

“PM Taur aprova tiha, nia haruka iha orientasaun ne’e dehan katak, bá publika iha jornál repúblika. Ne’e mak lori bá publika tiha iha jornál ne’e,” tenik António Armindo.

Hatán kona-bá lista reforma bá membru PNTL sira nian ne’ebé publika iha jornál repúblika laiha númeru despaixu, António Armindo dehan, ida-ne’e, nia lahatene, iha númeru despaixu, ka laiha númeru despaixu. Maibé, nia rasik mós seidauk  haree komentáriu hosi komisaun B PN ninian tanba ne’e mak sei la halo komentáriu barak.

“Ha’u seidauk rona, mais sé oras ida, ha’u haree took iha sira nia komentáriu ne’e, mak haree took, depois mak ha’u bele fó komentáriu. Mais, atu dehan de’it katak, ida ne’ebé mak komandu publika ne’e, legál, tuir duni aprovasaun ministru nian, tanba ha’u mós hetan hotu kópia. Primeiru-Ministru diríje direta bá iha komandu PNTL, Purtantu, ha’u hetan kopia  no ida ne’ebé mak sira publika sai ne’e legál, tanba governu mak aprova,” António Armindo esklarese tan.

Advertisement

Ho preukupasaun kona-bá prosesu reforma ne’e,  Prezidente Komisaun B PN, José Agostinho Sequeira “Somotxo” husu Governu atu ‘hapara’ lai desizaun kona-bá reforma ne’e, tanba governu atuál tama ona iha Governu jestaun nian no laiha ona kompeténsia ruma. Maibé, António Armindo konsidera ida ne’e hanesan deklarasaun polítika de’it, maibé hakarak ka lakohi, servisu sira iha área administrasaun nian tenke la’o nafatin.

“Ha’u la rona komisaun B hatete hanesan ne’e, ne’ebé, ha’u labele fó komentáriu lai. Naturalmente, governu ne’e atu jestaun ka la jestaun, atu tama foun mós, jestaun nafatin. Ne’ebé, ne’e deklarasaun polítika de’it, mais servisu ne’e, nia tenke la’o, administrasaun tenke la’o nafatin,” António Armindo afirma.

Iha sorin seluk, komandu PNTL liuhosi Komandante Pessoál no Formasaun ninian, Superintendente Xefe Polísia Arquimínio Ramos konfirma katak, lista naran reforma bá membru na’in-158 ne’e, inklui mós ho ninia númeru despaixu. Maibé, to’o iha parte editál iha publikasaun jornál republika nian (05/05) mak laiha ka lakon. Nune’e, iha altura ne’ebá kedan, parte komandu halo kedan konfirmasaun no husu hadi’a, atu bele publika fila-fali (re-publika). Tanba ne’e, iha (12/050/2023) ne’e, publika fila-fali iha jornál repúblika.

“Despaixu iha, editál iha jornál da repúblika maka laiha. Ne’ebé, ita bá hato’o fila-fali bá sira, tuir loloos, despaixu ne’e tenke inklui iha laran. Tanba ne’e maka, iha dia 05 maiu lista ne’e sai, dia 12 maiu, halo re-publikasaun. Ita hato’o bá jornal da repúblika, katak, despaixu ne’e presiza tau iha ne’ebá. Ne’ebé despaixu ida,” Arquimínio Ramos esplika.

Tuir loloos, lista naran sira bá reforma nian ne’e, tenke publikadu entre fulan-novmbru ka dezembru 2022, iha jornál republika, mais la akontese. Ikus mai, Komandu PNTL hetan notifikasaun, ka hetan ofísiu hosi Primeiru Ministru, Taur Matan Ruak, ninia gabinéte, hanesan mós ministru interior, husu atu publika ona iha jornál repúblika.

Advertisement

“Tanba ne’e maka, ita halo publikasaun iha jornál da repúblika kona-bá kolega sira ne’ebé ke tama bá iha lista aprezentasaun,” Arquimínio hateten.

Tuir artigu 129, estatutu pesoal PNTL nian, mak aprovadu iha 28 Setembru 2022, katak, kada tinan, Komandu PNTL liuhosi Departamentu Pesoal no Formasaun, tenke hato’o lista membru sira ne’ebé tama ona bá reforma bá gabinéte komandante jerál. Aprezenta bá Governu, no uainhira hetan ona orientasaun, hafoin, gabinete Komandante jerál nian lori bá halo publikasaun iha jornál da repúblika.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Bankada CNRT Husu PNTL Halo Seguransa Másimu Kombate Kazu Na’ok

Published

on

Hatutan.com, (23 Maiu 2024), Díli- Parlamentu Nasionál (PN) liuhosi Bankada CNRT husu Polísia Nasionál Timor-Leste (PNTL) halo seguransa másimu iha fatin riskú ne’ebé identifikadu akontese beibeik  kazu na’ok hanesan hadau ema nian telefone.

(more…)

Kontinua Le'e

Defeza & Seguransa

PNTL Detein Autór Sobu Kadeira iha GMT Laran

Published

on

Hatutan.com, (21 Maiu 2024), Díli-Polísia Nasionál Timor-Leste (PNTL) Munisípiu Díli kaptura no detein autór ida ho inisial MdS tanba harahun kadeira tuur-fatin hamutuk 14 ne’ebé baibain adeptu sira tuur durante asiste Kampionatu Nasionál Boxe iha salaun Jinájiu Munisipál Díli (GMT-sigla Indonézia).

(more…)

Kontinua Le'e

Defeza & Seguransa

UPF Prende Kombustivel Litru 245 iha Memo-Maliana

Published

on

Hatutan.com, (17 Maiu 2024), Díli-Polísia Nasionál Timor-Leste (PNTL) husi Unidade Patrullamentu Fronteira (UPF) prende  kombustivel ho kuantidade litru 245 iha área Memo, Postu Administrativu Maliana, Munisipiu Bobonaro.

(more…)

Kontinua Le'e
Advertisement

Trending