Connect with us
Pakote Ahi

Nasionál

Ramos-Horta Simu Karta Kredensial Embaixadór “Não-Residente” Tolu husi Amerika Latina

Published

on

Hatutan.com, (28 Maiu 2024), Díli- Prezidente Repúblika (PR,) José Ramos-Horta, simu karta kredensial husi embaixadór ‘Não-Residentes’ tolu husi Amerika Latina hanesan Repúblika Argentina, Repúblika Xile no Repúblika Ghana

Lee Mós: Ramós-Horta Fó Posse bá Embaixadór Dezignadu TL bá Vietnam ho Malázia

Embaixadóra Florence Buerki Akonor aprezenta nia karta kredénsia nu’udár Embaixadora foun Estraordinária no Plenipotensiáriu Repúblika Ghana nian ba Repúblika Demokrátika Timor-Leste, rezidente iha Kuala Lumpur, Malázia. Foto/Elio dos Santos da Costa

Embaixadór Gustavo Ricardo Coppa aprezenta nia karta kredénsia nu’udár Embaixadór foun Estraordináriu no Plenipotensiáriu Repúblika Argentina ba Repúblika Demokrátika Timor-Leste, rezidente iha Jakarta-Indonézia.

Embaixadór Ignacio Artaza Loyola aprezenta nia karta kredénsia nu’udár Embaixadór foun Estraordináriu no Plenipotensiáriu Repúblika Xile ba Repúblika Demokrátika Timor-Leste, ne’ebé mós rezidente iha Jakarta.

Advertisement

Embaixadóra Florence Buerki Akonor aprezenta nia karta kredénsia nu’udár Embaixadora foun Estraordinária no Plenipotensiáriu Repúblika Ghana nian ba Repúblika Demokrátika Timor-Leste, rezidente iha Kuala Lumpur, Malázia.

Prezidente Ramos-Horta simu embaixadór foun sira no reforsa kompromisu Timor-Leste nian atu hametin relasaun amizade no kooperasaun bilaterál ho Argentina, Xile no Ghana hodi fó benefísiu mútua ba povu tomak.

“Ha’u kongratula embaixadór foun na’i- tolu no hein atu servisu hamutuk ho sira hodi promove ajenda bilaterál sira, reforsa ligasaun amizade nian no esplora parseria ne’ebé benefisia malu iha setór oin-oin iha tinan hirak oin mai,” Prezidente Repúblika José Ramos-Horta iha Palásiu Prezidensiál Nicolau Lobato, Díli, Tersa (28/05/2024).

Xefe Estadu ko’alia liu kona-ba relasaun Timor-Leste nian ne’ebé naruk ho Argentina ne’ebé mai husi estabelesimentu relasaun diplomátika iha 2002. Nia simu kooperasaun ne’ebé kontinua, inklui liu husi akordu kooperasaun téknika 2013 ne’ebé fasilita interkámbiu no projetu konjunta sira.

Ho Repúblika Xile, Prezidente Repúblika nota relasaun istórika nasaun rua durante luta ba independénsia Timor-Leste nian. Prezidente hato’o nia apresiasaun ba apoiu husi Xile ba kandidatura Timor-Leste nian iha Nasoins Unidas no hein katak relasaun ho Embaixadór foun ne’e sei di’ak liután.

Advertisement

Relativamente ho Repúblika Ghana, Prezidente Ramos-Horta hatutan fali Timor-Leste nia hakarak atu hametin relasaun amizade ne’ebé hahú iha 2002. Prezidente enkoraja Ghana atu estabelese rezidénsia misaun diplomátika ida iha Dili hodi fasilita kooperasaun ne’ebé besik liu, inklui liu husi forum multilaterál hanesan g7+ no CPLP.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Governu Atribui Naran Martir Na’in-Ualu bá Repetidor no Branch Unit iha Kabu Submarinu

Published

on

Hatutan.com, ( 22 Juñu 2024), DíliIX Governu Timor-Leste  ne’ebé lidera husi Primeiru-Ministru (PM), Kay Rala Xanana Gusmão,  deside atribui naran martíres  da Pátria (Saudozu) na’in-ualu (8) nian bá Repetidor-hitu  (7) no Branching Unit ida (1) hanesan onra ida atu dignifika eroi sir-nian iha luta ba ukun rasik-aan.

(more…)

Kontinua Le'e

Nasionál

Governu Sosa Ona Mákina Impresora Pasaporte Unidade Rua ho Kustu $330,000

Published

on

Hatutan.com, (21 Juñu 2024), DíliIX Governu Konstitusionál liuhusi Ministériu Justisa (MJ) sosa ona mákina impresora passaporte unidade rua (2) no oras-ne’e daudaun iha hela prosesu instalasaun sistema.

(more…)

Kontinua Le'e

Nasionál

Kandidatu Komisáriu CAC Rui Pereira La’ós Personalidade Independente

Published

on

Hatutan.com, (21 Juñu 2024), Díli—Organizasaun La’ós Governu nian ne’ebé tau matan bá setór justisa, JSMP (Programa Monitorizasaun Sistema Judisiál) kestiona personalidade independente kandidatu komisáriu foun Komisaun Anti Korrupsaun (CAC, sigla portugés), tanba deskonfia Rui Pereira pertense hela bá membru partidu polítika balun ne’ebé ukun hela no atuál sai asesór jurídiku iha ministériu balun.

(more…)

Kontinua Le'e
Advertisement

Trending