Connect with us
Pakote Ahi

Justisa & Krime

CAC Halo Averiguasaun Bá Prosesu Rekrutamentu Funsionáriu Kazuál Liu-300 iha MI

Published

on

Hatutan.com, (21 Novembru 2023), Díli– Komisaun Anti Korrupsaun (CAC, sigla portugés) liu husi  Diresaun Jerál Investigasaun fó  ona orientasaun bá ekipa investigadór hodi halo averiguasaun bá prosesu  rekrutamentu funsionáriu kazuál liu-300 iha Ministériu Interiór (MI).

Lee Mós: Rekruta Funsionáriu Liu 300 La Tuir Prosedimentu, PLP Husu CAC ho PDHJ Investiga MI

Funsionáriu kazuál rliu ema 300 ne’ebé rekruta hosi MI atu destaka iha DNPC tuir formasaun iha Rairobo, Postu Administrativu Atabae, Munisípiu Bobonaro. Foto/Média MI

Informasaun ne’ebé iha katak foin lalais ne’e  Ministériu Interiór halo rekrutamentu bá funsionáriu kazuál liu na’in-300 atu koloka iha Diresaun Nasionál bá Prevensaun Konflitu (DNPC) no daudaun ne’e pesoál sira-ne’e tuir ona formasaun iha Rairobo, Postu Administrativu Atabae, Munisípiu Bobonaro.

Prosesu rekrutamentu bá ema hirak ne’e deskonfia la kumpre prosedimentu rekrutamentu ne’ebé haktuir iha Lei Funsaun Públiku no Estatutu Funsaun Públiku nian. Informasaun seluk mós hateten katak prosesu rekrutamentu ne’e la halo anúnsiu públiku, derrepente de’it ema liu 300 ne’e nia naran taka iha kuadru avizu Ministériu Interiór nian.

Advertisement

Diretór Jerál Investigasaun CAC, José  de Araújo Verdiál hateten, CAC nia kompeténsia halo investigasaun bá aktu sira ne’ebé iha indísiu bá krime korupsaun, tanba ne’e tenke  halo separasaun bá aktu administrativu no aktu krime. Maibé, liga ho rekrutamentu ne’ebé halo iha Minsitériu Interior (MI) tuir lei númeru 7/2020 ko’alia kona-bá krime Konflitu de Interese.

Nia dehan, iha posibilidade asaun sira hanesan ne’e bele mós iha indisiu halai bá krime korrupsaun konflitu de interese, maibé atu identifika ida-ne’e tenke liu hosi prosesu ruma, tanba asaun ne’ebé CAC halo, la’ós deit hein denunsia hosi púliku mak CAC foin halo investigasaun, maibé mós halo asaun pro-ativu.

“Iha indísiu sira hanesan ne’e, ami nia ekipa investigadór sira mós buka informasaun para depois haree, tanba ne’e dadauk investigadór sira hahú halibur ona informasaun, aumesmu ami nia investigadór sira mós simu mensazen sira balun liuhosi (WhatsApp) ne’ebé iha konteudu, hatoo lamentasaun bá rekrutamentu ne’e,” José Verial hateten, Tersa (21/11/2023), iha edifísiu CAC, Farol, Díli.

Nia esplika bá faze ida-ne’e  seidauk hanaran investigasaun, maibé sei iha hela averiguasaun nia laran para depois haree se iha duni indísiu bá krime korrupsaun maka ekipa investigasaun CAC foin halo auto para depois partisipa bá iha Minsitériu Públiku.

Lee Mós: Deskonfia, Rekrutamentu Funsionáriu Kazuál Ministériu Interiór “Bolu De’it” Kompañeru CNRT

Advertisement

Laiha Komisáriu, Difikulta  Investigasaun Kazu Krime Korupsaun

Komisaun Anti Korupsaun (CAC, sigla portugés), liu hosi Diresaun Jerál Investigasaun, labele halo investigasaun bá kazu krime korrupsaun sira ne’ebé dadauk ne’e pendente hela, tanba to’o ohin loron seidauk iha Komisariu CAC atu bele hala’o kompeténsia loloos CAC nian.

Diretor Jerál Investigasaun CAC, José de Araújo Verdial, hateten, hahú kedas iha fulan-Abríl 2023, kuandu mandatu  Komisariu CAC nian termina, prosesu hotu pendente, ho totál kazu 49.

“Sira ne’e ita hein, kuandu iha Komisariu foun maka foin bele kontínua halo investigasaun. Inklui mós bá kazu Ró Haksolok. Ho Komisáriu CAC ne’ebé laiha, automatikamente fó impaktu boot tebes bá iha CAC nia servisu investigasaun, prevensaun no kombate korrupsaun,” José Verdial haktuir.

Nia preokupa, tanba tuir lei númeru 8/2009 kriasaun CAC nian, iha artigu 7 hateten katak, komisáriu mak iha knaar atu derije CAC, Komisariu mak iha knaar atu kontrola legalidade bá iha asaun prevensaun no asaun investigasaun nian.

Advertisement

“Tanba ne’e mak, alende kazu sira seluk, kazu Ró Haksolok ne’ebé kontínua pendente, la’ós tanba ami nia hakarak, nia prosesu maka hanesan ne’e, lei mak hateten nunee’, tanba ne’e maka hanesan tekniku ida halao servisu tuir deit saída maka lei haruka, la’ós la’o tuir pessoal ida-idak nia hakarak,” José Verdial hateten.

Maske kazu Ró Haksolok investigasaun seidauk termina, maibé nia realata, dadauk ne’e to’o ona iha faze atu konklui, maibé tanba kauza husi Komisáriu CAC to’o ohin loron seidauk iha, entaun prosesu sira hotu seidauk bele finaliza.

Tuir dadus, hahú hosi fulan-Janeiru to’o loron 21 fulan-Novembru 2023, kazu sira ne’ebé liga ho denunsia públiku hamutuk 83; hosi númeru ne’e iha kazu 35 mak kabe bá kompeténsia CAC nian, kontinua halo averiguasaun, restu refere baáinstituisaun sira hanesan, PDHJ ho Inspesaun Jeral do Estadu.

Hosi kazu sira ne’e mós iha kazu korrupsaun hamutuk 17 maka, CAC konsege konklui ona nia averiguasaun no submete ona bá  Ministriu Públiku, hanesan auto partisipasaun.

Jornalista: Gloria Maia

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending