Hatutan.com, (09 Novembru 2023), Díli– Vise-Ministru Asuntu Parlamentár, Adérito Hugo da Costa, informa Governu sei aprezenta Orsamentu Jerál Estadu (OJE) 2024 bá Parlamentu Nasionál (PN) iha loron 24 fulan-Novembru 2023 hodi halo debate.

Lee Mós: Senáriu OJE 2024, Entre Billaun $1.6–Billaun $1.9

Osan Dolar Amérika. Foto/Google.

“Orsamentu Jerál Estadu 2024  hanesan sai ona iha portál kalendariu ne’ebé ami aprezenta katak loron 24 fulan-Novembru 2023, tanba lei orsamentu retifikativu 2023 nian ita halo mudansa bá kalendariu submisaun orsamentu no IX Governu nian mandatu hahú iha loron 01 fulan-Jullu ne’ebé dentru fulan-lima tenke submete proposta orsamentu 2024  ne’e iha loron 01 fulan-Dezembru, maibé ami adianta mai sedu para fó tempu bá Parlamentu Nasionál (PN) bele halo audiénsia públika depois diskusaun jenerelidade, espesialidade bá aprovasaun,” Vise-Ministru Adérito Hugo da Costa hateten bá jornalista iha PN, Kinta (09/11/2023).

Adérito Hugoa haktuir, molok ne’e Governu hato’o ona kalendariu tentativa iha loron 15 fulan-Novembru, maibé haree bá elaborasaun IX Governu halo mudansa bá regra no prinsipíu balu ne’ebé tuir IX Governu haree mais flexibel no efisiente bá polítiku orsamentu nian.

“Ami fixa  loron 24 fulan-Novembru ne’e akordu ho lei orsamentu existénsia 202,3 liuliu lei enkudramentu orsamentál ne’ebé maka halo alterasaun bá IX Governu tuir mai ne’e atu aprezenta orsamentu durante fulan-lima konta hosi loron 01 fulan-Jullu to’o loron 01 fulan- Dezembru,” Áderito Hugo haktuir.

Data debate sufisiente hela tanba  iha rejime dua desimu  entaun asegura hela no debate diskusaun ida-ne’e bele ultrapasa iha loron 31 fulan-Dezembru 2023.

Iha loron 24 fulan-Marsu 2023, IX Governu Konstitusionál organiza enkontru Jornada Planeamentu bá Orsamentu Estadu 2024. Iha aprezentasaun ne’e, Governu deskreve senáriu tolu bá tetu fiskál iha OJE 2024, ho montante despeza bá hahú hosi biliaun $1.6,  billaun $1.7 no  billaun $1.8.

Jornalista Estajiária : Zita Menezes