Defeza & Seguransa
Sidadaun Na’in-rua Tenta Impede Servisu Autoridade Polisiál
Hatutan.com, (09 Juñu 2023), Díli—Polísia Nasionál Timor-Leste (PNTL), Komandu Munisipiu Bobonaro, kaptura no detein ona sidadaun mane na’in-rua ho inisiál OLD no NDP, tanba tenta atu hapara servisu operasaun autoridade polisiál iha terrenu.
Polísia Nasionál Timor-Leste (PNTL), Komandu Munisipiu Bobonaro, kaptura no detein ona sidadaun mane na’in-rua ho inisiál OLD no NDP, tanba tenta atu hapara servisu operasaun autoridade polisiál iha terrenu, Kinta (08/06/2023). Foto/PNTL.
Kapturasaun ne’e tanba, iha Kinta (08/06/2023) haleu tuku 23:22 kalan Otl, Ofisiál Polísia Suku (OPS) iha Suku Saburai ho OPS Suku Odomau, apoia hosi ekipa Servisu Investigasaun Kriminál (SIK), Esquadra PNTL Maliana, hala’o operasaun “joint patrol” iha tempu kalan ho objetivu atu kontrola kriminoza sira inklui garantia no estabiliza nafatin hakmatek bá populasaun.
Lee Mós: Deskonfia Oknum PCIC Baku Membru PNTL Ida To’o Grave
Infelizmente, operasaun ne’e to’o iha dalan entre Suku Odomau ho Saburai nian, ekipa operasaun konjunta, hetan impedimentu “hamriik taka estrada” hodi impede polísia ninia servisu.
Durante aktu impedimentu ne’e, sidadaun na’in-rua ne’e mós hasai lia-fuan aat halo insultu no tolok hasoru autoridade seguransa sira iha dalan.
Ho nune’e, membru PNTL sira ne’ebé hala’o operasaun iha kalan ne’e, tun hosi karreta hodi kaptura kedan sidadaun na’in-rua ne’e no polísia suspeita sira bá kríme perturbasaun órden públika.
“Kazu ne’e hahú hosi joven na’in-lima ne’ebé halo perturbasaun órden públika tanba latan ai hodi taka estrada. Bainhira ekipa patrulla liu hodi muda sees tiha ai iha estrada klaran ne’e, sira tolok no sadik hodi dehan polisia atu tiru tok sira. Nune’e, ekipa servisu tun duni sira no kaptura suspeitu na’in-rua mak OLP no NDP. Enkuantu na’in-tolu seluk konsege halai,” Hatutan.com sita komunikadu.
Hafoin kaptura joven na’in-rua ne’e, ekipa operasionál kontakta kedan bá Ekipa Patrulla Esquadra PNTL Maliana hamutuk ho Task Force, to’o iha lokál insidente, hodi transporta kedan suspeitu sira bá halo detensaun iha sela komandu PNTL Munisipiu Bobonaro, hodi kontinua halo prosesu identifikasaun.
Jornalista: Rogério Pereira Cárceres
MS Élia dos Reis Amaral Husu Komunidade Labele Soe Lixu Arbiru
Presiza Fumigasaun Ba Prevene Moras Dengue
PM Xanana Aprésia Hatutan.com Kestiona Liberdade Imprensa iha SEKOMS Nia Oin
Konferénsia Imprensa Konjunta Albanese-Xanana, SEKOMS “Limita” Liberdade Imprensa
Timor-Leste ho Austrália Harii Parseira Foun Bá Era Foun
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Justisa & Krime4 days agoMinistru Nelio Isaac Sarmento Hetan Prosesu iha Tribunál Tanba Alegadamente Abandona Nia Oan Biolójiku husi Relasaun ho DS
-
Nasionál1 week agoLalais Salva RTTL,E.P, SEKOMS Expedito Ximenes: “Ha’u Seidauk Simu Relatóriu”
-
Polítika1 week agoBankada CNRT Kritika Primeiru-Ministru ho Membru Governu Sira Sa’e Karreta Luxu iha Povu Barak Sei Mukit
-
Justisa & Krime1 week agoMinistériu Públiku Kontínua Investiga Kazu Jogu Online iha Otél Oé-Upu
-
Nasionál1 week agoDiskusaun no “Ezonerasaun” KM Ba Prezidente Inkompativel RTTL,E.P Muda Ba Semana Oin
-
Justisa & Krime1 week agoPNTL Detein Suspeitu Na’in-Haat Ba Kazu Violasaun Seksuál Virál iha Mídia Sosiál
-
Justisa & Krime1 week agoKazu Abuzu Seksuál Ne’ebé Viral, PNTL Hein Mandadu Ba Suspeitu JGPR iha Indonézia
-
Dili4 days agoRai Makmor La Kumpri Promesa Devolve Vitíma Sira-Nia Osan