Connect with us
Pakote Ahi

Defeza & Seguransa

Governu Estadus Unidus Amerika Apoia Avansus iha Forsa Aerea Timor-Leste

Published

on

Hatutan, (01 Fevereiru 2024), Díli— Embaixada Estadus Unidus Amérika iha Timor-Leste nia Enkarregadu Negósiu, Marc Weinstock, hamutuk ho Vise Xefe Estadu Maiór Jenerál F-FDTL, Majór Jenerál Calisto dos Santos “Coliati”, Kuarta 31 fulan-Janieru 2024, partisipa serimónia lansamentu fatuk-dahuluk bá konstrusaun hangar aviaun Komponente Aérea F-FDTL nian iha Aerodromu Baucau.

Lee Mós: Estadus Unidus Amérika no ASEAN: Parseiru Estratéjiku sira ba Indo-Pasífiku

Serimónia lansamentu fatuk-dahuluk ba

konstrusaun hangar aviaun Komponente Aérea F-FDTL nian iha Aerodromu Baucau iha loron

Advertisement

Kuarta, 31 fulan-Janeiru 2024. Foto/Espesiál

Komunikadu imprensa ne’ebé Hatutan.com asesu, Kinta (01/02/2024), haktuir lansamentu fatuk-dahuluk ne’e reprezenta Estadus Unidus Amérka nia kompromisu hodi tulun Timor-Leste iha ninia esforsu sira hodi moderniza ninia forsa militár no profissionaliza nia forsa sira.

Hangar ne’e, hanesan fasilidade modernu ho valór millaun $1.1, dezeñadu hodi sai mahun bá aviaun Cessna rua no sai fatin parajen bá aviaun adisionál sira seluk iha fatin estasionamentu ho luan 1,560 metrus kuadradus.

Hangar ne’e sei sai uma permanente bá aviaun Cessna 206 ne’ebé Governu Estadus Unidus oferese ona iha fulan-Juñu liubá. Aviaun ne’e ho kapasidade halo vijilánsia, hamutuk ho ró patrullamentu sira husi Austrália ne’ebé sei to’o mai iha tinan ida-ne’e nia laran, sei permite Timor-Leste hodi defende nia soberania territoriál.

“Ami iha ne’e hodi ajuda Timor-Leste hasae kapasidade patrulla marítima no defende Timor-Leste nia Zona Ekonómika Ekskluziva (ZEE),” Enkarregadu Negósius Weinstock hateten iha nia diskursu.

Partisipa mós iha eventu ne’e bainaka onradu Majór Jenerál Callahan, komandante Guarda Nasionál Rhode Island nian.

Advertisement

Lansamentu fatuk-dahuluk ba

konstrusaun hangar aviaun Komponente Aérea F-FDTL nian iha Aerodromu Baucau iha loron

Kuarta, 31 fulan-Janeiru 2024. Foto/Espesiál

Hahú husi tinan 2020, Guarda Nasionál Rhode Island fornese ona asisténsia umanitária no kapasitasaun ba Timor-Leste, no Programa Parseria Estaduál ho RhodeIsland asina tiha ona ofisialmente iha tinan kotuk iha ámbitu aniversáriu F-FDTL nian.

Majór Jenerál Callahan nia vizita bá Timor-Leste sei inklui kompromisu lubuk ida hodi hametin ligasaun no dezenvolve oportunidades bá kooperasaun entre Rhode Island no Timor-Leste iha futuru.

Estadus Unidus Amérika hamri’ik metin hamutuk ho nia parseiru sira, inklui Timor-Leste, hodi kria oportunidade, haburas amizade, no mantein Indo-Pasifiku ida ne’ebé livre no nakloke.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Membru PNTL ho F-FDTL Ne’ebé Viola Lei Kódigu Estrada Sei Simu Konsekuénsia

Published

on

Hatutan.com, (22 Abríl 2024), Díli-Polísia Nasionál Timor-Leste (PNTL) liuhosi Departamentu Tránzitu Nasionál (DTN) sei aplika sansaun administrativa bá membru PNTL ho membru FALINTIL-Forsa Defeza Timor-Leste (F-FDTL)  ne’ebé viola Lei Númeru 03/2006, kona-bá Kódigu Estrada durante halo sirkulasaun iha territóriu nasionál.

(more…)

Kontinua Le'e

Defeza & Seguransa

Forsa Konjunta Preende Tabaku Pohon Sagu Kaixa 320 iha Tasi-Tolu

Published

on

Hatutan.com, (19 Abríl 2024), Díli—Forsa konjunta kompostu hosi Polisia Nasionál Timor-Leste (PNTL) liuhosi Departamentu Investigasaun Kriminál (DIK), Servisu Informasaun Polisia (SIP), FALINTIL Forsa Defeza Timor-Leste (F-FDTL) liuhosi Unidade FALINTIL (UF) no Servisu Nasionál Intelijénsia (SNI), halo apreensaun bá evidénsia tabaku ho marka Pohon Sagu hamutuk kaixa 320 iha área Tasi-tolu, Díli.

(more…)

Kontinua Le'e

Defeza & Seguransa

Komandu PNTL Distribui Karreta 47 bá Munisípiu no Unidade Sira

Published

on

Hatutan.com, (18 Abríl 2024), Díli—Komandu Polísia Nasionál Timor-Leste (PNTL) iha Kinta 18 Abríl distribui tán karreta unidade hamutuk 47 bá komandu munisípiu 12, Rejiaun Administrativa Espesiál Oecusse Ambeno (RAEOA), Unidade Espesiál Polísia (UEP), Unidade Polísia Marítima (UPM) ho Unidade Patrullamentu Fronteira (UPF).

(more…)

Kontinua Le'e

Trending