Connect with us
Pakote Ahi

Nasionál

Projetu 15 iha EDTL,E.P Halo ho Adjudikasaun Direta Deskonfia iha Pratika Korrupsaun no Nepotizmu

Published

on

Hatutan.com, (05 Fevereiru 2024), Díli– Iha fulan-Outubru, Dezembru 2023 to’o fulan-Janeiru 2024, Eletrisidade Timor-Leste, Empreza Públiku (EDTL,E.P) iha projetu fíziku 15 ne’ebé halo de’it ho  adjudikasaun direta ka la liu hosi prosesu konkursu públiku (tender) normal.

Lee Mós: Funsionáriu EDTL,E.P Na’in-150 Halo Petisaun Kontra Superiór Sira Tanba Ko’a Sira-Nia Saláriu 50%

Projetu ida ne’ebé EDTL,E.P halo ho Adjudikasuan direta ho kustu projetu US$3,593,439.00. Foto/Repro

Dokumentu sira ne’ebé Hatutan.com asesu hosi pájina ofisiál Facebook EDTL,E.P, fó justifikasaun katak projetu sira-ne’e mai ho intensaun adjudikasaun direta bá kompañia sira tuir Artigu 89 Dekretu Lei Númeru 10/2005 Rejime Jurídiku Aprovizionamentu (RJA) EDTL,E.P ho mós baze  bá artigu 65, Dekretu-Lei 22/2022 Rejime Jurídiku Aprovizionamentu  nian.

Projetu 15 ne’ebé halo de’it adjudikasaun  direta ne’e  asina hotu hosi Komisáriu Ezekutivu Korporativu EDTL,E.P, Júlio de Jesus Gonçalves, deskonfia iha pratika korrupsaun no nepotizmu tanba deskonfia mós maioria empreza sira ne’ebé manan/vensedór (winning bidder) iha relasaun ho superiór sira iha EDTL,E.P, inklui relasaun polítika ka koori partidu hanesan ho superiór sira EDTL,E.P.  

Advertisement

Projetu 15 ne’e mak hanesan;

  • Projetu ho númeru RFP/0080/EDTL,E.P-2023 ho nia vensedór mak empreza PAX Protector Unipessoal, LDA ho valor kontratu US$1,739,700.00.
  • Projetu ho númeru RFQ/0103/EDTL,E.P-2023 (Fornesimentu ekipamentu Média) ho vensedór empreza Zagantil Unipesoal, Lda ho valor kontratu US$12,242,45.
  • Projetu ho númeru RFQ/0099/EDTL,E.P-2023 (Aluga Ró Maritima Transporta Mina bá Sentral-Elétrika Atauro) ho vensedór empreza JAJ Ocean Unipessoal, Lda ho valor kontratu US$84,500.00.
  • Projetu ho númeru RFQ/0100/EDTL,E.P (Renting of Vehicle) ho vensdedór empreza ZIVANNZR UNipessoal, Lda ho kustu kontratu US$90,000.00
  • Projetu ho númeru SSS/07/EDTL,e.P (DESIGN, SUPPLY, CIVIL WORKS, INSTALLATIONS, COMMISSIONING. TESTING OF 20 MVA TRANSFORMER (ENGINEERING PROCUREMENT AND CONSTRUCTION (EPC)) IN LIQUICA SUBSTATION TIMOR-LESTE) ho vensedór TBEA International Engineering Co,Ltd ho valor kontratu US$3,93,439.00
  • Projetu ho númeru RFQ/0104/EDTL,E.P-2023 (Fornesemento Cabo Subterrano Culticorona 2XSEY 3x95mm 6kv/10kv inklui accesores ba CFP) ho vensedór empreza Mota Leos Unipessoal, Lda ho valor kontratu US$7,320.00
  • Projetu ho númeru RFQ /0087/EDTL,E.P-2023 (Supply of Electrical Materials for EDTL,E.P ho vensedór empreza Damenia Unipessoal Lda, ho kustu kontratu US$88,394.00.
  • Projetu ho númeru SSS/0071/EDTL-EP-2023 (Re-Construction of Tower N75 & N76 Sectiona Liquiça-Maliana (Cailaco) and Re-Construction of Tower N79, N80 and N81 Section Casa-Suai) ho vensedór CN22 ho kustu kontratu US$698,926.30
  • Projetu ho númeru RFQ/0095/EDTL-EP-2023 (Supply of Tranformer 50 KVA toHun Buti Kasnafar ho vensidor empreza Tatoo Brother’s Unipessoal Lda, ho kustu kontratu US$4,100.00
  • Projetu ho númeru RFQ/0081/EDTL-EP-2023 (New Instalation Medium Voltage Out Going Feeder 1-3) ho vensedór empreza Uma Ai-Honi Unipessoal, Lda ho kustu kontratu US$41,638.00
  • Projetu ho númeru OCB/0016/EDTL-EP-2023 (Office Supplies for EDTL E.P-2023 ho vensedór empreza Ditadolfo Unipessoal Lda ho kustu kontratu US$150,025.90
  • Projetu ho númeru RFQ/0060/EDTL-EP-2023 (Supply of Eletrical Materials for the Installation of Server Room)  ho vensedór  empreza Royal Eletrics Uni, Lda, ho kustu kontratu US$903.00
  • Projetu ho númeru RFQ/0074/EDTL-EP-2023 (Rent Heavy Vecicles for the Trnasportation of Generator from Baucau to Dili) ho vensedór empreza Express Distribution Services &Diverse Unipessoal, Lda (EDS) ho kustu kontratu US$1,700.00
  • Projetu ho númeru RFQ/068/EDTL-EP-2023 (Video Advertising for New Pre-Paid System in TV Station) ho vensedór empreza RTTL,E.P ho kustu kontratu US$8,500.00.  
  • Projetu ho númeru RFQ/0065/EDTL-EP-2023 (Printer Maintenance for EDTL-EP 2023 ho vensedór  Esperansa Unipessoal, Lda  ho kustu kontratu US$6,252.00

Edífisiu EDTL,E.P iha Caicoli, Díli. Foto/Elio dos Santos da Costa

Sei iha tan projetu seluk ne’ebé balun liu duni hosi prosesu konkursu públiku normal, maibé iha tan balun mós kontinua ho intensaun adjudikasaun direta.

Projetu fíziku hotu iha instituisaun Estadu nian tenke sujeita  bá  Dekretu-Lei Númeru 22/2022, 11 fulan-Maiu Rejime Jurídiku Aprovizionamentu bá Kontratu Públiku no bá Respetiva Infrasaun.

Dekretu-Lei númeru  22 /2022, nu’udár rejime foun ne’ebé define prosedimentu aprovizionamentu no selebra kontratasaun públiku ho integradu ba akizisaun “sasán/ bens (goods), prestasaun servisu (services) no ezekusaun obras (works) bá interese/propózitu públiku”

Ajusta direitu ka adjudikasaun direta ne’e tenke refleta bá Dekretu-Lei Númeru 22/2022, 11 fulan-Maiu Rejime Jurídiku Aprovizionamentu bá Kontratu Públiku no bá Respetiva Infrasaun hosi artigu 36.º, 42.º, 45.º, 64.º, 92.º, 93.º no 94.º

Rekizitu bá projetu ho intensaun adjudikasaun direta tenke  urjénsia no katástrofe. Karik la bele halo maka nia konsekuénsia bele prejudika ema nia vida. Mezmu nune’e, tenke forma komisaun avaliasaun hodi fó konvite bá Empreza mínimu  na’in-tolu (3) atu aprezenta ka submete sira-nia dokumentu ka kotasaun.

Advertisement

Empreza sira ne’ebé manan projetu refere tenke iha esperiénsia fornese servisu ho kualidade bá  owner projetu ka na’in bá projetu  (EDTL,E.P, red) no desizaun bá adjudikasaun  direta ne’e tenke publika imediatu iha portál Transparénsia no portal  Aprovizionamentu nian.

Iha Sesta, 02 fulan-Fevereiru 2024, hale’u tuku 09.00 Otl, Hatutan.com tenta ona bá halo konfirmasaun ho Komisáriu Ezekutivu Korporativu EDTL,E.P, Júlio de Jesus Gonçalves, maibé la konsege tanba razaun okupadu ho servisu. Nune’e, iha fali parte loraik nian, hale’u tuku 14:30 Otl, Hatutan.com fila fali bá Edifísiu EDTL,E.P hodi halo konfirmasaun ho fontes hanesan, Komisáriu Ezekutivu Korporativu EDTL,E.P, Júlio de Jesus Gonçalves, maibé kontinua la atende Hatutan.com atu hlao entrevista tanba razaun okupadu ho servisu.

Iha Segunda, 05 fulan-Fevereiru 2024, Hatutan.com  kontínua  bá edifísiu EDTL,E.P iha Caicoli, Díli, ho intensaun atu halo konfirmasaun ho Komisáriu Ezekutivu Korporativu EDTL,E.P, Júlio de Jesus Gonçalves, maibé la konsege halo entrevista tanba Komisáriu Ezekutivu Korporativu EDTL,E.P, Júlio de Jesus Gonçalves okupadu hela ho enkontru servisu EDTL,E.P nian.

Komisaun E-PN Sei Halo Fiskalizasaun Direta

Edífisiu EDTL,E.P, Caicoli, Díli. Foto/Elio dos Santos da Costa

Parlamentu Nasionál liohosi Komisaun E ne’ebé trata asuntu Infra-Estrutura to’o agora seidauk simu informasaun kona-bá projetu sira ho intensaun adjudikasaun direta iha EDTL,E.P durante ne’e.

Maske nune’e, Prezidente Komisaun E-PN,  Marcos Xavier, promete katak iha semana oin  Komisaun E bá halo fiskalizasaun direita bá iha EDTL.E.P no empreza públiku sira seluk.

Advertisement

“Semana oin ami sei halo fiskalizasaun bá EDTL,E.P,   Instituisaun Ekipamentu Jestaun  Apoiu Dezemvolvimentu Institutu Públiku (IGEADI, I.P) fatin sira ne’ebé maka ami seidauk bá ami sei bá hodi haree kondizaun no informasaun sira hosi autoridade kompetente sira iha instituisaun refere,” Deputadu Marcos Xavier hateten bá Hatutan.com iha PN, Sesta (02/02/2024).

“Ami nia fiskalizasaun iha Díli ne’e sei tama hotu bá iha liuliu bá iha sira ne’e maka ita bolu dehan empreza públiku ne’e ami sei bá haree direitamente haree sira nia kondisaun no iha tempu seluk ami sei tama bá ministériu ne’ebé tama iha área komisaun E nian hanesan Obras Públiku, Ministériu Planu no Investimentu Estratéjiku (MPIE), ho Ministériu Transporte no Komunikasaun (MTK),” Deputadu Marcos Xavier tenik.

Jornalista: Vito Salvadór/Jornalista Estajiária: Zita Menezes

Advertisement

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e

Nasionál

Prezidente Repúblika Sei Asiste Asinatura Ofisializasaun TL bá OMK

Published

on

Hatutan.com, (24 Fevereiru 2024), Díli- Prezidente Repúblika (PR), José Ramos-Horta,  halo viajen bá Emiradu Arabes Unidus (EAU) hodi partisipa iha asinatura tratadu fornalizasaun Timor-Leste nian bá Organizasaun Mundiál Komérsiu (OMK) no kontinua vizita estadu dahuluk ba Laos hodi hametin liután kooperasaun bilaterál entre país amigu rua.

(more…)

Kontinua Le'e
Advertisement

Trending