Connect with us
Pakote Ahi

Internasionál

Ramos-Horta Halo Diálogu ho Futuru Lider ASEAN Ko’alia Valór Demokrásia no Rezolusaun Konflitu Myanmar

Published

on

Hatutan.com, (01 Juñu 2024), Díli- Prezidente Repúblika (PR), José Ramos-Horta, halo diálogu ho lideransa foin-sa’e sira husi nasaun membru ASEAN sira iha forum Diálogu Shangri-La iha Singapura,  ne’e foka liu ba Timor-Leste nia Kredensial Demokrátika no Aproximasaun ba Rekonsiliasaun Konflitu pasadu, Perspetiva sira kona-bá krize Myanmar, no orientasaun ba futuru Lider ASEAN sira-nian bainhira evita disrupsaun iha rejiaun.

Lee Mós: TL Kontinua Kondena Konflitu Armadu iha Gaza-Ukránia Inklui Junta Militár Myanmar

PR José Ramos-Horta, halo diálogu ho lideransa foin-sa’e sira husi nasaun membru ASEAN sira iha forum Diálogu Shangri-La iha Singapura. Foto/Mídia GPR

Komunikadu ba imprensa ne’ebé Hatutan.com asesu husi Gabinete Média Palásiu Prezidensiál, Sábadu (01/06/2024), informa partisipante husi nasaun 40 inklui Timor-Leste, rona Prezidente Repúblika José Ramos-Horta ko’alia kona-ba defende liberdade no demokrasia entre estadu membru ASEAN sira no Xefe Estadu ko’alia liu kona-bá situasaun Timor-Leste nian hodi hetan liberdade no valór demokrátiku sira.

Aleinde sirkunstánsia Timor-Leste nian, Prezidente Repúblika ko’alia kona-bá konflitu ne’ebé la-serteza iha Myanmar tanba la konsege prevene no halo demokrasia hakiduk. Presiza diálogu atu rezolve krize ne’e. Haree ba Timor-Leste nia adezaun ba ASEAN, Timor-Leste sei kolabora ho ASEAN hodi prevene konflitu sira mosu iha rejiaun Indo-Pasífiku molok tama iha bloku ne’e.

Advertisement

Xefe Estadu nia intervensaun subliña liután kona-bá Timor-Leste nia kompromisu ba prinsípiu demokrátiku sira tanba prepara atu tama ba ASEAN no envolve kle’an liután ho grupu rejionál sira.

Iha oportunidade ne’e, Lider Futuru ba ASEAN sira hato’o sira nia agradesimentu ba apoiu morál Timor-Leste nian ba Myanmar, hodi husu diálogu ho lideransa nasaun nian hodi rezolve krize demokrátiku ida ne’e.

Prezidente Repúblika Enkontru Ho Ministru Defeza Singapura

PR Ramos-Horta hala’o sorumutuk ho Ministru Defeza Singapura nian Ng Eng Hen iha Hotel Shangri-La iha Singapura, Sesta (31/05/2024). Foto/Mídia GPR

Prezidente Repúblika José Ramos-Horta hala’o mos sorumutuk ho Ministru Defeza Singapura nian Ng Eng Hen, iha Hotel Shangri-La iha Singapura, Sesta (31/05/2024), hodi diskute kooperasaun iha area defeza no seguransa entre nasaun pais ne’e.

Iha sorumutuk ne’e, Prezidente Repúblika hetan akompañamentu husi Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul Falur Rate, Embaixadór Alex Tilman, no asesór sira Prezidénsia Repúblika nian ne’ebé mós partisipa iha diskusaun kona-ba oinsá atu hasa’e relasaun bilaterál militár no koordenasaun kona-ba asuntu seguransa rejionál sira ne’ebé sei la’o ba oin.

Singapura valoriza tebes sira-nia relasaun ho Timor-Leste no hein atu identifika oportunidade foun sira atu kolabora iha asuntu seguransa no dezenvolvimentu sustentavel ba benefísiu husi ita-nia povu.

Advertisement

Sorumutuk ne’e marka kontinuasaun ida husi esforsu Timor-Leste nian atu hametin relasaun internasionál sira, liuliu entre nasaun sira iha Sudeste Aziátiku dezde hetan fali independénsia iha tinan 2002 hafoin luta naruk.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Portugál Hakarak Apoia Reforma Justisa TL

Published

on

Hatutan.com, (07 Juñu 2024), Díli—Governu Portugés liu hosi ninia Ministra Justisa, Rita Alarcão Júdice hakarak atu fó apoiu bá Governu Timor-Leste (TL) liuliu iha área reforma seitór justisa.

(more…)

Kontinua Le'e

Internasionál

Alterasaun Lei Migrasaun Portugal La’ós Tanba Violénsia Entre Timoroan iha Fátima

Published

on

Hatutan.com, (07 Juñu 2024), Díli- Ministra Justisa Portugal, Rita Alarcão Judise, konfirma katak alterasaun ba lei migrasaun iha Portugal la’ós tanba violénsia entre joven timoroan sira iha Fátima-Portugál, Domingu liubá,  maibé ne’e planu Governu nian ho objetivu atu integra, simu no halibur imigrante sira iha Portugál.

(more…)

Kontinua Le'e

Internasionál

Polísia Judisiáriu Leiria Seidauk Identifika Motivu Violénsia iha Fátima Ne’ebé Envolve Timoroan

Published

on

Hatutan.com, (04 Juñu 2024), Díli-Polísia Judisiariu (PJ) husi Leiria seidauk identifika loloos motivu husi violénsia ne’ebé akontese iha Domingu (02/06/2024),  oras Portugál iha Fátima-Portugál ne’ebé rezulta mate ida, kanek todan tolu no kanek kaman rua.

(more…)

Kontinua Le'e
Advertisement

Trending