Hatutan.com, (20 Abríl 2024), Díli—Primeiru-Ministru (PM), Kay Rala Xanana Gusmão akompaña hosi Embaixadór Timor-Leste iha Brusselas, Jorge Trindade de Camões no ekipa Gabinete Fronteira Marrítima no Terrestre hala’o enkontru ho Primeiru-Ministru (PM) Commonwealth of Dominica, Roosevelt Skerrit hodi deskute kooperasaun bilaterál entre rai rua nian ne’ebé sei estabelese iha tempu besik.

Primeiru-Ministru (PM), Kay Rala Xanana Gusmão hala’o enkontru ho Primeiru-Ministru (PM) Commonwealth of Dominica, Roosevelt Skerrit hodi diskute kooperasaun bilaterál entre rai rua nian hafoin partisipa abertura konferénsia Oseanu “Ita Nia Tasi” bá dala-sia iha kapitál Atenas, Grécia. Foto: Média PM.

Enkontru entre Xefe Governu rua ne’e realiza hafoin partisipa abertura konferénsia Oseanu “Ita Nia Tasi” bá dala-sia iha kapitál Atenas, Grécia.

Lee Mós: PM Xanana Hala’o Viazen Servisu bá Nasaun Tolu

Primeiru-Ministru Dominica, Roosevelt Skerrit agradese tanba bele hasoru-malu ho PM Xanana Gusmão iha konferénsia ne’e, hodi aproveita halo diskusaun kona-bá kooperasaun rai-rua nian.

“Agradese tebes bá Primeiru Ministru Xanana Gusmão tanba ita na’in-rua  bele hasoru-malu iha konferénsia ne’e no konsege fahe esperiénsia kona-bá Timor-Leste no Dominica ne’ebé sei bele sai parseiru iha futuru,” Hatutan.com sita deklarasaun PM Dominica, Roosevelt Skerrit iha komunikadu.

Iha fatin hanesan, PM Xanana mós agradese tanba bele hasoru-malu ho nia omólogu hodi fahe hanoin bá malu kona-bá esperiénsia rai-rua nian iha área polítika, ekonomia no assuntu prioridade sira seluk.

“𝐄𝐧𝐤𝐨𝐧𝐭𝐫𝐮 𝐡𝐨 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐑𝐨𝐨𝐬𝐞𝐯𝐞𝐥𝐭 𝐒𝐤𝐞𝐫𝐫𝐢𝐭, 𝐬𝐢𝐫𝐚 𝐡𝐚𝐧𝐞𝐬𝐚𝐧 𝐄𝐬𝐭𝐚𝐝𝐮 𝐟𝐨𝐮𝐧 𝐧𝐨 𝐫𝐚𝐢 𝐤𝐢𝐢𝐤 𝐡𝐚𝐧𝐞𝐬𝐚𝐧 𝐢𝐭𝐚. N𝐢𝐚 𝐡𝐮𝐬𝐮 𝐚𝐭𝐮 𝐢𝐡𝐚 𝐫𝐞𝐥𝐚𝐬𝐚𝐮𝐧 𝐝𝐢𝐩𝐥𝐨𝐦𝐚́𝐭𝐢𝐤𝐮 𝐡𝐨𝐝𝐢 𝐢𝐭𝐚 𝐤𝐨𝐧𝐭𝐚𝐤𝐭𝐮 𝐛á 𝐦𝐚𝐥𝐮 𝐡𝐨 𝐬𝐢𝐫𝐚 𝐛𝐞𝐥𝐞 𝐞𝐬𝐭𝐚𝐛𝐞𝐥𝐞𝐬𝐞 𝐤𝐨𝐨𝐩𝐞𝐫𝐚𝐬𝐚𝐮𝐧 𝐡𝐨 𝐓𝐢𝐦𝐨𝐫-𝐋𝐞𝐬𝐭𝐞,” PM Xanana dehan.

Enkontru ne’e termina ho serimónia entrega prendas tasi no kafé Timor-Leste, konsidera Xefe Governu Xanana hanesan ninia belun di’ak nu’udár sinál agradesimentu hodi povu no nasaun Timor-Leste.

Iha parte seluk, hasoru-malu mós ho Primeiru-Ministru, Republika Demokratika São Tome é Principe, Patrice Emery Trovoada no Ministru Peskas no Mariña Repúblika Namibia, Hon. Derek Klazen hodi fahe hanoin bá malu entre rai rua nu’udár nasaun kiik ne’ebé partisipa mós iha konferénsia Oseanu iha Atenas, Grécia hodi fahe sira nia esperiénsia no rona esperiénsia rai seluk nian.

Jornalista: Rogério Pereira Cárceres