Hatuta.com, (03 Juñu 2024), Díli-Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Segunda (03/06/2024),     fó pose ba dirijente másimu na’in-ualu (8) ne’ebé lidera institutu públiku (I.P) hirak ne’ebé tutela direta  ba  Ministériu  Koordenadór  Asuntu Ekonómiku  no Ministru Turizmu no  Ambiente.

Lee Mós: PN Husu Governu Justifika Razaun La Estende Kontratu Funsionáriu SERVE I.P Na’in-166

Vise-PM Francisco Kalbuadi Lay foto hamutuk ho dirijente masísmu na’in-ualu iha I.P ne’ebé tutela ba MKAE. Foto/Tome da Silva

Sira hirak ne’e mak hanesan; Prezidente Autoridade de Turismo de Timor-Leste (ATTL, I.P.),  Virgílio Smith,  Vogál Autoridade de Turismo de Timor-Leste (ATTL, I.P.), Ildefonso de Carvalho, presidente (Autoridade Nacional Designada para  Combate as Alateracoes Climaticas (AND, I.P.), Felisberto Araújo Duarte, prazidente (Autoridade Naconal de Licenciamento Ambiental (ANLA, I.P), Maximiano Maria Gusmão de Oliveira,  Diretór Ezekutivu  Instituto de Pesguisa, Desenvolvimento, Formação e Promoção do Bambu (Bambu I.P.), Abílio Immanuel Almeida Barros, prezidente Centro Logistico Nacional (CLN, I.P.), António de Araújo Soares, Diretór Ezekutivu Servico de Registo & Verificação Empresarial (SERVE. I.P.), Fausto Soares Dias, no Vise Diretora Ezekutivu SERVE, I.P, Agusta Antonia Gomes.

Vise-Primeiru-Ministru, Francisco Kalbuadi Lay, hateten ho hadomi tomak ba na’in-ualu (8)  ne’ebé mak  hetan tiha tomada pose  ho  esperansa ida katak hosi knaar foun ida-ne’e no   ho Nai Maromak Nia grasa po públiku hotu-hotu nia apoiu buka servisu didi’ak ba  ho neon no domin.

Francisco Kalbuadi Lay agradese ba  prezidente ho nia ekipa tomak  iha Komisaun Funsaun Públiku (CFP, sigla portugés)  ne’ebé mak hatene katak servisu barak atu haree nasaun ne’e,  no tau matan ba povu iha territóriu Timor-Leste hotu liuliu ba instituisaun sira  ne’ebé ohin dadeer hetan priviléjiu  boot ida-ne’e.

“Vise-Primeiru-Ministru  bainhira halo tomada  pose sempre halo duni iha sira nia fatin,  sé  ita ko’alia efisiénsia ho  efikásia,  la’ós fatin ne’ebé imi tomada pose ba luxu  ne’ebé  imi hatudu katak servisu makas,  maibé iha imi nia uma laran rasik  ita hotu nia uma laran katak fatin ida ne’e simples  maibé ejijénsia hosi povu, ita-boot sira no ha’u hanesan servidór públiku serbí ba povu no rai ida-ne’e ninian atu di’ak liután mak ita fó ita nia aan ho domin, vontade ho responsabilidade,” Francisco Kalbuadi Lay hateten.

Nia la tetu kargu xefia mai hosi koor saida de’it,  maibé presiza liu mak atu serbí nasaun ida ne’e hodi ema hotu-hotu. Tanba ne’e, ba kargu xefia sira ne’ebé maka foin daudauk  kaer ona I.P,E.P   nia husu sira nia responsabilidade atu  servisu nafatin.

Vise-PM Francisco Kalbuadi Lay komprometidu katak sé hakerek karta ba  xefia sestante ida-idak,  atu kontinua servisu hamutuk  iha instituisaun I.P no E.P sira ne’e.

Iha fatin hanesan Prezidente CFP,  Agostinho Leténcio de Deus  hato’o nia agradese ba Vise-Primeiru-Ministru Francisco Kalbuadi Lay, kona-ba karta konvite ne’e hanesan priviléjiu ida ba CFP hodi marka prezensa iha eventu serimónia  tomada pose ba kargu Xefia I.P no E.P sira.

“Ha’u hanoin ida ne’e foin primeira vez ita boot sira simu tomada pose,  maibé kada tomada pose sempre sai importante  ba  ita hotu-hotu  iha ita-nia servisu” Prezidente CFP,  Agostinho Leténcio de Deus heteten.

CFP nia prezensa ida ne’e atu  garantia servisu  hamutuk nune’e  hotu-hotu tenke kontinua servisu hamutuk atu lori Ministériu  Koordenadór asuntu Ekonomia no Ministériu Turizmu Ambiente ne’ebé lidera husi Vise-Primeiru-Ministru Francisco Kalbuadi  Lay, atu komprometidu ba ida-idak nia an hodi lori susesu ida ba Programa IX Governu  ninian iha durante nia periodu.

“CFP sei hamutuk ho ita boot sira  atu tau atensaun  liuliu ba servisu    profisionál  funsionáriu sira nian ne’ebé mak tutela  no lidera husi ita-boot sira,” nia tenik.

Fausto Soares Dias hateten katak ba Diretór Ezekutivu ho vise-Diretór Ezekutivu hosi SERVE, I.P nian ohin hotu-hotu asiste serimónia ne’e tanba bazeia ba reuniaun Konsellu Ministru iha loron 22 fulan-Maiu liubá hodi nomeia ba diretór I.P ho E.P sira ne’ebé mak tutela ba MKAE ho Ministériu Turizmu no Ambiente.

“Atu haree ba servisu sira liuliu iha SERVE, I.P nian katak komesa hosi fulan-Janeiru mai to’o iha Juñu 2024 saida mak la’o iha ne’ebá ita bot sira hatene. Nune’e ho prezensa Ezekutivu foun fiar katak servisu sira ne’e sei la’o di’ak fila fali hanesan iha tempu tinan hirak liubá, Diretór Ezekutivu SERVE, I.P, Fausto Soares Dias hateten.

SERVE I.P la iha funsionáriu permanente, tanba hotu-hotu mesak funsionáriu kontratadu ho estatutu termu sertu, tanba ne’e bazeia ba desizaun hosi Vuise-PM Francisco Kalbuadi Lay hasai ho númeru 0/61 hatete dehan katak ba funsionáriu sira ne’ebé mak termina kontratu sira iha I.P ho E.P hotu ona iha ne’ebá.

Jornalista Estajiáriu :  Lazaro Pereira Quefi