Connect with us
Pakote Ahi

Nasionál

Rede Bá Rai Konsidera Projetu Sistema Nasionál Kadastru Gasta Millaun $57 Laiha Rezultadu

Published

on

Hatuta.com, (12 Juñu 2024), Díli –ONG Rede ba Rai konsidera projetu  Sistema Nasionál Kadastru (SNC, sigla portugés) ne’ebé ezekuta husi  kompañia Timor-Leste GMN Holding ho kompañia Portugal ARM-Apprize ho kustu millaun $57  iha tinan 2014 to’o ohin loron la hatudu rezultadu no parsiál barak mak la publika iha mapa to’o agora.

Lee Mós: Banku Mundiál Prontu Apoia Servisu Kadastru no Comissão das Terras

Logotipu Sistema Nasionál Kadastru (SNC, sigla portugés). Foto/Repro

Sistema Kadastru funda hosi  USAID mak fó tulun ba Guvernu ne’ebé tempu ne’ebá   lidera husi Primeiru-Ministru (PM), Kay Rala Xanana Gusmão hodi sukat rai iha territóriu Timor-Leste.

Fundus bá projetu ne’e rasik hosi Estadu Unidus Amerika maibé implementador hosi Governu Timor-Leste sira kuaze rejistu iha sidade laran de’it, iha Dili bá to’o sidade sira munisípiu la to’o suku, aldeia no bairru hotu iha territóriu TL,  maibé projetu remata tiha de’it.

Advertisement

Bainhira projetu ne’e remata entaun Estadu RDTL kontinua fali kadastru hodi administra rai sira iha Timor-Leste nune’e sira uza orsamentu hosi estadu rasik total millaun $57 ho nia durasaun tempu tinan-neen (6) (2014-2020).

“Governu kontratu ho kampaña ida naran ARM-Apprize hosi Portugal kompañia ne’e ami Rede ba Rai observa buka informasaun sira katak kompañia ne’e la iha esperiénsia kona-bá kadastru ne’e. Tanba ne’e kompañia Portugal ARM-Apprize servisu hamutuk ho GMN Holding sira kolabora hamutuk halo prosesu kadastru iha Timor-Leste maibé kompañia GMN ita seidauk haree nia reputasi di’ak atu servisu kona-bá kadastru nian tanba ami haree GMN ne’e kompañia ba Media ninian maibé halo nusa mak bele envolve fali nia iha kadastru, ida ne’e duvida boot ida ba ami,” Koordenadór Nasionál Rede ba Rai, Pedrito Vieira informa ba Hatutan.com iha nia edifísiu, Farol, Díli, Kuarta (12/6/2024).

Tuir Rede ba Rai nia akompañamentu katak servisu sira konsege la’o  maibé depois tinan-neen (6) projetu SNC ne’e para tiha, la iha kontinuasaun no mós rejistu balu ne’ebé mak sira foti ba iha na’in ba rai sira iha altura ne’ebá balu mak sira publika iha mapa katak fatin ne’ebé mak identifika no rejista ona mak ida ne’e ema ba hare duni mapa ne’e. Maibé iha parsela barak loos mak to’o ohin loron seidauk publika iha mapa, ema lahatene depois projetu ne’e mós remata tiha ona.

Ema bolu dehan SNC funda hosi Timor Leste rasik ho orsamentu millaun $57,  maibé kuaze parsela 200.000 liu mak sira foti no rejistu ba na’in ba rai sira.

“Hosi 2018 sa’e mai iha tinan barak nia laran ona ema atu asesu dadus ba SNC atu hetan informasaun katak ha’u nia rai uluk SNC ba sukat ne’e ha’u hakarak haree nia mapa maibé ema la fó. Públiku hein dadus sira ne’e, maibé sira dehan sistema (alat) uluk sira uza rejistu ne’e at ona maibé ida ne’e la’ós razaun ida, o bele sosa troka ka buka meius seluk atu ema ne’ebé mak konsege rejistu ne’e bele asesu hodi hatene nia rai no kontinuasaun ba oin ne’e nusa,” Pedrito Vieira hateten.

Advertisement

Koordenadór Nasionál Rede ba Rai, Pedrito Vieira. Foto/Lazaro Pereira Quefi

Nia konta tuir katak, uluk sira-nia parte halo monitorizasaun diretamente ba iha terrenu no husu klarifikasaun tenta hasoru malu ho nia boot sira atu hatene kona-ba sira nia sistema, no sira-nia servisu durante ne’e, maibé SNC  taka an lakohi fó informasaun.

“Ida-ne’e mak mosu pergunta boot ba ami nia ulun laran tanbasá? Ida-ne’e ba iha interese públiku ninian nusa mak tenke taka fali mai ami,” Pedrito Vieira dehan tan.

Organizasaun Rede ba Rai uluk la satisfás ho sira nia servisu sira ne’e mak momentu ne’e hatama duni keixa ba iha Komisaun Anti-Korrupsaun (CAC, sigla portugés) katak haree prosesu servisu kadastru ne’e ho didi’ak tanba gastu Osan Estadu millaun $57 tanba projetu tinan-haat (4) paradu tiha nune’e públiku atu asesu informasaun la iha to’o agora,  maibé gastu osan lubuk ida to’o nia rezultadu la iha tiha de’it.

CAC rasik la iha resposta to’o agora depois mós Rede ba Rai hato’o ona preokupasaun sira ne’e iha Parlamentu Nasional, maibé to’o agora la iha feedback ba keixa ne’ebé mak Rede ba Rai hatama.

Projetu Sukat-Rai Hosi SNC Paradu

To’o oras ne’e projetu sukat-rai hosi kontinua paradu no la funsiona, tanba sei prosesu bá estabelesimentu Komisaun bá Terras no Propriedade nian (CTP-sigla potugês).

Advertisement

Ministru Justisa (MJ), Sérgio de Jesus Fernandes da Costa Hornai. dehan, ministériu liuhosi ekipa Diresaun Nasional Terras no Propriedade (DNTP) nian halo hela ezersísiu ne’ebé maka’as hodi hala’o servisu sira hotu ligadu rai ka parsela ne’ebé tama iha disputa no hetan reklamasaun sira ho baze bá dadus sira iha SNC ninian sistema.

“Ita halo hela ezersísiu sira para atu bele halo servisu sira. Ita-boot sira haree, Komisaun Terras komesa estabelese, diresaun terras no propriedade komesa halo maka’as oinsá mak atu haree kona-bá sira ne’ebé tama hela iha reklamasaun, ida ne’ebé mak la tama reklamasaun, atu sujeita bá iha rekoñesimentu sira, mais, tenke iha ekipa ida para atu bele halo ida ne’e,” Ministru Justisa, Sergio Hornai, hatán bá Hatutan.com, hafoin partisipa iha sorumutuk ordináriu Konsellu Ministru nian iha Palásiu Governu, Dili, Kuarta (12/06/2024).

Ministru Justisa, Sérgio de Jesus Fernandes da Costa Hornai. Foto/Dok

Iha momentu ida ne’e Komisaun bá Terras nian eziste ona iha Ministériu Justisa ho baze Dekretu-Lei Númeru 5/2020, sira goza sira nian autónomu, no atribui kompeténsia bá sira atu halo servisu ida-ne’e, no sira sei providénsia bá iha DNTP atu bele ikus liu Governu bele halo omologasaun ka fó rekoñesimentu kona-bá direitu bá propriedade sira ne’e.

“Sistema ita iha ne’e. Sistema ne’e iha Balide ne’ebá, mais, ita iha ekipamentu sira balu avaria, buat balu sei iha para ita bele hadi’a. Sistema ita iha ne’e, sistema ita maka estabelese, ita bele hola aparellu sira balu mai hosi ne’ebá. Mais, ita uza sistema ne’e, neste momentu iha hela ita nia rai,” Ministru Sergio Hornai tenik.

Hatán kona-bá informasaun ne’ebé iha katak, parte kompañia Portugal ARM-Apprize husu bá Governu TL atu halo pagamentu bá sira ho montante millaun $2, molok halo migrasaun dadus sira ne’e mai TL, Ministru Sergio Hornai dehan, “Ha’u laiha saida, o que certo prosesu sira la’o hotu ona, tuir prosesu administrativu ne’ebé mak iha.”

Iha Sesta (17/06/2022), Diretór Jerál Terras no Propriedade, Rodrigo de Mendonça, fó sai katak, Diresaun Nasionál Terras no Propriedade rejista rai 370.000 parsela, iha disputa nia laran 42.000 no laiha disputa 328.000 iha Timor Leste.

Advertisement

Dadus ne’e iha ona DNTP bazeia bá levantamentu hosi projetu SNC iha Munisípiu 13 inklui Rejiaun Administrativa Espesiál Oecusse Ambeno (RAEOA).

Iha  Sesta 25 fulan-Jullu 2014, Primeiru-Ministru (PM) Kay Rala Xanana Gusmão ho Primeiru-Ministru Portugál (tempu ne’ebá), Pedro Passos Coelho,  halo lansamentu ba projetu Sistema Nasionál Cadastro (SNC).

Projetu SNC ne’e atu halo levantamentu ba rai hodi hatan data sira ba sistema modernu ho teknolójia foun. Tanba durante tempu okupasaun Portugés to’o agora, Timor-Leste seidauk iha Sistema Cadastro Nasional. Nune’e, Konselhu Ministru aprova projetu Sistema Nasional Cadastro (SNC) hodi implementa iha Timor-Leste ho durasaun tinan-neen (6) atu bele halo levantamentu dadus kona-ba parsela rai hira maka iha teritoriu Timor-Leste.

Jornalista: Rogério Pereira Cárceres/Lazaro Pereira Quefi

 

Advertisement

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Sei Foti Medida Própriu Hasoru Funsionáriu Tama Servisu Tarde

Published

on

Hatutan.com, (19 Jullu 2024), Díli – Ekipa konjunta; Komisaun Funsaun Públiku (CFP), Komisaun Anti-Korrupsaun (CAC),  Inspetór Jerál Estadu (IGE) no Diresaun Nasionál Patrimóniu Estadu  (DNPE) iha hela faze diskusaun atu foti medida própriu hasoru funsionáriu sira ne’ebe mak tama servisu tarde no sai servisu sedu.

(more…)

Kontinua Le'e

Nasionál

Ema Balun Lori Veteranu Nia Naran Impede Projetu Reabilitasaun Estrada Alas Vila Bá Wedauberek

Published

on

Hatutan.com, (19 Jullu 2024), Díli-Projetu reabilitasaun estrada husi Alas Vila bá Wedauberek, Suku Mahakidan, Munisípiu Manufahi, paradu besik fulan ona, tanba iha ema ka grupu balun lori veteranu nia naran bá halo impedimentu.

(more…)

Kontinua Le'e

Nasionál

Ramos-Horta husu Komisaun Organizadora Vizita Papa Francisco Servisu ho Másimu

Published

on

Hatutan.com, (18 Jullu 2024), Díli- Prezidente Repúblika (PR), José Ramos-Horta husu atu komisaun organizadora vizita Papa Francisco mai Timor-Leste atu halo servisu ho másimu atu lori susesu ba vizita pastorál ne’e.

(more…)

Kontinua Le'e
Advertisement

Trending