Connect with us
Pakote Ahi

Defeza & Seguransa

Ezersísiu Bilateral “Dalan bá Dame” Datoluk Marka Estadus Unidus ho Timor-Leste Nia Parseria

Published

on

Hautan.com, (24 Jullu 2023), Díli-Enkarregadu Negósiu EUA Tom Daley hamutuk ho Komandante Jerál F-FDTL Tenente Jenerál Falur Rate Laek, Adjuntu Komandu Jerál Ezérsitu Pasífiku EUA Major Jenerál Reginald Neal ho autoridade lokál sira halo abertura Ezersísiu “Dalan ba Dame” bá datoluk nu’udár ezersísiu militár bilaterál ho nia objetivu haforsa kooperasaun no amizade entre forsa armada EUA ho Timor-Leste.

Lee Mós : EUA Oferese Aviaun CESSNA Bá F-FDTL Hodi Kontrola Rikusoin Tasi TL

Adjuntu Komandu Jerál Ezérsitu Pasífiku EUA Major Jenerál Reginald Neal entrega prenda bá Komandante Jerál F-FDTL Tenente Jenerál Falur Rate Laek. Foto/Espesiál

Sita hosu komunikadu ne’ebé Hatutan.com asesu, relata Guarda Nasionál Rhode Island sei partisipa iha ezersísiu ne’e primeira-vez, bazeia bá Programa Parseria Estadu ne’ebé foin daudauk asina entre Timor-Leste ho Rhode Island. Iha semana rua nia laran tuir mai, membru hosi forsa armadas rua ne’e sei dezenvolve relasaun no hametin sira-nia abilidade iha kuidadu saúde, navegasaun rai, tátiku unidade ki’ik, no enjeñaria.

Ezersísiu “Dalan bá Dame” nu’udár testemuña ida bá relasaun amizade, parseria, no oportunidade ne’ebé dura, metin liután bainhira nasaun sira hamutuk bá objetivu komún ida. Hamutuk, EUA ho Timor-Leste sei kontínua serbisu hamutuk, fahe esperiénsia no rekursu hodi hatán ba dezafiu komún no promove estabilidade rejionál.

Advertisement

“Ami nia esperansa katak la’ós haforsa de’it ita-nia militár, maibé mós ita-nia abilidade hodi serbisu hamutuk no fornese dalan hodi hadi’ak liután povu Timoroan nia moris,” Enkarregadu Negósiu Tom Daley iha ninia diskursu. “Bá primeira-vez Guarda Nasionál Rhode Island mós partisipa iha ezersísiu ida ne’e, kria oportunidade liután ba kolaborasaun iha future.”

Atendimentu ida-ne’e marka progresu ne’ebé kontínua la’o dezde inaugural Ezersísiu “Dalan bá dame” refleta kompromisu hamutuk hodi defende demokrasia no Liberdade loloos, no mós promote dame globál. Ezersísiu ida ne’e sei harii kapasidade tantu forsa rua ne’e hotu no asegura future ida ne’ebé di’ak liu ba povu Timoroan no Amerikanu sira.

Iha fulan Juñu 2023, Forsa Aéreu EUA distribui F-FDTL nia aviaun Cessna dahuluk ho sistema ISR ka sistema intelijénsia, vijilánsia no rekoñesimentu hodi habelar tan Timor-Leste nia forsa marítima nia kapasidade ba vijilánsia nian, hodi asegura protesaun ba territóriu bee, no salvaguarda rekursu marítima sira ne’ebé mak importante. Estadus Unidus orgullu hala’o parseria ho Timor-Leste, enkuantu enfatiza mós apoia ba estadu ida ne’e nia soberanu, seguransa no prosperidade.

Jornalista : Vito Salvadór

 

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Xina Oferese Motór Patrulla Lima bá Polísia Tránzitu Nasionál

Published

on

Hatutan.com, (26 Fevereiru 2024), Dili—Governu Xineza liu hosi ninia embaixada iha Díli oferese motór patrulla (batedores) ho marka CFMOTO hamutuk lima bá Polísia Tránzitu Nasionál atu assegura aktividade entidade sira hosi rai-liur no mós órgaun soberania haat iha Timor-Leste (TL).

(more…)

Kontinua Le'e

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e

Trending