Connect with us
Pakote Ahi

Nasionál

CI-ABC International Development Fasilita Formasaun In-depth Reporting bá Jornalista 12

Published

on

Hatutan.com, (03 Juñu 2024), Díli—Conselho de Imprensa (CI) Timor-Leste hamutuk ho ABC International Development, fasilita formasaun In-depth reporting bá Jornalista na’in 12 hodi aumenta no hakle’an liután koñesimentu iha mundu jornalizmu.

CI hamutuk ho ABC International Development, fasilita formasaun In-depth reporting bá Jornalista na’in 12 hodi aumenta no hakle’an liután koñesimentu iha mundu jornalizmu, iha Palm Businesses Centre, Surikmas, Segunda (03/06/2024). Foto: Vito Salvadór.

Jornalista 12 ne’ebé hetan oportunidade hodi partisipa iha formasaun ba In-depth reporting ne’e mai husi Radio Televizaun Timor-Leste, Empreza Públiku (RTTL.E.P) na’in haat, Grupu Media Nasionál (GMN) ida, Media Neon Metin ida, Radio Liberdade ida, Jornal Diario Independente ida, Jornal Diario Timor Post ida, Jornal Diario Dili Post ida, Media Mudansa ida no online Hatutan.com ida.

Lee Mós: CI Sensibiliza Matadalan Jornalizmu Inkluzivu bá Jornalista Timoroan

Diretór Ezekutivu CI, António Dias hateten, treinamentu sira kona-bá reportajen in-depth ka Reportajen kle’an ne’e importante teb-tebes atu bele eleva koñesimentu jornalista sira nian kona-bá oinsa bele halo servisu ho di’ak no ho responsablidade.

Advertisement

“Treinamentu ida-ne’e ita halo iha koinsidénsia ho bainhira ita nia mundu ne’e, liu-liu iha estudu sira hatudu ema nia konfiansa bá média ne’e hahú tun. Tanba sá, ne’e pergunta bá hotu-hotu. Ema nia hanoin kona-bá futuru jornalizmu ne’e nakukun tanba ho dezenvolvimentu teknolojia ne’ebé avansadu no ho revolusaun foun iha teknolojia ne’ebé hanaran artifisiál, teknolojia ne’ebé tau jornalizmu ne’e iha kruzametu, la hatene atu bá ne’ebé,” António Dias hateten iha nia diskursu abertura formasaun iha Palm Businesses Centre, Surikmas, Segunda (03/06/2024).

CI nia kompromissu maka kontinua koopera ho ABC International Development hodi fó formasaun no kapasitasaun bá jornalista Timoroan sira.

Nia subliña, jornalizmu investigativu ka In-depth reporting iha mundu ohin loron importante, tamba jornalista ida ne’ebé di’ak tenke kontinua hatudu prinsipiu jornalizmu.

“In-depth reporting ne’e mak fó nafatin valór prinsipál bá jornalista sira atu kaer metin bá knaar ne’ebé reprezenta nia hanesan jornalista,” nia hatutan.

Ho ida-ne’e maka CI hamutuk ho ABC International Development nafatin iha komitmentu atu servisu hamutuk bá dezenvolvimentu média no jornalizmu iha Timor-Leste.

Advertisement

Director of Engagement ABC International Development, Aaron Kearney agradese bá partisipante sira hosi média nasionál ne’ebé partisipa iha formasaun ne’e.

ABC International Development servisu ho média iha nasaun barak maibé gosta liu servisu ho CI Timor-Leste.

“Ha’u sempre dehan loron-loron katak, ami gosta loos servisu ho CI Timor-Leste, tanba loron-loron profesionál, no CI hakarak promove jornalista sira iha média Timor-Leste. Obrigadu bá parseria ho CI Timor-Leste no ami kontente loos,” Aaron Kearney hateten.

Nia mos subliña ABC International Development mos haksolok ho oportunidade servisu hamutuk ho CI ba treinamentu In-depth reporting tamba hasae kualidade jornalizmu iha Timor-Leste.

Iha fatin hanesan, Media Consultan ABC International Development, Mark Bowling fó obrigadu ba oportunidade bele hamutuk ho CI iha treinamentu In-depth reporting nian ba jornalista sira.

Advertisement

Nia afirma servisu barak ona ba dezenvolvimentu media iha nasaun barak no molok Timor-Leste restaura independénsia, servisu ona nudar jornalista no hakerek mos istoria sora kona-ba Timor hamutuk ho ABC.

“Ha’u kontente bele mai fila fali atu hahu pasu foun ida hamutuk ho imi hotu iha In-depth reporting nian hodi bele dezenvolve diak liután kualidade jornalizmu iha Timor-Leste,” nia hateten.

Nia hatutan iha oportunidade formasaun ne’e, hotu-hotu hanesan familia, bele fahe ba malu konesimentu no importante liu mak mak iha esperansa no iha situasaun amigavel nian atu aprende no servisu hamutuk ba area jornalizmu nian.

Iha loron dahuluk treinamentu ne’e, formador sira husi ABC International Development aprezenta materia kona-ba oinsa mak halo ka hakerek notisia iha In-depth reporting, liu-liu konaba maneira entrevista liu hosi verifika, halibur konteudu, hakerek, verifika kualidade no ikus liu ba iha publikasaun.

Durante aprezentasaun matéria, partisipante ka formandu sira hotu-hotu partisipa ho ativu no iha mos pratika sira ne’ebé fahe ba kada grupu atu bele implementa teori sira ne’ebé simu durante Treinamentu.

Advertisement

Treinamentu In-depth reporting ne’ebé organiza husi CI no ABC International Development ne’e sei lao durante loron haat (03 too 06 fulan-Juñu).

Jornalista: Vito Salvadór  

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Rede Bá Rai Konsidera Projetu Sistema Nasionál Kadastru Gasta Millaun $57 Laiha Rezultadu

Published

on

Hatuta.com, (12 Juñu 2024), Díli –ONG Rede ba Rai konsidera projetu  Sistema Nasionál Kadastru (SNC, sigla portugés) ne’ebé ezekuta husi  kompañia Timor-Leste GMN Holding ho kompañia Portugal ARM-Apprize ho kustu millaun $57  iha tinan 2014 to’o ohin loron la hatudu rezultadu no parsiál barak mak la publika iha mapa to’o agora.

(more…)

Kontinua Le'e

Nasionál

Horta ho Winston Piters Deskute Unidade ASEAN no Kestaun Myanmar

Published

on

Hatutan.com (12 Juñu 2024), Díli- Prezidente Repúblika (PR), José Ramos-Horta ho Vise-Primeiru-Ministru Nova Zelándia Winston Piters diskute unidade nasaun sira iha Association of Southeast Asian Nations (ASEAN) no kestaun  Myanmar.

(more…)

Kontinua Le'e

Nasionál

Sidadaun Estranjeiru Besik 1100 Sei Partisipa Vizita Papa Francisco iha Timor-Leste

Published

on

Hatutan.com, (12 Juñu 2024), Díli-Diretóra Jerál Servisu Migrasaun (SM), Adelaide da Rosa informa, posibilidade sidadaun estranjeiru hamutuk 1100 sei partisipa misa ne’ebé prezide husi Papa Francisco iha Tasi-Tolu,  Díli, Timor-Leste.

(more…)

Kontinua Le'e
Advertisement

Trending