Connect with us
Pakote Ahi

Nasionál

Prezidente Repúblika Husu Tuir Asaun Konkreta Auditória hosi Governu bá Projetu Sira

Published

on

Hatutan.com, (31 Agostu 2023), Díli- Prezidente Repúblika (PR), José Ramos-Horta, husu tuir ona bá Primeiru-Ministru (PM), Xanana Gusmão, kona-bá kompromisu Governu atual nian atu halo auditoria bá projetu sira ne’ebé Governu anterior husik hela.

Lee Mós: Auditoria TR: Timor-Leste Gasta Ona Millaun $24 Bá Konstrusaun Ró Haksolok

Iha kampaña eleitoral partidu CNRT ne’ebé lidera hosi Xanana Gusmão, inklui iha diskursu tomada de posse Governu da-9 nian, Xanana Gusmão sempre “toka” atu halo auditoria bá projetu sira ne’ebé deskonfia lori prejuizu bá Estadu, hanesan projetu Ró Haksolok, projetu Uma Kbiit La’ek (UKL) ne’ebé ikus mai nakfilak bá Uma Naroman bá Povu (UMP), projetu Cesta Bázika, fundu Covid no seluk-seluk tan.

Advertisement

PM Xanana hasoru malu ho PR José Ramos-Horta. Foto/Dok.Hatutan.com

Responde bá Prezidente Repúblika nia proposta ne’e, Xanana hatán dehan, daudaun ne’e IX Governu Konstitusionál sei kontínua halibur dadus husi Ministériu hotu, inklui setór justisa molok halo auditória hodi hatuur buat hotu tuir ordem no lei molok pronúnsia bá públiku.

 “Prezidente Repúblika mós husu imi dehan halo auditória. Há’u dehan, agora primeiru ami buka atu rekolla dadus ne’ebé ami haree katak instituisaun sira ne’ebé kaer justisa, haree kona-bá lei, iha tinan hirak ne’e la halo buat ida ho sentidu katak la fó apoiu ba kumprimentu lei. Tanba buat barak halo viola normas, viola lei ema ida la ko’alia ne’ebé ami sei rekolla tan dadus, membru governu sira mós iha dadus barak tebetebes,” Xanana Gusmão haktuir hafoin hasoru malu ho Prezidente Repúblika, José Ramos-Horta iha Palásiu Prezidensiál, Díli, Kinta (31/08/2023).

Uma Kbiit Laek (UKL)  ka Uma Naroman bá Povu, tuir Xanana, Governu ne’e buka tuir la refleta iha programa Governu da-8 nian.

“Afinál osan ne’e fó bá suku sira, depois mak fó tan ita la hatene nia ezekusaun todan tebetebes, mas ne’e la buat ida, ami tenke kurije, ami mai atu kurije ho di’ak no mós distribuisaun sira ne’ebé lori osan atus bá atus soe hela iha ne’ebá, buat ne’e bá to’o se nia uma, se mak simu, buat sira ne’e hotu,” Xanana hateten.

“Ha’u dehan ba Xefe Estadu, ha’u mós dehan tiha ona ba Parlamentu Nasionál katak la’ós atu lori ema bá kadeia, hakarak de’it fó hatene bá povu tomak, ami sei hasai, divulga buat sira ne’e hotu bá povu tomak hodi iha futuru se mak ba kaer Governu, se mak bá kaer ukun labele halo hanesan ne’e tan.”

Rona tiha esplikasaun sira hosi Xanana, Xefe Estadu José Ramos-Horta kompriende difikuldade sira ne’e hotu, nune’e nia lia tun dehan,  halo nafatin bá tanba ho difikuldade sira ne’e mós mak Governu sei haree katak tempu atu haree tinan fiskál prepara orsamentu 2024, maibé promete ona iha Parlamentu Nasionál katak alterasaun bá lei tributária, alterasaun ba Lei Enkuadramentu Orsamentál (LEO) buat sira ne’ebé  temi tiha ona iha proposta lei orsamentu ezekutivu nian sei diskute fali iha Parlamentu Nasionál antes hatama orsamentu iha ne’ebá.

Advertisement

Preokupa ho I.P no E.P ho Saláriu Boot La Halo Buat Ida

Biban ne’e, Prezidente Repúblika (PR), José Ramos-Horta mós hatutan nia  preokupasaun ho estatuta Empreza Públika (E.P) no Institutu Públiku (I.P) ne’ebé laiha produtividade servisu no halo despeza boot bá estadu.

Primeiru-Ministru Kay Rala Xanana Gusmão hateten liuhosi sorumutuk ne’e informa mós ba Xefe Estadu katak IX Governu Konstituisionál sei haree hela orgánika hosi ministériu sira, tanba iha mudansa buat sira ne’e hotu.

“Ko’alia mós kona-bá problema barak ne’ebé ami sei infrenta, Xefe Estadu bolu atensaun mós bá iha I.P no E.P sira barak-barak ho saláriu ne’ebé bo’ot tebe-tebes, la halo buat ida,” Hateten Primeiru-Ministru Kay Rala Xanana Gusmão.

Atualmente  prezidente ka kargu xefia sira hosi Empreza Públiku (E.P) ho Institutu Publika (I.P) simu saláriu boot liu Primeiru-Ministru no Prezidente Repúblika. Ezemplu, Prezidente Eletrisidade Timor Leste Empreza Públiku (EDTL,E.P) nia saláriu ka remunerasaun kada fulan $6.500. Nune’e mós ho Prezidente Bee Timor-Leste (BTL,E.P) nia remunerasaun kada fulan $6000.

Advertisement

Daudaun ne’e, Xanana hateten IX Governu diskute kona-bá I.P no E.P sira ne’e bainhira ministériu ida iha no balun tenke taka daudauk ona.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

PR Husu Governu Muda Tabela Salariál no Halo Auditoria bá Servisu E.P ho I.P Sira

Published

on

Hatutan.com, (20 Juñu 2024), Díli- Prezidente Repúblika (PR), José Ramos-Horta, husu Governu halo alterasaun bá  tabela salariál lideransa sira iha Institutu Públiku (I.P) no Empreza Públiku (E.P) no halo mós auditoria  kompletu bá sira-nia servisu.

(more…)

Kontinua Le'e

Nasionál

Dezastre Naturál Hamate Ema Na’in-Rua no Estraga Uma 55

Published

on

Hatutan.com, (18 Juñu 2024), Díli—Durante semana ida, hahú hosi loron 10 to’o 17 fulan Juñu 2024 Autoridade Protesaun Civil (APC) rejista ema na’in-rua lakon-vida  no uma hamutuk 55 mak hetan estragus hosi dezastre naturál iha territóriu tomak.

(more…)

Kontinua Le'e

Nasionál

GUN Agradese Ramos-Horta Nia Advokasia bá Solusiona Konflitu Myanmar

Published

on

Hatutan.com, (18 Juñu 2024), Díli- Governu Unidade Nasionál (GUN) agradese Prezidente Repúblika, José Ramos-Horta nia advokasia bá solusiona konflitu iha Myanmar.

(more…)

Kontinua Le'e
Advertisement

Trending