Hatutan.com, (27 Marsu 2024), Díli—IX Governu Konstitusionál liuhosi reuniaun Konsellu Ministru iha Palásiu Governu, Kuarta (27/03/2024), aprova adendas kontratu projetu  tolu  ne’ebé aprezenta hosi Ministru Obras Públikas, Samuel Marçal.

Lee Mós: Estrada Lugatoi-Viqueque Vila Fó Ameasa bá Movimentu Komunidade

Projetu Estrada Baucau, Venilale-Viqueque. Foto/dok.ADN

Sita hosi komunikadu imprensa ne’ebé Hatutan.com asesu,  hanesan  bá desizaun KM nian kona-bá adendas kontratu projetu tolu ne’e mak hanesan tuir mai ne’e:

• ICB/046/MOPTC/2017-Kona-bá estensaun períodu konstrusaun bá projetu melloria no manutensaun estrada Baucau- Venilale – Viqueque: Lote 2 Venilale – Viqueque (Sta 27+120-62’101), ne’ebé sei implika estensaun prazu kontratuál to’o loron 29 fulan-Juñu 2025;
• RFP/003/MOP-2018-Kona-bá estensaun kontratu servisu supervizaun nian bá obras hadi’a estrada entre Baucau Venilale – Viqueque: Lote 2 Venilale – Viqueque (Sta 27+120-62’101), ne’ebé sei implika kustu adisionál ida ho valór kontratu dolár rihun 903 no estensaun prazu kontratu nian to’o loron 30 fulan-Juñu 2025,
• LIB-001-MOPTC-2018 Kona-bá konstrusaun estrada 2,5 km tan iha Projetu Reabilitasaun no Manutensaun ba Estrada Distritál sira Pakote 2 Seksaun. Bazartete Tokoluli (Sta. 16+02- Sta. 32+045), ne’ebé sei implika kustu adisionál ho dolár amerikanu milloins 1,55 no estensaun prazu kontratu ba loron 184.

Jornalista: Leopoldina de Carvalho