Connect with us
Pakote Ahi

Saúde

Primeiru-Ministru Observa Konstrusaun Edifísiu Pediatria Ne’ebé Atinje 29%

Published

on

Hatutan.com, (06 Abríl 2024), DíliPrimeiru-Ministru (PM), Kay Rala Xanana Gusmão hala’o vizita hodi observa direta funsionamentu Hospitál Nasionál Guido Valadares (HNGV) no mós konstrusaun edifísiu pediatria ho kuidadu intensivu ne’ebé oras-ne’e daudaun atinje ona 29%.

Primeiru-Ministru (PM), Kay Rala Xanana Gusmão hala’o vizita hodi observa konstrusaun edifísiu pediatria ho kuidadu intensivu iha HNGV, Segunda (06/05/2024). Foto: Média PM.

“Ha’u mai vizita traballu ida, mai la’ós de’it atu haree kona-bá funsionamentu ospitál nian, maibé ita hatene katak, iha ne’e ema moras iha katuas no ferik mak barak teb-tebes. Haree ida-ne’e, nune’e ita bele hanoin sleuk tán. Ha’u mós mai haree fatin ne’ebé Xina kontribui hodi harii fatin ida bá pediatria nian ne’ebé sei la’o hela, kala sei lori tinan ida ka tinan ida ho balun tanba boot ho nia medida andar lima,” Hatutan.com sita deklarasaun Primeiru-Ministru iha komunikadu, segunda (06/05/2024).

Lee Mós: Governu Tau Millaun $9.3 Konstrui Edifísiu Pediatria no Unidade Kuidadu Intensivu iha HNGV

Xefe Governu preokupa ho problema sira ne’ebé kontinua akontese iha HNGV no husu atu parte ospitál sira ordena no tau prioridade bá área espesializada sira.

Advertisement

“Ha’u-nia preokupasaun boot liu maka, ha’u la’o bá mai iha fatin hotu-hotu, haree probelam ran mós barak, problema fuan mós barak inklui problema moras kakorok nian. Husu atu ospitál sira ne’e di’ak liu ita haree ba iha espesializada sira hanesan ida-ne’e bá iha ne’ebá no ida-ne’e bá iha ne’ebá atu labele kahur-malu fali,” Kay Rala Xanana Gusmão hateten.

Serimónia hatuur fatuk dahuluk bá projetu edifísiu foun pediatria no kuidadu intensivu HNGV hosi Primeiru Ministru (PM), Taur Matan Ruak iha VIII Governu Konstitusionál, iha kinta (26/01/2023) no alokasaun orsamentu millaun $9.3 atu kria kondisaun ida di’ak bá atende pasiente sira.

Edifísiu Pediatria no unidade kuidadu intensivu ne’ebé konstrui daudaun ho nia konstrusaun fízika ne’ebé iha, sei kompleta ho ekipamentu médiku no sala internamentu tuir kondisaun klínika ne’ebé Ministériu Saúde liu hosi HNGV planeia atu bele atende kazu krítiku, liuliu bá labarik sira nune’e bele redús númeru morbidade no mortalidade iha HNGV.

Edifísiu ho pezu andar lima ne’e konstrui hosi empreza Cina Civíl Engineering Construction Coorporation (CCECC), no uma halo iha rai ho lu’an 4300 m², sei kompleta ho kama hamutuk 327 ne’ebé sei presiza profisionál saúde hamutuk 81 to’o 163, inklui ona médiku, enfermeiru, parteira no mós espesialista sira.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Saúde

Estoke Out Ai-Moruk 31%, Governu Aloka Tan Millaun $8 bá INFPM Sosa Ai-moruk

Published

on

Hatutan.com, (22 Maiu 2024), DíliDaudaun ne’e  estoke out ai-moruk iha Institutu Nasionál Farmasía no Produtu Medikámentu ( INFPM) 31% bá iha vitál, esensiál no nesesáriu. Ho nune’e, estoke on hand ka iha ona INFPM nia liman 67%.

(more…)

Kontinua Le'e

Saúde

71% Ai-moruk iha Ona INFPM no Stock Out 29%

Published

on

Hatutan.com, ( 07 Maiu 2024), Díli—Daudaun ne’e ai-moruk esensiál, vitál no nesesáriu iha ona (stock on hand) Institutu Nasionál Farmásia no Produtu Médiku (INFPM) 71% no ai-moruk hamutuk 29% mak stock out.

(more…)

Kontinua Le'e

Saúde

Sali-Magu Hatama Tan Ai-Moruk Item 11 no Reagentes Item 118

Published

on

Hatutan.com, (24 Abríl 2024), Díli—Empreza nasionál Sali-Magu Unipessoal Lda, daudaun ne’e, hatama tan ai-moruk item 11 no produtu reagentes item 118 hodi kumpre dever kontratu ho Ministériu Saúde hodi fornese produtu farmaséutika no produtu medikamentu bá Institutu Nasionál Farmásia no Produtu Médiku (INFPM).

(more…)

Kontinua Le'e
Advertisement

Trending