Connect with us
Pakote Ahi

Nasionál

Sergio Hornai, Ministru Justisa Períodu 2024-2028

Published

on

Hatutan.com, (12 Fevereiru 2024), Díli- Primeiru Ministru (PM), Kay Rala Xanana Gusmão, nomeia antigu Komisáriu Komisaun Anti Korrupsaun (CAC, sigla portugés), Sergio de Jesus Fernandes da Costa Hornai, nu’udár  Ministru Justisa bá períodu 2024-2028.

Lee Mós: Ministru Justisa, Amândio dé Sa Benevídes Husik-iis ho Idade 60 Tanba Atakasaun Fuan

Nomeiasaun Sergio de Jesus Fernandes da Costa Hornai bá Ministru Justisa foun hodi troka Ministru Justisa sestante maktoban Amândio de Sa Benevides ne’ebé hakotu nia peregrinasaun iha mundu ne’e iha loron 20 fulan-Janeiru 2024 iha Ospitál Nasionál Guido Valadares (HNGV).

Advertisement

Antigu Komisáriu CAC, Sérgio de Jesus Fernandes da Costa Hornai nomeia bá Ministru Justisa. Foto/Dok. Hatutan

Nomeiasaun bá Ministru Justisa foun Sergio de Jesus Fernandes da Costa Hornai ne’e hetan ona aseitasaun husi Prezidente Repúblika José Ramos-Horta no tuir kalendáriu sei simu posse iha  Kinta, 15 fulan-Feverieru 2024.

Primeiru-Ministru Kay Rala Xanana Gusmão hateten tanba Kuarta-feira loron Sinzas tanba ne’e nforma bá Prezidente Repúblika atu iha toleránsia de pontu bá funsionáriu públiku no hotu-hotu.

Nia afirma, Governu sei halo mós reuniaun Konsellu Ministru iha Tersa (13/02/2024) no Kinta (15/02/2024) sei iha posse ba Ministru Justisa foun,  Sergio de Jesus Fernandes da Costa Hornai.

 “Naran ba Ministru Justisa foun ne’ebé Governu hakerek mai Xefe Estadu no aseita ona mak Sergio de Jesus Fernandes da Costa Hornai. Razaun Governu hili  Sergio de Jesus Fernandes da Costa Hornai tanba nia la’ós doutor ida sona ema ne’e mak mai justisa, la’ós enjineiru ida mak mai justisa, maibé Sérgio Hornai iha ona esperiénsia iha setór justisa nian,” Xanana Gusmão haktuir bá jornalista sira iha Palásiu Prezidensiál Nicolau Lobato, Segunda (12/02/2024).

Xefe Governu hatutan Sergio de Jesus Fernandes da Costa Hornai bá tanba  atu hadia nafatin justisa, bainhira temi estadu frajil, Prezidente sei frajil, Parlamentu Nasionál sei frajil, Governu sei frajil, justisa mós sei frajil.

“Frajil katak ladún kumpre. Ita agora, só depois tinan ida ne’e mak ita bele prova katak ita sai daudauk ona husi frajilidade tanba komesa kumpre daudauk ona halo programa, ezekuta ho di’ak. Ita hakarak hadi’a iha instituisaun hotu-hotu tanba ne’e mak hili Sergio de Jesus Fernandes da Costa Hornai atu lidera Ministériu Justisa,”  Xanana akresenta.

Advertisement

Biografia Badak

Sergio de Jesus Fernandes da Costa Horni, moris iha Lospalos, 21 de Novembru 1974, hela fatin atuál Aimutin, Comoro, Dili, ho abilitasaun Literária Lisensiatura Direitus.

Esperiénsia servisu, Defensór Públiku dezde tinan 2000 ho pozisaun nu’udár Defensór Públiku Jeral. Prezidente Konsellu Superiór Defensoria Públiku de Timor-Leste.

Iha tinan 2019, hetan nomeasaun hanesan Komisáriu CAC bá periodu 2019-2023.

Atividade seluk

Advertisement

Prezidente da Associação estudante em Bali 1997-1999, Membru no Responsavel RENETIL 1994-1999.

Partisipa iha kursu ka formasaun iha Austrália 2000, Partisipa iha kursu formasaun Lisboa-Portugál 2001, Formasaun iha sentru Judisiál Timor-Leste 2004-2017 kona-bá Kursu  Aperfeicionamento material direitu sivil, Membru Triagem PNTL, Setembru 2016-2017 no mos hanesan Membru Comissão Eleiçoes Nasional iha tinan 2013.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Rede Bá Rai Konsidera Projetu Sistema Nasionál Kadastru Gasta Millaun $57 Laiha Rezultadu

Published

on

Hatuta.com, (12 Juñu 2024), Díli –ONG Rede ba Rai konsidera projetu  Sistema Nasionál Kadastru (SNC, sigla portugés) ne’ebé ezekuta husi  kompañia Timor-Leste GMN Holding ho kompañia Portugal ARM-Apprize ho kustu millaun $57  iha tinan 2014 to’o ohin loron la hatudu rezultadu no parsiál barak mak la publika iha mapa to’o agora.

(more…)

Kontinua Le'e

Nasionál

Horta ho Winston Piters Deskute Unidade ASEAN no Kestaun Myanmar

Published

on

Hatutan.com (12 Juñu 2024), Díli- Prezidente Repúblika (PR), José Ramos-Horta ho Vise-Primeiru-Ministru Nova Zelándia Winston Piters diskute unidade nasaun sira iha Association of Southeast Asian Nations (ASEAN) no kestaun  Myanmar.

(more…)

Kontinua Le'e

Nasionál

Sidadaun Estranjeiru Besik 1100 Sei Partisipa Vizita Papa Francisco iha Timor-Leste

Published

on

Hatutan.com, (12 Juñu 2024), Díli-Diretóra Jerál Servisu Migrasaun (SM), Adelaide da Rosa informa, posibilidade sidadaun estranjeiru hamutuk 1100 sei partisipa misa ne’ebé prezide husi Papa Francisco iha Tasi-Tolu,  Díli, Timor-Leste.

(more…)

Kontinua Le'e
Advertisement

Trending