Connect with us
Pakote Ahi

Polítika

TL-ONU Kontinua Diskute Programa Prioridade Sira Ne’ebé Reflete ho ODS

Published

on

Hatutan.com, (26 Abríl 2024), Díli- Primeiru-Ministru (PM), Kay Rala Xanana Gusmão kontinua diskute ho Sekretáriu Jerál Adjuntu ONU nu’udar mós Diretór Rejionál bá Asuntu Asia Pasífiku bá Sekretáriu Koordenasaun Dezenvolvimentu,  David McLachlan, hodi ko’alia kona-ba prioridade sira iha saúde, edukasaun, inklui kona-bá podér turizmu no ekonomia  verde no ekonomia kor-azúl bá futuru Timor-Leste nian ne’ebé reflete ho Objetivu Dezenvolvimentu Sustentavel (ODS).

Lee Mós: Forum Ekonómiku Mundiál, Sekretáriu Jerál ONU António Guterres Kondena Makás Funu Gaza

Sekretáriu Jerál Adjuntu ONU nu’udar mós Diretór Regional ba Asuntu Asia Pasífiku bá Sekretáriu Koordenasaun Dezenvolvimentu, David McLachlan. Foto/Elio dos Santos da Costa

Sekretáriu Jerál Adjuntu ONU nu’udar mós Diretór Regional bá asuntu Asia Pasífiku bá Sekretáriu Koordenasaun Dezenvolvimentu,  David McLachlan, hateten hasoru malu ho PM Xanana ne’e  hanesan onra no ksolok tebes hodi hakle’an diskusaun kona-bá área kooperasaun entre governu Timor-Leste no ONU.

Nia haktuir  to’o iha Timor-Leste iha 1999 ho UNAMET, no liu tiha tinan 25, kontente tebes atu haree dezenvolvimentu barak liu tan, moris iha kapitál Díli.  Liuliu kontente tebes tanba fila fali mai atu haree oinsá servisu hamutuk ho Governu iha kompromisu atu dezenvolve Timor-Leste iha tinan-lima (5) oin mai. Tanba ne’e, ho Primeiru-Ministru Kay Rala Xanana Gusmão,  kontente atu diskute kona-bá asuntu sira ne’ebé iha interese bá malu.

Advertisement

“Ha’u reprezenta Gabinete Koordenasaun Dezenvolvimentu Nasoins Unidas nian. Ami sei servisu hamutuk ho Governu hodi halo formulasaun bá ami-nia kuadru kooperasaun foun durante tinan-lima (5) ho governu no sistema Nasoins Unidas iha Timor-Leste. Ami ko’alia kona-bá prioridade governu nasionál nian. Prioridade hirak-ne’e iha saúde no edukasaun, no iha área turizmu, enerjia, agrikultura, prioridade hirak-ne’e mak governu foun nian no oinsá mak ita sei serbisu hamutuk, no mós ita-nia kuadru kooperasaun foun,” David McLachlan hateten bá jornalista sira iha Palásiu Governu, Sesta (26/04/2024).

Nia hatutan ONU servisu ho objetivu dezenvolvimentu sustentavel. Bá fundasaun absoluta bá dezenvolvimentu saúde no edukasaun. Ne’e mak servisu báziku ne’ebé Governu sira tenke fornese bá dezenvolvimentu.  Tanba ne’e, sei foku esforsu sira bá setór sosiál, maibé atu alkansa objetivu dezenvolvimentu sustentavel sira.

ONU hakarak aprezenta pakote holistikku ida bá dezenvolvimentu hodi fó dalan bá Timor-Leste atu alkansa liu tan objetivu dezenvolvimentu sustentavel sira iha área ikus to’o tinan 2030 ne’ebé ONU limitasaun ba programa ODS ida-ne’e. Tanba ne’e ONU sei aselera duni nia apoiu.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Komisaun D Sei Vizita Armazén CLN

Published

on

Hatutan, (14 Juñu 2024), Díli– Komisaun D Parlamentu Nasionál ne’ebé trata asuntu Ekonómia no Dezemvolvimentu sei visita armazén  Sentru Nasionál Lojistiku (CLN, sigla portugés) hodi buka alternativu bá folin foos. 

(more…)

Kontinua Le'e

Polítika

CNRT ho KHUNTO husu Kandidatu Komisáriu CAC Rui Pereira Hala’o Kna’ar ho Imparsialidade

Published

on

Hatutan.com, (13 Juñu 2024), Díli– Bankada Parlamentár CNRT ho KHUNTO husu kandidatu foun komisáriu Komisaun Anti-Korrupsaun  (CAC,sigla portugés), Rui Pereira dos Santos atu hata’o kna’ar ho imparsialidade.

(more…)

Kontinua Le'e

Polítika

Bankada CNRT ho FRETILIN Hein Prezensa Ministra Saúde Élia Amaral iha PN

Published

on

Hatutan.com, (12 Juñu 2024), Díli– Bankada Parlamentár  CNRT no FRETILIN husu  bá Primeiru-Ministru (PM), Kay Rala Xanana Gusmão atu fó autorizasaun bá Ministra Saúde Élia A.A dos Reis Amaral marka prezensa iha Parlamentu Nasionál hodi buka solusaun bá problema saúde iha Timor-Leste.

(more…)

Kontinua Le'e
Advertisement

Trending