Hatutan.com, (01 Agostu 2023), Díli- Prezidente Tribunál Rekursu (PTR), Deolindo dos Santos, deklara prosesu kazu projetu instalasaun Set-top Box Rádiu Televizaun Timor-Leste, Empreza Públiku (RTTL,E.P) seidauk to’o iha Tribunál, tanba ne’e, nia seidauk bele ko’alia buat ida no  iha hela prosesu investigasaun nu’udár  segredu justisa.  

Lee Mós : Kazu Set-top Box RTTL,E.P, Ministériu Públiku Sei Prosesa Tuir Regra Prosesuál

CAC liuhosi ekipa Medida Prevensaun no Kombate Korrupsaun, halo tán buska no apreensaun bá dokumentu iha gabinete Ministru Assuntu Parlamentár no Komunikasaun Sosiál (MAPKOMS), Francisco Pereira da Costa Jerónimo, hodi hakle’an investigasaun bá kazu projetu instalasaun Set-top Box RTTL,E.P, Segunda (17/10/2022). Foto/dok. Hatutan.com

“Konstituisaun no lei estabelese klaramente halo nusa mak kada órgaun ka entidade Estadu ida-diak halo nia servisu, tanba labele ita nia arrogánsia ka egoista pesoál ita halo servisu sira ne’ebé ema seluk nian,” Prezidente Tribunál Rekursu, Deolindo dos Santos bá jornalista sira iha Palásiu Prezidensiál, Tersa (01/08/2023).

“Atu Estadu ne’e bá oin tenke hanoin ida-idak halo nia servisu ho responsabilidade. Ida-ne’e it- boot nia servisu, ita-boot tenke halo, ida-ne’e ha’u nian ha’u halo, ita- boot labele mai tama tan ha’u nian, no ha’u mós labele tama ita-boot nian, só ho ida ne’e de’it ita bele lori Estadu ne’e ba oin,” Deolindo dos Santos haktuir.

Eis-MAPKOMS Arguidu

Bazeia bá prova investigasaun bá kazu projetu instalasaun  Set-Top box Rádiu Televizaun Timor Leste, Empreza Públika (RTTL,E.P), Komisaun Anti Korrupsaun (CAC, sigla portugés) konstitui ona eis Ministru Asuntu Parlamentár no Komunikasaun Sosiál (MAPKOMS), Francisco  Martins da Costa Pereira Jerónimo, hosi suspeitu bá arguidu.

CAC konstitui eis-Ministru Francisco  Martins da Costa Pereira Jerónimo  nu’udár arguidu tuir baze legal ka Kódigu Prosesu Penál (KPP) artigu Artigu 91 (Notifikasaun), alínea 3  ne’ebé hateten, funsionáriu judisiál, ajente polisiál  ka autoridade seluk ne’ebé lei fó kompeténsia maka halo notifikasaun tuir despaxu ka ho orden ofisioza hosi sekretaria judisiál. 

Tuir informasaun hosi CAC katak kazu projetu instalasaun Set-top Box RTTL,E.P ne’e lori prejuízu bá Estadu ho montante orsamentu $7,680.00.

Lee Mós : CAC Sei Submete Kazu Set-top Box RTTL,E.P bá Ministériu Públiku

Jornalista : Vito Salvadór